ავტობუსებისგან ჰაერის დაბინძურებაზე აუდიტის დასკვნას კალაძე ეთანხმება
Read Time:41 Second
თბილისის მერი კახა კალაძე სახელმწიფო აუდიტის დასკვნას ეხმიანება, რომლის მიხედვითაც დედაქალაქში მოძრავი ავტობუსები ჰაერს აბინძურებენ. კალაძის თქმით, ის დასკვნას ეთანხმება. ინფორმაციას bpn.ge ავრცელებს.
“მეგონა, რომ უფრო მძიმე შედეგი იქნებოდა. ჩვენ ამაზე ვსაუბრობდით არჩევნების განმავლობაში და ახლაც მთავარი პრიორიტეტი ჩვენთვის არის ზოგადად, ტრანსპორტის მოწესრიგება. დაანონსებული გვაქვს მთლიანად ყვითელი ავტობუსების პარკის ჩანაცვლება, რომელიც მართლაც მძიმე მდგომარეობშია. ერთი ის, რომ ყველანაირი რესურსი აქვს ამოწურული ამ ავტობუსებს, რამდენი წელია უკვე ემსახურება დედაქალაქის მოსახლეობას და მეორე, ჰაერის დაბინძურების თვალსაზრისით ნამდვილად ვეთანხმები აუდიტს, რომ არის სერიოზული პრობლემა. შესაბამისად, წელს ჩვენ ვაპირებთ ასი ერთეული ავტობუსის შესყიდვას და მომდევნო წლების განმავლობაში საერთოდ, მთლიანად იქნება ჩანაცვლებული არსებული პარკი ახალი ევროპული ტიპის ეკოლოგიურად სუფთა ავტობუსებით”, – განაცხადა კალაძემ.
2017 წელს თბილისში მოსიარულე 816 მუნიციპალური ავტობუსიდან 143 არ უწევდა პერიოდული ტექნიკური ინსპექტირება, დანარჩენი 673 ავტობუსიდან, 456 ავტობუსმა (68%) ინსპექტირება ვერ გაიარა. ამის შესახებ აუდიტის სამსახურის დასკვნაში წერია.
Happy
0 %
Sad
0 %
Excited
0 %
Sleepy
0 %
Angry
0 %
Surprise
0 %
Comments
0
0