30 ნოემბრიდან რუსეთი ხორბლის საექსპორტო ბაჟს ზრდის, სიმინდზე კი ანულებს
Read Time:41 Second
რუსეთი 30 ნოემბრიდან ხორბლის ექსპორტზე დაწესებულ გადასახადს 1.9%-ით ზრდის.
რუსეთის სოფლის მეურნეობის სამინისტროს ცნობით, 1 ტონა ხორბლის საექსპორტო ბაჟი 2 788 რუბლით განისაზღვრება, ნაცვლად არსებული 2 735.2 რუბლისა, რომელიც 29 ნოემბრამდე იყო აქტიური.
ქერზე არსებული ბაჟი 2 430 რუბლიდან 2 308 რუბლამდე შემცირდება, სიმინდზე კი რომლის საექსპორტო გადასახადი ბოლო ორი კვირის განმავლობაში აქტიურად მცირდებოდა, 30 ნოემბრიდან ნულოვანი გახდება.
საექსპორტო გადასახადი საქონლის საინდიკაციო ფასებიდან დგება, რაც 1 ტონა ხორბალზე 313.6 დოლარს (ნაცვლად არსებული 312.5 დოლარისა), ქერზე 283.7 დოლარს (286.7 დოლარი), ხოლო სიმინდზე 221.1 დოლარს (233.9 დოლარი) შეადგენს.
ცნობისთვის: 2022 წლის 6 ივლისიდან საექსპორტო ბაჟი რუბლში ანგარიშობენ, რადგან 2022 წლის 30 ივნისს მთავრობამ ბაჟის დოლარიდან რუბლში გადაყვანის განკარგულება გამოსცა.
რუსეთმა მარცვლეულზე საექსპორტო ბაჟი 2021 წლის 2 ივნისს ამოქმედდა. ის ყოველკვირეულად საინდიკაციო ფასებიდან გამომდინარეობს, რომელიც მოსკოვის ბირჟაზე დარეგისტრირებული საექსპორტო ხელშეკრულებების ფასებს ეფუძნება.
Happy
0 %
Sad
0 %
Excited
0 %
Sleepy
0 %
Angry
0 %
Surprise
0 %
Comments
0
0
