კახა კალაძე: რეგიონში სოფლის მეურნეობისა და მეწარმეობის განვითარების მხარდაჭერა მომდევნო წლებშიც გაგრძელდება
Read Time:49 Second
ყოველთვის უნდა გვახსოვდეს, რომ ეს ქალაქი საქართველოში ტოლერანტობის ერთ-ერთი მთავარი ცენტრია. ეს, როგორც პირადად ჩემთვის, ისე – ნებისმიერი ადამიანისთვის დასაფასებელი და პატივსაცემია. ონის მუნიციპალიტეტი და მთლიანად, ეს საოცარი მხარე, უნიკალური ბუნებითა და სამზარეულოთი გამოირჩევა, რაც ტურიზმის კიდევ ურო განვითარებისთვის, კარგი წინაპირობაა, – განაცხადა კახა კალაძემ „ქართული ოცნება-დემოკრატიული საქართველოს“ წარდგენაზე, სადაც ადგილობრივებს ონში, ამბროლაურის, ონის, ცაგერის, მესტიისა და ლენტეხის მაჟორიტარი დეპუტატობის კანდიდატი, გოჩა ენუქიძე წარუდგინეს.
„ჩვენი ხელისუფლება კვლავაც აქტიურად გააგრძელებს ადგილობრივების მხარდაჭერასა და შესაბამისი ინფრასტრუქტურის მოწყობასა და მოწესრიგებას. ბუნებრივია, განსაკუთრებული ყურადღება ექცევა და მომავალშიც მიექცევა ინფრასტრუქტურულ პროექტებს. ეს, როგორც ამ მუნიციპალიტეტში მცხოვრები, ისე მთელი რეგიონის ინტერესშია. მოგეხსენებათ, ხელისუფლების ძალისხმევით, ხორციელდება მასშტაბური ინფრასტრუქტურული სამუშაოები, რომლის ფარგლებშიც, ახალი საავტომობილო გზით, საჩხერე-ონის მარშრუტი, სულ მცირე, ერთი საათით შემცირდება. ეს 55-კილომეტრიანი მონაკვეთი, რომლის სამუშაოც მიმდინარეობს, მომდევნო წელს უკვე დასრულდება. 2012 წლიდან, მასშტაბური ინფრასტრუქტურული, გარემოსდაცვითი პროექტებისა და ტურიზმის განვითარების პარალელურად, დიდი ყურადღება ექცევა რეგიონში სოფლის მეურნეობისა და მეწარმეობის განვითარებას. სხვადასხვა სახელმწიფო პროგრამებით არაერთმა ადამიანმა ისარგებლა და რა თქმა უნდა, მომდევნო წლების განმავლობაშიც გაგრძელდება მხარდაჭერა და მუშაობა“ – განაცხადა კახა კალაძემ.
Happy
0 %
Sad
0 %
Excited
0 %
Sleepy
0 %
Angry
0 %
Surprise
0 %
Comments
0
0
