იურიდიულ საკითხთა კომიტეტმა „ქართული ოცნების“ მიერ მომზადებულ ამნისტიის პროექტს მეორე მოსმენით დაუჭირა მხარი
Read Time:28 Second
პარლამენტის იურიდიულ საკითხთა კომიტეტმა „ქართული ოცნების“ მიერ მომზადებულ „ამნისტიის შესახებ“ კანონპროექტს მეორე მოსმენით დაუჭირა მხარი. როგორც ჟურნალისტებს კომიტეტის თავმჯდომარემ, ანრი ოხანაშვილმა განუცხადა, კანონპროექტი სრულად შეესაბამება შარლ მიშელის შეთანხმებას იმაში, რომ ამნისტია უნდა შეეხოს ყველა პირს.
მისივე თქმით, მიუხედავად იმისა, რომ „ქართული ოცნების“ ინტერესში არ ყოფილა ამნისტიის მიღება, დაზუსტდა, რომ ამნისტია მოიცავს 19-20-21 ივნისის მოვლენებს.
„პირს უფლება ექნება, გაასაჩივროს ამნისტიის აქტი, თუ ის მიიჩნევს, რომ მასზე გავრცელდა იმ ფორმით, რომელსაც არ ეთანხმება და მიაჩნია არასწორად. ეს რთული და მტკივნეული დღე ყველა პოლიტიკურმა პარტიამ უნდა დაძლიოს – ეს არის შარლ მიშელის დოკუმენტის სულისკვეთება“, – განაცხადა ოხანაშვილმა.
Happy
0 %
Sad
0 %
Excited
0 %
Sleepy
0 %
Angry
0 %
Surprise
0 %
Comments
0
0
