პატრიარქმა ავღანეთის ომის მონაწილეები დალოცა
Read Time:39 Second
საქართველოს კათოლიკოს-პატრიარქმა ილია მეორემ წირვა აღავლინა და იქადაგა. ასევე პატრიარქმა ავღანეთის ომის მონაწილეები დალოცა.
“ადამიანი მომზადებული უნდა იყოს იმ ცხოვრებისთვის. უნდა ემზადებოდეს მომავალი ცხოვრებისთვის. ჩვენ ყოველდღე ვხედავთ, როგორ ასაფლავებენ ადამიანებს, ახლობლებს, მაგრამ ვერ წარმოგვიდგენია ჩვენი თავი მათ ადგილზე. ეს მეტად რთული პროცესია, განშორება მიწიერი ცხოვრებიდან და გადასვლა სულიერ ცხოვრებაში. ღმერთმა მოგვცეს ძალა, მშვიდობა დავტოვოთ აქ, მშვიდობით წავიდეთ და მშვიდობა დაგვახვედროს უფალმა სასუფეველში. ეს მნიშვნელოვანია.
ერთი ფილოსოფოსი ამბობს, რომ ადამიანის ცხოვრების მიზანი არის მომზადება გარდაცვალებისთვის. დღეს ჩვენთან ლოცულობდნენ, წირვას ესწრებოდნენ ავღანეთის ომის მონაწილეები. 5 000 ქართველი მონაწილეობდა ავღანეთში და მათგან 128 ვეღარ დაბრუნდა. დაბრუნდა, მაგრამ გარდაცვალებული. ღმერთი მოწყალეა, ჟამი ახლოს არს და ამიტომ ყველაფერი უნდა გავაკეთოთ, რათა მოვემზადოთ ამ საიდუმლო დღისთვის, გარდაცვალებისთვის. ღმერთმა მოგვცეს ძალა და მადლი, რომ ღირსეულად მოხდეს ჩვენი გარდაცვალება“, -განაცხადა ილია მეორემ.
მართლმადიდებელი ეკლესია დღეს მირქმის დღესასწაულს აღნიშნავს.
Happy
0 %
Sad
0 %
Excited
0 %
Sleepy
0 %
Angry
0 %
Surprise
0 %
Comments
0
0
