ირაკლი ღარიბაშვილი: დღეს მივემგზავრებით ბრიუსელში, სადაც ასოცირების საბჭოს მეშვიდე სხდომა გაიმართება
Read Time:28 Second
საქართველოს დელეგაცია პრემიერ-მინისტრის ხელმძღვანელობით დღეს ბრიუსელში გაემგზავრება, სადაც ასოცირების საბჭოს მეშვიდე სხდომა გაიმართება. ამის შესახებ ირაკლი ღარიბაშვილმა მთავრობის სხდომაზე ისაუბრა. მთავრობის მეთაურის თქმით, ბელგიაში ეკონომიკისა და მდგრადი განვითარების და საგარეო საქმეთა მინისტრებიც გაემგზავრებიან.
„გვექნება საუბარი ყველა იმ პროგრესზე, ყველა რეფორმაზე, რომელზეც ვმუშაობთ. ასევე, ბუნებრივია, გვექნება საუბარი იმ 12 რეკომენდაციაზე, რომლებზეც აქტიური მუშაობა მიმდინარეობს საქართველოს პარლამენტში ჩვენი მმართველი პარტიის მიერ. რა თქმა უნდა, საუბარი შეეხება ქვეყანაში მიმდინარე სიტუაციას, როგორც პოლიტიკურს, ასევე ეკონომიკურს, ზოგადად რეგიონში არსებულ გამოწვევებს უკრაინის ომთან დაკავშირებით. კიდევ ერთხელ მინდა ვთქვა, რომ დეტალურად წარვუდგენთ ჩვენს ევროპელ პარტნიორებს ჩვენ მიერ მიღწეულ პროგრესს“, – განაცხადა პრემიერმა.
Happy
0 %
Sad
0 %
Excited
0 %
Sleepy
0 %
Angry
0 %
Surprise
0 %
Comments
0
0
