ზვიად ძიძიგური: ასეთი სუსტი ოპოზიციის პირობებში ხელისუფლებას შეუძლებელია რამე დაემუქროს
Read Time:53 Second
ასეთი სუსტი ოპოზიციის პირობებში ხელისუფლებას შეუძლებელია რამე დაემუქროს – ამის შესახებ „კონსერვატიული პარტიის“ ლიდერმა, ზვიად ძიძიგურმა „პალიტრანიუსის“ ეთერში განაცხადა, რითაც NDI-ის კვლევის შედეგები შეაფასა.
„დღეს ოპოზიცია ძლიერი, რომ იყოს ასეთი რეიტინგის პირობებში, ხელისუფლებას დიდი დღე არ უწერია.
არის რომელიმე პარტია, რომელსაც ხალხის ტკივილი გულთან ახლოს მიაქვს? – პარტიები ძირითად ლაპარაკობენ, ევროინტეგრაციაზე, ნატოში გაწევრიანებაზე, თავისუფალი სასამართლოზე, ლგბტ უფლებების დაცვაზე და ა.შ. ეს ისეთი თემებია, რაზედაც ყველა ლაპარაკობს. ილაპარაკონ იმაზე, რაც ქვეყანას აწუხებს, რაც თითოეულ ადამიანს აწუხებს. ეს ზოგადი თემებია.
დღეს დავინახე ისეთი ტენდენცია, რომ ხელისუფლება კმაყოფილია NDI-ის კვლევის შედეგებით და ოპოზიცია უკმაყოფილო. ხელისუფლება სულ ამბობდა, რომ NDI-ის და IRI-ის კვლევებს არ ენდობოდა. ოპოზიცია ამბობს, რომ არჩევნებზე ვნახოთ, რა შედეგები გვექნებაო. მძიმე მდგომარეობაშია სრულიად პოლიტიკური სპექტრი. რეიტინგული თვალსაზრისით მძიმე მდგომარეობაშია ხელისუფლებაც, მაგრამ ეს მას ნაკლებად ადარდებს იმიტომ, რომ მის ხელისუფლებაში ყოფნას არაფერი არ ემუქრება. ასეთი სუსტი ოპოზიციის პირობებში შეუძლებელია რამე დაემუქროს.
ალტერნატივის მოთხოვნაა დღეს. როდესაც ქვეყნის მოსახლეობის 60%-ზე მეტი ამბობს, რომ არც ერთ პარტიას არ ენდობა, ეს იმას ნიშნავს, რომ ხალხის მხრიდან ალტერნატივაზე მოთხოვნა კი არ არის, ხმამაღალი ყვირილია. ეს ციფრები ამას მეტყველებს“, – განაცხადა ძიძიგურმა.
Happy
0 %
Sad
0 %
Excited
0 %
Sleepy
0 %
Angry
0 %
Surprise
0 %
Comments
0
0
