მხოლოდ იმ სოცდაუცველ ოჯახებს ვამოწმებთ, რომელთაც თავად მოგვმართეს – სოცსააგენტო
მიმდინარე წლის სექტემბერში, აგვისტოსთან შედარებით, სოციალური შემწეობა 9 000 – ით ნაკლებმა ადამიანმა მიიღო. სოციალური მომსახურების სააგენტოს მონაცემებით, ამ პერიოდში სოციალური შემწეობა 660 833 ადამიანმა მიიღო, რაც ნიშნავს იმას, რომ მათი რიცხვი აგვისტოსთან შედარებით 9 208-ით შემცირდა.
ჯამში აგვისტოში 670 041 ადამიანმა მიიღო შემწეობა, რაც რეკორდული მაჩვენებელი იყო. ქვეყანაში მიზნობრივ სოციალურ დახმარებას [საარსებო შემწეობას] მოსახლეობის თითქმის 18% იღებს. თავისი არსით, ეს არის სახელმწიფოს მხრიდან გაწეული ფინანსური დახმარება, რომელსაც ქვეყანაში შეფასების სისტემით იდენტიფიცირებული ოჯახები იღებენ.
პანდემიის პერიოდში ოჯახების სოციალური მდგომარეობის შემოწმებაზე მორატორიუმი იყო გამოცხადებული, რის გამოც, შემწეობის მიმღებთა ოდენობა რეკორდულად გაიზარდა. შესაბამისად, გაიზარდა მათთვის ბიუჯეტიდან გადახდილი თანხაც და მაქსიმალურ ნიშნულს აგვისტოში მიღწია [57 მლნ ლარზე მეტი].
გადამოწმებაზე დაწესებული მორატორიუმი პირველ მაისს დასრულდა და ოჯახების გადამოწმება ეტაპობრივად განახლდა. როგორც BMG-ის სოციალური მომსახურების სააგენტოში უთხრეს, ამ ეტაპზე მხოლოდ იმ ოჯახებს ამოწმებენ, რომელთაც სააგენტოს გადამოწმების თხოვნით თავად მიმართეს. მიმდინარე წელს მთავრობამ ასევე დაიწყო სახელმწიფო პროგრამა, რომლის ფარგლებშიც სახელმწიფოს მიერ შეთავაზებულ სამუშაო ადგილებზე დასაქმების შემთხვევაში სოციალურად დაუცველი პირების გადამოწმება 4 წლის განმავლობაში აღარ იგეგმება.
“ამჟამად, გრძელდება მხოლოდ იმ ოჯახების სოციალურ-ეკონომიკური მდგომარეობის გადამოწმება, რომელთაც პირველადი ან განმეორებითი გადამოწმების მოთხოვნით თავად მიმართეს სოციალური დახმარების ადმინისტრირების ორგანოს, სოციალური მომსახურების სააგენტოს, ასევე, დაიწყო იმ ოჯახების ეტაპობრივი გადამოწმება, რომელთა მიმართაც სააგენტოში წარდგენილია საჩივრები და საჭიროა შესაბამისი რეაგირება. შესაბამისად, სექტემბრის განახლებულ სტატისტიკაში არ არის ასახული იმ ოჯახების მაჩვენებელი, ვისი გადამოწმებაც ამ ეტაპზე მიმდინარეობს, ან გადამოწმების შედეგების მიხედვით, შეუწყდათ სოციალური დახმარება”,-აცხადებენ სააგენტოში.
About Post Author
ქეთევან ნინუა
Comments
მარიამ ქვრივიშვილი: საქართველოს მთავრობის ერთ-ერთი პრიორიტეტია, ჰქონდეს მეტი პირდაპირი მიმოსვლა, რათა ქვეყანაში მეტი ტურისტი ჩამოვიდეს, აეროპორტები კი მეტ მგზავრს მოემსახუროს
საქართველოს ავიაბაზარზე ორი საერთაშორისო ავიაკომპანია დაიწყებს რეგულარული რეისების შესრულებას. სამოქალაქო ავიაციის სააგენტომ საჰაერო მიმოსვლის ფრენის ნებართვა ნიდერლანდების ავიაკომპანია Transavia -...
ლარში აღებულ 180 ათასზე მეტ სესხზე პროცენტი მცირდება
მომავალი თვიდან ლარში აღებულ სესხებზე ყოველთვიური შენატანი მცირდება. სესხის პროცენტის შემცირების გადაწყვეტილება ეროვნულმა ბანკმა მიიღო მონეტარული პოლიტიკის კომიტეტის დღევანდელ, 13...
ლევან დავითაშვილი – გატარდა კომპლექსური ღონისძიებები, რათა ინფლაციური წნეხი მაქსიმალურად მსუბუქი ყოფილიყო
ჩვენ მოვახდინეთ ინფლაციის კონტროლში მოქცევა. ეს იყო ძალიან მნიშვნელოვანი გამოწვევა ყველა ქვეყნის ეკონომიკისთვის, მათ შორის, ჩვენი ეკონომიკისთვის, – ამის შესახებ...
მსოფლიოს ყველაზე ძვირი ქვეყნები საცხოვრებლად – რომელ ადგილზეა საქართველო?
numbeo ცხოვრების ღირებულების 2024 წლის ინდექსს აქვეყნებს, სადაც საცხოვრებლად ყველაზე ძვირი ქვეყნებია წარმოდგენილი. ქვეყნები, რომლებსაც 100-ზე ნაკლები ქულა აქვთ, შედარებით...
“ეკონომიკის სამინისტრო ყველა ინსტრუმენტს იყენებს რათა დავაინტერესოთ ამერიკული ავიაკომპანიები რომ საქართველოში იფრინონ”
ეკონომიკის სამინისტრო ყველა ინსტრუმენტს იყენებს, რათა დავაინტერესოთ ამერიკული ავიაკომპანიები, რომ საქართველოში იფრინონ, – ამის შესახებ ეკონომიკისა და მდგრადი განვითარების მინისტრის...
როგორ უნდა მოიქცეთ, რომ თაღლითებმა არ აიღონ სესხი თქვენი სახელით
აკონტროლეთ ვის აქვს წვდომა თქვენს პირად ინფორმაციაზე და შეამოწმეთ თქვენი საკრედიტო ისტორია. თაღლითებს ნამდვილად შეუძლიათ უცხოსგან სესხის აღება. მომხმარებელი კი...