ნათია თურნავა – უახლოეს დღეებში საქართველოს ევროკავშირის ენერგეტიკული გაერთიანების დავების საბჭოს თავმჯდომარე ეწვევა და „ნახავანჰესის“ საკითხზე შეხვედრა გაიმართება
მთავარი საქართველოს ინტერესია, რომ ჩვენ ენერგეტიკულად ძლიერი, დამოუკიდებელი ქვეყანა ვიყოთ და საკუთარი, ადგილობრივი განახლებადი რესურსი განვითარდეს, – ამის შესახებ ეკონომიკის მინისტრმა, ნათია თურნავამ „ნახავანჰესის“ საკითხზე საუბრისას განაცხადა.
მისი თქმით, ევროკავშირის ენერგეტიკული გაერთიანების საბჭოს თავმჯდომარე, რომელიც ეწვევა აუცილებლად საქართველოს, ჩაერთვება მედიაციის პროცესში, რათა ყველა დაინტერესებულ მხარეს შორის დიალოგი შედგეს.
„ევროკავშირის მედიაცია, კერძოდ, ევროკავშირის ენერგეტიკული გაერთიანების დავების საბჭოს თავმჯდომარის მეშვეობით ორგანიზებული მედიაცია, მიმდინარე პროცესია. აქამდე მოსამზადებელი ეტაპი მიმდინარეობს, როდესაც სხვადასხვა დაინტერესებულ ჯგუფს უკავშირდება მედიატორი და არკვევს ვითარებას, შემდეგ ჩამობრძანდება უახლოეს დღეებში საქართველოში და უკვე მოხდება პირველი შეხვედრა. მედიაცია ნიშნავს იმას, რომ ყველა დაინტერესებული მხარე ერთ მაგიდასთან მოიყრის თავს და მოხდება მოსაზრებებისა და პრობლემების გაცვლა.
ჭეშმარიტება აუცილებლად დაიბადება, ამაში დარწმუნებული ვარ. ევროკავშირი ამ შემთხვევაში დამხმარეს ფუნქციას ასრულებს, მაგრამ მთავარია, ჩვენ და ის მოსახლეობა, ვინც აპროტესტებს პროექტს, არასამთავრობო ორგანიზაციები, ვისაც აქვს შეკითხვები, ის ენერგეტიკული კომპანიები, ვისაც ასევე აქვს შეკითხვები და პრობლემები, ერთად დავსხდეთ და ერთად ვიმსჯელოთ ჩვენი ქართული ენერგეტიკის ხვალინდელზე და აქ აუცილებლად შევთანხმდებით.
იმედი გვაქვს, დიალოგი შედგება. სწორედ ამისთვის მოვიწვიეთ ევროკავშირის მედიაციის მექანიზნი. ევროკავშირის ენერგეტიკული გაერთიანების საბჭოს თავმჯდომარე, რომელიც ეწვევა აუცილებლად საქართველოს. დარწმუნებული ვარ, ამ მედიაციის პროცესში ყველა დაინტერესებული მხარე ერთად დავსხდებით ერთი მაგიდის ირგვლივ და განვიხილავთ ყველა საჭირბოროტო საკითხს, მათ შორის, ამ პროექტთან დაკავშირებით. ასევე, დარწმუნებული ვარ, რომ პროექტი შედგება ისე, რომ დაცული იყოს ყველა მხარის ინტერესები. მთავარი საქართველოს ინტერესია, რომ ჩვენ ენერგეტიკულად ძლიერი, დამოუკიდებელი ქვეყანა ვიყოთ და ჩვენი საკუთარი ადგილობრივი განახლებადი რესურსი განვითარდეს“, – განაცხადა ნათია თურნავამ.
About Post Author
ქეთევან ნინუა
Comments
საპატრიარქო: უახლეს ისტორიაში ჩვენი ქვეყნის წინსვლა დაფუძნებული უნდა იყოს წმინდა ილია მართლის სიტყვებზე: “მამული, ენა, სარწმუნოება”
ჩვენს ქვეყანაში უკანასკნელ პერიოდში განვითარებული მოვლენები გვარწმუნებს, რომ ეს პროცესები მსოფლიო მასშტაბის უმნიშვნელოვანეს გეოპოლიტიკურ ცვლილებათა ანარეკლია - ნათქვამია საქართველოს საპატრიარქოს...
ავარია ავლაბარში – რა ხდება ამ წუთებში ადგილზე
ავტოსაგზაო შემთხვევა მოხდა ავლაბარში. როგორც „პრაიმტაიმის“ ჟურნალისტი ადგილიდან იუწყება, ერთმანეთს ორი ავტომობილი შეეჯახა. არსებული ინფორმაციით, შემთხვევის შედეგად არავინ დაშავებულა. ადგილზე...
საქართველოს ტექნიკურმა უნივერსიტეტმა სამეცნიერო კოლაბორაციის გაფართოების შესახებ CERN-დან შეთავაზება მიიღო
საქართველოს ტექნიკურმა უნივერსიტეტმა ბირთვული კვლევების ევროპულ ორგანიზაციიდან (CERN, შვეიცარია) კვლევითი კოლაბორაციის გაფართოების შესახებ ახალი შეთავაზება მიიღო, რაც SND@LHC (Scattering and Neutrino...
საქართველოს ტექნიკურ უნივერსიტეტში, ინკლუზიური პროფესიული განათლების მუდმივი გაუმჯობესების ფორმატში, ტრენინგი ჩატარდა
საქართველოს ტექნიკურ უნივერსიტეტში, ინკლუზიური პროფესიული განათლების მუდმივი გაუმჯობესების ფორმატში, ტრენინგი ჩატარდა. ამის შესახებ ინფორმაციას სტუ ავრცელებს. საქართველოს ტექნიკური უნივერსიტეტის რექტორის, აკადემიკოს...
„სასწრაფოდ! ბავშვი უმძიმეს მდგომარეობაშია“ – 8 წლის გიორგი ბერიშვილს საზოგადოების დახმარება სჭირდება
რამდენიმე თვის წინ, გიორგი ბერიშვილმა სიმსივნე დაამარცხა, თუმცა აქვს გართულებები. აწუხებს ჰაერის უკმარისობა და ჟანგბადზე დამოკიდებულია. პატარა რაჭველ ბიჭუნას, საზოგადოების...
საქართველოს ტექნიკური უნივერსიტეტის ინსტიტუტი „ტექინფორმი“ FAO-ს ASTI-ის მასშტაბურ საპილოტე პროექტში ჩაერთო
საქართველოს ტექნიკური უნივერსიტეტის სამეცნიერო და ტექნიკური ინფორმაციის ინსტიტუტმა („ტექინფორმი“), გაერო-ს სურსათისა და სოფლის მეურნეობის ორგანიზაციის (FAO) მეცნიერებისა და ტექნოლოგიების ინდიკატორების ქსელის...