ოთხშაბათი, ნოემბერი 18, 2026

გიორგი ცუცქირიძე: ბიძინა ივანიშვილის გადაწყვეტილება, რომ ქონების არანაკლებ 95%-ს ქველმოქმედებას და საზოგადო საქმეს მოახმარს, არა მხოლოდ მასშტაბური, არამედ უპრეცედენტოა

„ბიძინა ივანიშვილი რომ დიდი ქველმოქმედი და მეცენატი იყო, ეს ისედაც იყო ცნობილი, მაგრამ მისი გადაწყვეტილება, რომ ქონების არანაკლებ 95%-ს ქველმოქმედებას და საზოგადო საქმეს მოახმარს, არის არა მხოლოდ მასშტაბური, არამედ უპრეცედენტო”, – ექსპერტი გიორგი ცუცქირიძე ბიძინა ივანიშვილის გადაწყვეტილებას სოციალურ ქსელში ეხმიანება.

მისი თქმით, მსოფლიო პრაქტიკა ნამდვილად არ იცნობს ასეთ მასშტაბებს.

„შედარებისთვის თუნდაც ცნობილი მილიარდერის და ფილანტროპის უორენ ბაფეტის მიერ ბოლო 5 წელიწადში ქველმოქმედებაზე გაცემული სახსრები მისი ქონების 16%-ს, ხოლო გეითსების წყვილის – 9%-ს შეადგენს. ცალკე თემაა მისი დამოკიდებულება ბიზნესისადმი, მხედველობაში მაქვს პირველ რიგში სოციალური მეწარმეობა, რომლის წამომწყებიც ის არის საქართველოში და სამწუხაროდ, ასევე არის დღესაც უცხო ქართული ბიზნესისთვის.

სოციალური მეწარმეობა არის ბიზნეს მოდელი, სადაც ბიზნეს იდეა წარმოადგენს გარკვეული სოციალური პრობლემის მოგვარების გზას და როგორც წესი, ამ სახის პროექტებს საერთაშორისი პრაქტიკაში არამომგებიანი ორგანიზაციები და ფონდები ახორციელებენ. ცალკე თემაა ზოგადად მისი დამოკიდებულება კომერციასა და განსაკუთრებით მოგების ფენომენზე, როდესაც განსაკუთრებით მსხვილი ქართული ბიზნესი მოგების ზე-მაღალ მარჟაზეა ორიენტირებული. ჩემთვისაც კი, რომელსაც ჰქონდა უშუალო შეხება საბანკო სექტორთან, სიურპრიზი გამოდგა, მის მიერ გაჟღერებული ინფორმაცია, რომ “ქართუ ბანკიდან“ დივიდენდი არასოდეს აუღია, ხოლო ბანკმა, ამ წლების განმავლობაში, საკუთარი მოგებიდან 55 მილიონი დოლარი ასევე ქველმოქმედებაზე მიმართა“, – წერს ექსპერტი ფეისბუქის საკუთარ გვერდზე.

მისივე თქმით, რაც მთავარია, ბიძინა ივანიშვილს არასოდეს უცდია, იგივე საბანკო სექტორისათვის, რაიმე ტიპის პრობლემის შექმნა, თუნდაც წმინდა კონკურენტული ეგოიზმის თვალსაზრისით, მაშინ, როდესაც მისი ფინანსური რესურსები ამის შესაძლებლობას თავისუფლად აძლევდა, პირიქით – ყოველთვის მინდოდა ბაზარს დავხმარებოდი და მაქსიმალურად გამეჯანსაღებინა ეკონომიკური გარემო – აღნიშნა კიდეც, ჟურნალ „ენტერპრენერისათვის“ მიცემულ ინტერვიუში. „ქართუ“ ბანკს ნამდვილად არასოდეს უცდია აგრესიული მარკეტინგული მოქმედებები ბაზარზე, და არც არასოდეს ჰქონია მიზნად ბაზრის მონოპოლისტობა, განსხვავებით სხვა საბანკო ჯგუფებისგან, იგივე ახლა პოლიტიკაში გადაბარგებული ბატონი ხაზარაძისგან, რომლის სტრატეგიაც სწორედ საპირისპირო იყო.

უნდა აღინიშნოს, რომ „ქართუ ბანკი“, არასოდეს დასთანხმებია სახელმწიფო ანგარიშების მომსახურებას, რაც იყო სხვა ბანკებისათვის დიდი ცდუნება და გარანტირებული შემოსავალიც ამავდროულად. ნიშანდობლივია, რომ ფასდაუდებელია ბანკ „აბსოლუტის“ გაკოტრების შემთხვევაც, რომელიც იმ დროს უმსხვილესი ბანკი იყო და როცა 2001 წელს მისი პასივების, მათ შორის პრობლემურის გამოსყიდვით, ფაქტობრივად, გადაარჩინა მთლიანად ქართული საბანკო სისტემა სერიოზულ ლიკვიდობის კრიზისსაც. და მარტო ამ ყველაფრისათვის, ის ისედაც შესულია ისტორიაში დიდ მამულიშვილად და ქველმოქმედად! ამ პოსტში მისი საქმიანობის მხოლოდ ნაწილს შევეხე და პოლიტიკაზეც სხვა დროს ვეცდები მისი, არანაკლებ მნიშვნელოვანი საქმიანობის შეფასებას“, – წერს გიორგი ცუცქირიძე.

ქეთევან ნინუაhttp://tiflisnews.ge
საინფორმაციო სააგენტო tiflisnews.ge კონტაქტი- ☎️ 555 100 929

„გიგა სასიკვდილოა? შენ გაჩვენებ სეირს!“ – ხმაური იყო სასამართლოში, სადაც გიგა ავალიანის საქმეზე დაკავებული ნია იმნაძისა და ანასტასია ბერუაშვილის პროცესი უნდა გაიმართოს

თბილისის საქალაქო სასამართლოში, სადაც გარდაცვლილი მასწავლებლის გიგა ავალიანის საქმეზე დაკავებული ორი არასრულწლოვნის, ნია იმნაძისა და ანასტასია ბერუაშვილის სასამართლო პროცესი უნდა გაიმართოს, ხმაური იყო.გიგა ავალიანის დედის, ეკა კუპატაძის გაღიზიანება სასამართლოს შენობაში ბრალდებულ ნია იმნაძის ადვოკატის, გიორგი ლეკიშვილის შესვლამ გამოიწვია, რომელმაც რამდენიმე დღის წინ საჯარო ვიდეომიმართვა გამოაქვეყნა.„გიგა სასიკვდილოა? შენ გაჩვენებ სეირს, შენ გაგებინებ პასუხს! უპასუხე, გიგა სასიკვდილოა?",- მიმართა ეკა კუპატაძემ ადვოკატს.სიტუაცია მანდატურის სამსახურის თანამშრომლებმა განმუხტეს.„ეს არასრულწლოვნები დუმილის უფლებას იყენებენ, ასე რომ, ისინი არ დაიკითხებიან. საქმეში მყარი და პირდაპირი მტკიცებულებებია, დარწმუნებული ვარ, ამ მტკიცებულებებს გაიზიარებს სასამართლო და მაქსიმალურ სასჯელს მიუსჯის. ერთი რამ მინდა ვთქვა, როცა დანაშაულს სჩადის არასრულწლოვანი, მაშინ ხომ არის დანაშაულისთვის მომწიფებული? ასევე მიმღებლობა უნდა ჰქონდეს სასჯელის ზომის მიმართ. ის, რომ არასრულწლოვანია და გოგონაა, არ ამართლებს იმ სასტიკ დანაშაულს, რომელიც ჩაიდინეს. არავისგან წუხილი არ დაფიქსირებულა, უფრო მეტიც, ინტენსიურ რეჟიმში ნია იმნაძის ოჯახი, მისი ადვოკატი, მათი წრე აქტიურად თავს გვესხმის. უზრდელი სიტყვებით, საცინლად იგდებენ ამხელა მკვლელობას, არავის არაფერს ვაპატიებ!თქვენ შეგნებულად არ დაგისვამთ კითხვა და მადლობა, ამისთვის, დიახ, პროფესიონალს დღეს ჩემთვის არ უნდა დაესვა. ყბადაღებულ ვიდეოსთან დაკავშირებით ვიტყვი ჩემს სათქმელს, რაც ადვოკატმა გიორგი ლეკიშვილმა გაავრცელა. პირველ წინადადებაში -"არავინ იმსახურებს სიკვდილს, თუმცა, გიგა ავალიანი იმსახურებს სიკვდილს"! ამისთვის ის მთელი სიმკაცრით აგებს პასუხს, ვპირდები გიგა ავალიანს! მეორე წინადადება - სხვისი დანაშაულისთვის სხვა არ უნდა დაისაჯოს. გიორგი ლეკიშვილი პასუხს აგებს თავისი დანაშაულისთვის და არა სხვისი დანაშაულისთვის",- განაცხადა კუპატაძემ.

„ჯორჯიან უოთერ ენდ ფაუერი“ – საბურთალოზე, მაგისტრალურ წყალსადენზე ავარიული დაზიანების აღდგენითი სამუშაოები ინტენსიურ რეჟიმში გრძელდება

„ჯორჯიან უოთერ ენდ ფაუერი“ საბურთალოზე მიმდინარე სამუშაოების შესახებ განახლებულ ინფორმაციას ავრცელებს.კომპანიის ცნობით, საბურთალოზე, მიცკევიჩისა და გამრეკელის ქუჩების კვეთასთან, 1200 მმ-იან მაგისტრალურ წყალსადენზე ავარიული დაზიანების აღდგენითი სამუშაოები ინტენსიურ რეჟიმში გრძელდება.მათივე ინფორმაციით, მიმდინარეობს წყლის ამოტუმბვისა და დაზიანებული მილის აღდგენითი სამუშაოები.„წყალმომარაგების დაზიანებული მილის რეაბილიტაციის დასრულებისთანავე დაიწყება საგზაო ინფრასტრუქტურის მოწესრიგება, რის შემდეგაც გამრეკელის ქუჩაზე ავტოტრანსპორტის მოძრაობა სრულად აღდგება.ჯივიპი სრულად იღებს პასუხისმგებლობას და უზრუნველყოფს მოსახლეობისთვის მიყენებული ზიანის ანაზღაურებას. მოქალაქეები, რომელთა საცხოვრებელი ფართიც მნიშვნელოვნად დაზიანდა, კომპანია ალტერნატიული საცხოვრებელი ფართით უზრუნველყოფს. ამასთანავე, კომპანიის სპეციალურმა ჯგუფებმა ადგილზე უკვე მოახდინეს როგორც უძრავი, ისე მოძრავი ქონების დაზიანების პირველადი შეფასება. მიყენებული ზიანი თითოეულ მოქალაქეს აუნაზღაურდება.ინციდენტის მიმდებარე ტერიტორიისა და ადგილობრივი მოსახლეობისთვის დამატებითი დისკომფორტის თავიდან აცილების მიზნით ჯივიპიმ ინციდენტის დადგომისთანავე უზრუნველყო აბონენტების წყალმომრაგების ალტერნატიულ ქსელზე გადართვა, შესაბამისად, წყალმომარაგება შეუფერხებლად მიმდინარეობს“, – ნათქვამია „ჯორჯიან უოთერ ენდ ფაუერის“ ინფორმაციაში. 

ხვიჩა კვარაცხელია Globe Soccer Awards-ის 2026 წლის საუკეთესო ფეხბურთელის ჯილდოზეა წარდგენილი!

მეგობრებო! ხვიჩა კვარაცხელია Globe Soccer Awards-ის 2026 წლის საუკეთესო ფეხბურთელის ჯილდოზეა წარდგენილი!ყველაზე მთავარი! აქ ხმის მიცემა ჩვენ, ყველას შეგვიძლიაშეგვიძლია დავატრიალოთ სასწაული? გიტოვებთ ხმის მიცემის ბმულს https://vote.globesoccer.com/vote/best-men-player-2026/

საქართველოს ტექნიკური უნივერსიტეტის რექტორი პოეტ ალექსანდრე (საშა) გველესიანის გარდაცვალების გამო სამძიმარს გამოთქვამს

საქართველოს ტექნიკური უნივერსიტეტის რექტორი, აკადემიკოსი დავით გურგენიძე, საუნივერსიტეტო საზოგადოების სახელით, ღრმა მწუხარებას გამოთქვამს უნივერსიტეტის კურსდამთავრებულის, პოეტ ალექსანდრე (საშა) გველესიანის გარდაცვალების გამო და სამძიმარს უცხადებს მის ოჯახს, ახლობლებს, მეგობრებს, კოლეგებსა და მისი შემოქმედების თაყვანისმცემლებს.სამძიმრის წერილს საქართველოს ტექნიკური უნივერსიტეტი ავრცელებს.„ალექსანდრე (საშა) გველესიანის გარდაცვალებით ქართულმა საზოგადოებამ დაკარგა შემოქმედი, რომლისთვისაც პოეზია იყო შინაგანი სამყაროს, ადამიანური განცდების, სულიერი ფასეულობებისა და ცხოვრებისეული გამოცდილების გამოხატვის განსაკუთრებული საშუალება. მისი შემოქმედება, პოეტური სიტყვა და პიროვნული დამოკიდებულება კულტურისა და ლიტერატურისადმი იმ შემოქმედებითი მემკვიდრეობის ნაწილია, რომელიც მკითხველთა მეხსიერებაში დარჩება.განსაკუთრებით ემოციური და სიმბოლური დატვირთვა აქვს იმ გარემოებას, რომ პოეტის ბოლო პოეზიის საღამო მის ალმა-მატერში - საქართველოს ტექნიკური უნივერსიტეტის თეატრ-სტუდია „მოდინახეში“ გაიმართა. ეს იყო ერთგვარი სულიერი დაბრუნება იმ აკადემიურ და შემოქმედებით გარემოში, რომელიც მისი ცხოვრების, შემოქმედებითი გზისა და პიროვნული მოგონებების განუყოფელ ნაწილს წარმოადგენდა. მშობლიური უნივერსიტეტის სცენაზე წარმოთქმული მისი პოეტური სიტყვა, შეხვედრა მსმენელთან, შემოქმედების გაზიარება და ის ემოციურად სისხლსავსე ატმოსფერო, რომელიც თან ახლდა ამ საღამოს, საუნივერსიტეტო საზოგადოების მეხსიერებაში განსაკუთრებულ მოგონებად დარჩება.დღეს, პოეტის გარდაცვალების შემდეგ, ეს უკანასკნელი შეხვედრა, უკანასკნელი პოეზიის საღამო კიდევ უფრო მეტ მნიშვნელობას იძენს. თითქოს მისმა პოეზიამ თვითონ აირჩია სიმბოლური დასასრული - დაბრუნება მშობლიურ უნივერსიტეტში, იმ სივრცეში, სადაც ცოდნა, მეცნიერება, საინჟინრო აზროვნება, სახელოვნებო ტრადიციები თაობებს აერთიანებს.ამ მძიმე წუთებში თანავუგრძნობთ განსვენებულის ოჯახს, ახლობლებსა და მეგობრებს. ვიზიარებთ მათ ტკივილს და ვუსურვებთ გამძლეობას ამ უდიდესი დანაკარგის გადასატანად.ალექსანდრე (საშა) გველესიანის ხსოვნა დაივანებს მის პოეზიაში, მის მიერ დატოვებულ სიტყვაში და იმ ადამიანების გულებში, რომელთათვისაც მისი შემოქმედება ძვირფასი იყო; მისი უკანასკნელი პოეზიის საღამო კი, სამუდამოდ დარჩება იმ თბილ და ემოციურ მოგონებად, რომელიც პოეტსა და მის ალმა-მატერს შორის არსებულ სულიერ კავშირს განსაკუთრებული სიმძაფრით წარმოაჩენს“, - აღნიშნულია სამძიმრის წერილში.ცნობისთვის, ალექსანდრე გველესიანის ავტორობით გამოიცა ხუთი პოეტური კრებული - „ქარის წისქვილები“ „სულ ცოტა...“, „ლექსები“, „ასათიანის 22“ და „მე - დიდი დათვი“.

მებაჟე ოფიცრებმა შსს-ს წარმომადგენლებთან თანამშრომლობით, საფოსტო გზავნილში განსაკუთრებით დიდი ოდენობით ნარკოტიკული საშუალება აღმოაჩინეს

ფინანსთა სამინისტროს შემოსავლების სამსახურის ,,თბილისის აეროპორტის“ გაფორმების ეკონომიკური ზონის მებაჟე ოფიცრებმა საქართველოს შინაგან საქმეთა სამინისტროს ცენტრალური კრიმინალური პოლიციის დეპარტამენტის თანამშრომლებთან კოორდინაციით, ერთობლივად ჩატარებული საბაჟო პროცედურებისა და საგამოძიებო მოქმედებების ფარგლებში, საფოსტო გზავნილში განსაკუთრებით დიდი ოდენობით ნარკოტიკული საშუალების საქართველოს ტერიტორიაზე უკანონოდ შემოტანის ფაქტი აღკვეთეს.საბაჟო კონტროლის ფარგლებში, საფოსტო გზავნილის რენტგენო ინსპექტირების სისტემით დათვალიერების შედეგად, რუსეთის ფედერაციიდან გამოგზავნილ ამანათში თმის მოვლის საშუალებისთვის განკუთვნილ ხუთ პლასტმასის ჰერმეტულ ქილაში მალულად განთავსებული 5 კილოგრამზე მეტი ,,მეფედრონი" აღმოაჩინეს.გამოძიებას აწარმოებს საქართველოს შინაგან საქმეთა სამინისტრო.

ბოლო სიახლეები