2021 წელს თავდაცვის სამინისტროს დაფინანსება 60 მლნ. ლარით იზრდება
2021 წლის სახელმწიფო ბიუჯეტში ცვლილებების შეტანის შესახებ იმსჯელეს თავდაცვისა და უშიშროების კომიტეტის სხდომაზე. ძირითად ფინანსურ დოკუმენტში შესატან ცვლილებებზე ფინანსთა მინისტრის პირველმა მოადგილემ, გიორგი კაკაურიძემ ისაუბრა. მომხსენებლის ინფორმაციით, ბიუჯეტის ცვლილებები განახლებულმა მაკროეკონომიკურმა პარამეტრებმა და ეკონომიკური ზრდის მაჩვენებელმა განაპირობა. მისივე განცხადებით, საბიუჯეტო ცვლილებების შედეგად,
დამტკიცებულ გეგმასთან შედარებით, 300 მლნ. ლარით იზრდება შემოსავლების ნაწილი, რაც შეეხება ხარჯვით ნაწილს – ეს სეგმენტი 297.4 მლნ. ლარით იზრდება, რაც ძირითადად კოვიდთან დაკავშირებულ ჯანდაცვის ხარჯებზე ნაწილდება.
გიორგი კაკაურიძის ინფორმაციით, მიმდინარე წელს საქართველოს ოკუპირებული ტერიტორიებიდან დევნილთა, შრომის, ჯანმრთელობისა და სოციალური დაცვის სამინისტროს დაფინანსება 376 მლნ. ლარით იზრდება. ასიგნებები 60 მლნ. იზრდება თავდაცვის სამინისტროსთვის, რაც სამინისტროს წინაშე აღებული ვალდებულებების დაფინანსებას მოხმარდება. რაც შეეხება ეკონომიკისა და მდგრადი განვითარების სამინისტროს – აღნიშნული უწყება მიმდინარე წელს დამტკიცებულ გეგმასთან შედარებით 57.9 მლნ. ლარს მიიღებს. ცვლილებები საერთო სასამართლოებისთვის გამოყოფილ დაფინანსებასაც ეხება, რომლის ბიუჯეტიც 12 მლნ. ლარით მცირდება.
სხდომის წამყვანის, კომიტეტის თავმჯდომარის მოადგილის, ვლადიმერ ჩაჩიბაიას შეფასებით, თავდაცვის ძალები ქვეყნის უსაფრთხოების ქვაკუთხედია და შესაბამისად, კომიტეტი მიესალმება თავდაცვის სამინისტროს დაფინანსების გაზრდას.
კომიტეტის სხდომაზე დეპუტატები „საქართველოს სახელმწიფო საზღვრის შესახებ“ საქართველოს კანონში ცვლილების შეტანის შესახებ“ კანონპროექტს პირველი მოსმენით გაეცნენ.
კანონპროექტის ერთ-ერთი ავტორის, რატი იონათამიშვილის განცხადებით, ცვლილებები ტექნიკური უზუსტობების და პრაქტიკაში გამოვლენილი ხარვეზების გამოსწორების მიზნით მომზადდა და მისი ძირითადი ნაწილი ტერმინების ცვლილებებს შეეხება.
კომიტეტის წევრებმა სხდომაზე განხილულ საკითხებს მხარი დაუჭირეს.
About Post Author
ქეთევან ნინუა
Comments
“თქვენი მიზანია პროვოკაცია” – ხმაური პარლამენტში
ხმაურით დაიწყო პარლამენტის იურიდიულ საკითხთა საპარლამენტო კომიტეტის სხდომა, სადაც „უცხოური გავლენის გამჭვირვალობის შესახებ“ კანონპროექტი მეორე მოსმენით, მუხლობრივად განიხილება. კამათი ოპოზიციონერი...
თამარ ჩიბურდანიძე: პროვოკაციების მაძიებლებს გუშინაც კოვზი ნაცარში ჩაუვარდათ, ქართულმა პოლიციამ აჩვენა, რომ ევროპულ სტანდარტებზეც კი მაღლა დგას
საქართველოს ყველა ნორმალურად მოაზროვნეს ამ დღეების პროცესების ყურებისას, ნამდვილად გაუჩნდებოდა იმის განცდა, რომ ცხოვრობს უსაფრთხო ქვეყანაში, - ამის შესახებ „ხალხის...
დიმიტრი ხუნდაძე: საქართველოში ღირსება არცერთი ფორმით არ იყიდება და თუ გლობალურ ომის პარტიაში ჩვენი არ ესმით, დღეს ამას თავად ქვეყნის მოქალაქეთა უმრავლესობა გააგონებს რუსთაველის გამზირიდან
ეს იქნება ერის ხმა, რომელიც წინააღმდეგია საკუთარი სარწმუნოების გაუფასურების, სუვერენიტეტის დათმობის, ლგბტ პროპაგანდის დაშვების და ზოგადად, საქართველოს მოქალაქეების ბიომასად ქცევის,...
რატომ გამოიყენა მერიამ ტერმინი “არასანქცირებული” ოპოზიციის აქციასთან მიმართებით – მამუკა მდინარაძის განმარტება
რაც არ უნდა იკადრონ, მთავარია, რომ არ არსებობს იმაზე წინ არაფერი, ვიდრე საკუთარი სამშობლო, მამული, ენა სარწმუნოება, - ამის შესახებ...
პაატა მანჯგალაძე: ჩვენ იმიტომ ვართ, რომ არ გართულდეს, სინამდვილეში. ჩვენ რომ არ ვიყოთ, შეიძლება, მართლა გართულდეს და რაზე ავიღო პასუხისმგებლობა. კობახიძემ აიღოს პასუხისმგებლობა
გგონიათ, რომელიმე პოლიტიკოსის გამო არიან მოსული ეს ბავშვები აქ? ჩვენ იმიტომ ვართ, რომ არ გართულდეს, ჩვენ რომ არ ვიყოთ, შეიძლება,...
მამუკა მდინარაძე: ქართველ კაცს რატომ უნდა მოუვიდეს აზრად, დროშა დააგდოს ძირს, რომ იქნებ სპეცრაზმელმა ფეხი დააბიჯოს? – პატრიოტიზმი არ არის, რომ უარგუმენტოდ რაღაცას რუსული ეძახო
ქართველ კაცს რატომ უნდა მოუვიდეს აზრად, დროშა დააგდოს ძირს, რომ იქნებ სპეცრაზმელმა ფეხი დააბიჯოს, იქნებ პოლიციელმა ფეხი დააბიჯოს, - ამის...