ლევან დავითაშვილი: ჩვენი მომავალი წლის ბიუჯეტი დაბალანსებულია და გათვალისწინებულია ყველა საჯარო მოხელის ხელფასების სტაბილური ზრდა, ოღონდ არა ერთჯერადად
მხოლოდ და მხოლოდ, სწრაფი და მაღალი ეკონომიკური ზრდა, ოღონდ სტაბილურად რამდენიმე წლიან პერსპექტივაში მოგვცემს საშუალებას, რადიკალურად შევცვალოთ რეალობა ქვეყანაში, – ამის შესახებ ვიცე-პრემიერმა, ეკონომიკისა და მდგრადი განვითარების მინისტრმა ლევან დავითაშვილმა „ქრონიკაში“ განაცხადა.
მინისტრმა აღნიშნა, რომ ქვეყანა ჯერ კიდევ დგას უამრავი გამოწვევის წინაშე. ქვეყანაში სიღარიბის დონე ჯერ კიდევ მაღალია და ჯერ კიდევ მრავალი სოციალური პრობლემაა გადასალახი.
„ჩვენ ძალიან მაღალი ინფლაცია გვაქვს და ეს მაღალი ინფლაცია სამწუხაროდ არის ორნიშნა, თუმცა ვუყურებთ, რომ ინფლაციის ტენდენცია კლებადია. ჩვენი პროგნოზით, ის მომავალი წლის შუა პერიოდში სამიზნე მაჩვენებელს უნდა დაუახლოვდეს.
დღეს საქართველოს აქვს ევროზონის მაგვარი ინფლაცია. სხვა ქვეყნებთან შედარებით, სადაც 2-3-ჯერ მეტი ინფლაციაა, საქართველოში შედარებით უკეთესი სიტუაციაა, თუმცა ეს თითოეული მოქალაქისთვის დამაიმედებელი არ არის.
ჩვენი მომავალი წლის ბიუჯეტი დაბალანსებულია და გათვალისწინებულია ყველა საჯარო მოხელის ხელფასების სტაბილური ზრდა, ოღონდ არა ერთჯერადად, ეს არის გრძელვადიანი პირობა ჩვენი ხელისუფლების.
ის პოლიტიკა, რომელსაც ქვეყანა აწარმოებს, რომ ჩვენ გვქონდეს დაბალანსებული მიდგომა, გვქონდეს ეკონომიკური ზრდა, მაგრამ ამავე დროს გვქონდეს პასუხისმგებლიანი მაკრო-ეკონომიკური პოლიტიკა და მონეტარული პოლიტიკა, საშუალებას გვაძლევს, რომ ჩვენ მოვახერხოთ დაბალანსებული გადაწყვეტილებების მიღება“, – განაცხადა ლევან დავითაშვილმა.
About Post Author
ქეთევან ნინუა
Comments
მარიამ ქვრივიშვილი: საქართველოს მთავრობის ერთ-ერთი პრიორიტეტია, ჰქონდეს მეტი პირდაპირი მიმოსვლა, რათა ქვეყანაში მეტი ტურისტი ჩამოვიდეს, აეროპორტები კი მეტ მგზავრს მოემსახუროს
საქართველოს ავიაბაზარზე ორი საერთაშორისო ავიაკომპანია დაიწყებს რეგულარული რეისების შესრულებას. სამოქალაქო ავიაციის სააგენტომ საჰაერო მიმოსვლის ფრენის ნებართვა ნიდერლანდების ავიაკომპანია Transavia -...
ლარში აღებულ 180 ათასზე მეტ სესხზე პროცენტი მცირდება
მომავალი თვიდან ლარში აღებულ სესხებზე ყოველთვიური შენატანი მცირდება. სესხის პროცენტის შემცირების გადაწყვეტილება ეროვნულმა ბანკმა მიიღო მონეტარული პოლიტიკის კომიტეტის დღევანდელ, 13...
ლევან დავითაშვილი – გატარდა კომპლექსური ღონისძიებები, რათა ინფლაციური წნეხი მაქსიმალურად მსუბუქი ყოფილიყო
ჩვენ მოვახდინეთ ინფლაციის კონტროლში მოქცევა. ეს იყო ძალიან მნიშვნელოვანი გამოწვევა ყველა ქვეყნის ეკონომიკისთვის, მათ შორის, ჩვენი ეკონომიკისთვის, – ამის შესახებ...
მსოფლიოს ყველაზე ძვირი ქვეყნები საცხოვრებლად – რომელ ადგილზეა საქართველო?
numbeo ცხოვრების ღირებულების 2024 წლის ინდექსს აქვეყნებს, სადაც საცხოვრებლად ყველაზე ძვირი ქვეყნებია წარმოდგენილი. ქვეყნები, რომლებსაც 100-ზე ნაკლები ქულა აქვთ, შედარებით...
“ეკონომიკის სამინისტრო ყველა ინსტრუმენტს იყენებს რათა დავაინტერესოთ ამერიკული ავიაკომპანიები რომ საქართველოში იფრინონ”
ეკონომიკის სამინისტრო ყველა ინსტრუმენტს იყენებს, რათა დავაინტერესოთ ამერიკული ავიაკომპანიები, რომ საქართველოში იფრინონ, – ამის შესახებ ეკონომიკისა და მდგრადი განვითარების მინისტრის...
როგორ უნდა მოიქცეთ, რომ თაღლითებმა არ აიღონ სესხი თქვენი სახელით
აკონტროლეთ ვის აქვს წვდომა თქვენს პირად ინფორმაციაზე და შეამოწმეთ თქვენი საკრედიტო ისტორია. თაღლითებს ნამდვილად შეუძლიათ უცხოსგან სესხის აღება. მომხმარებელი კი...