ირაკლი კობახიძე: რადიკალური ოპოზიციის ყველა ნაბიჯიდან ჩანს, რომ მათი თვითმიზანია ხელი შეუშალონ 12 პუნქტის განხორციელებას და კანდიდატის სტატუსის მიღებას
Read Time:38 Second
რადიკალური ოპოზიციის ყველა ნაბიჯიდან ჩანს, რომ მათი თვითმიზანია ხელი შეუშალონ 12 პუნქტის განხორციელებას და კანდიდატის სტატუსის მიღებას, – ამის შესახებ „ქართული ოცნების“ თავმჯდომარემ, ირაკლი კობახიძემ ჟურნალისტებთან განაცხადა, რითაც უპასუხა კითხვას, რა მოლოდინები აქვს „სტრატეგია აღმაშენებლის“ თავმჯდომარის გიორგი ვაშაძის და „გირჩის“ ლიდერის, ზურაბ ჯაფარიძის ბრიუსელში ვიზიტთან დაკავშირებით.
„ამას ისინი აფიქსირებენ, მათ შორის, დახურულ შეხვედრებზეც. არა მგონია, მათ რაიმეს რესურსი ჰქონდეთ, მთავარია სულისკვეთება, ხალხმა ეს უნდა შეაფასოს“, – აღნიშნა კობახიძემ.
„სტრატეგია აღმაშენებლის“ ინფორმაციით, პარტიის თავმჯდომარე გიორგი ვაშაძე ევრორეკომენდაციის საკითხებთან დაკავშირებით უმაღლესი რანგის პირებთან, რომლებიც საქართველოს საკითხებზე მუშაობენ, შეხვედრებს გამართავს. „ჩვენი ამოცანაა, რომ ჩავიტანოთ სიმართლე. პირველი სიმართლე არის, რომ საქართველოს ეკუთვნის ევროკავშირის კანდიდატი ქვეყნის სტატუსი, მეორე – ჩვენ უნდა გავაერთიანოთ ძალისხმევა ჩვენ ევროპელ პარტნიორებთან ერთად, რომ ვაიძულოთ „ქართული ოცნება“, არ გადაუხვიოს იმ ევროპული ინტეგრაციის გზას, რომელიც არის საქართველოს მოსახლეობის აბსოლუტური უმრავლესობის მოთხოვნა“, – აცხადებს ვაშაძე.
Happy
0 %
Sad
0 %
Excited
0 %
Sleepy
0 %
Angry
0 %
Surprise
0 %
Comments
0
0
