თამარ გაბუნია: COVID19-სგან გამოჯანმრთელების მაღალი მაჩვენებელი მომდევნო დღეებშიც შენარჩუნდება
Read Time:43 Second
ჯანდაცვის მინისტრის მოადგილე თამარ გაბუნიამ დღეს საქართველოში კორონავირუსისგან გამოჯანმრთელებულთა მაღალი სტატისტიკის მიზეზი განმარტა. ამის შესახებ მან აჭარის მთავრობის სხდომის დასრულების შემდეგ გამართულ ბრიფინგზე განაცხადა.
მისი თქმით, დადებითი სტატისტიკის მიზეზი ინფიცირევულთა შეფასების ახალი კრიტერიუმია. „თუ უსიმპტომოა პირი მას 10 დღის შემდეგ გამოჯანმრთელებულის სტატუსი მიენიჭება“, – განაცხადა გაბუნიამ.
„კარგია, რომ ბოლო ორი დღის განმავლობაში გამოჯანმრთელებულთა სტატისტიკა 718-ს შეადგენს. ამ ადამიანებმა ჰოსპიტლები და საკარანტინო სასტუმროები დატოვეს, ბინაზე მეთვალყურეობაც შეჩერდა.
გუშინ ჯანდაცვის სამინისტრომ იმსჯელა და მიიღო ახალი პროტოკოლი, რომელიც შეეხება გამოჯანმრთელებულის სტატუსის მინიჭებას განმეორებითი „პისიარ“ ტესტირების გარეშე. ალბათ გახსოვთ, რომ მანამდე ორი თანმიმდევრული ტესტირება გვქონდა და ორივე აუცილებელი იყო. დღევანდელი მდგომარეობის მიხედვით, ათი დღის გასვლის შემდეგ, მე-11 დღეს პირს გამოჯანმრთელებულის სტატუსი ენიჭება“,- განმარტა გაბუნიამ.
მისი თქმით, მომდევნო დღეებში გამოჯანმრთელების მაღალი მაჩვენებელი შენარჩუნდება, რადგან 10-12 დღის განმავლობაში მაღალი იყო ინფიცირებულთა რიცხვი. „შემდეგ, როცა ინფიცირებულთა რაოდენობა დაიკლებს, შესაბამისად შემცირდება გამოჯანმრთელებულთა რაოდენობა“, – აღნიშნა გაბუნიამ.
საქართველოში კორონავირუსისგან 796 პაციენტი გამოჯანმრთელდა
Happy
0 %
Sad
0 %
Excited
0 %
Sleepy
0 %
Angry
0 %
Surprise
0 %
Comments
0
0
