ლუკა ხვედელიანი – მაკაბიადის ჩემპიონი
Read Time:45 Second
14-დან 27 ივლისის ჩათვლით, ისრაელში, მაკაბიადას 21-ე ჩემპიონატი
მიმდინარეობს. ამ შეჯიბრში მონაწილეობას სხვადასხვა ქვეყნების
წარმომადგენელი ებრაელი სპორტსმენები იღებენ. მაკაბიადა გასულ
წელს უნდა გამართულიყო, მაგრამ კორონავირუსის პანდემიის გამო
გადაიდო და წელს გაიმართა.
შეჯიბრში მონაწილეობას 10 ათასამდე სპორცმენი იღებს მსოფლიოს
80 ქვეყნიდან. ჩემპიონატის გახსნის ცერემონიაზე მონაწილეებს
ისრაელის პრეზიდენტი იცხაკ გერცოგი და აშშ-ის პრეზიდენტი ჯო
ბაიდენი მიესალმნენ. მაკაბიადა წელს მსოფლიოში ყველაზე
მრავალრიცხოვან ტურნირად იქნა მიჩნეული.
კარატეში შეჯიბრი ტოკიოს 2020 წლის ოლიმპიადისა და ბირმინგემი –
2022 (ალაბამა, აშშ) ფორმატში გაიმართა. რვა მონაწილე ორ ჯგუფად
დაიყო. ჯგუფში გამარჯვებულები ნახევარ ფინალში შეხვდნენ
ერთმანეთს. პირველი ჯგუფიდან ნახევარფინალში ქართველი
სპორტსმენი ლუკა ხვედელიანი გავიდა. მან ნახევარფინალში
უკრაინელი საშა კიჩერმანი დაამარცხა 3:1.
ხვედელიანი გამოცდილი სპორტსმენია. ის მონაწილეობას იღებდა
დუბაში გამართულ მსოფლიოს ჩემპიონატზე (2021 ნოემბერი) და ორი
გამარჯვება მოიპოვა. აგრეთვე, 2022 წლის ევროპის ჩემპიონატში
თურქეთში.
მაკაბიადის ფინალში ლუკა ხვედელიანმა ისრელის ნაკრების
წარმომადგენელი რომა გაიგი ანგარიშით 3:1 დაამარცხა და
დამსახურებულად გახდა მაკაბიადის ჩემპიონი.
ფოტო: ლუკა ხვედელიანი პედესტალზე.
მაკაბიადის პ/ს
Happy
0 %
Sad
0 %
Excited
0 %
Sleepy
0 %
Angry
0 %
Surprise
0 %
Comments
0
0
