ეკატერინე ტიკარაძე – პანდემიის მიუხედავად, არ ვანელებთ ტემპს და დევნილი მოსახლეობისთვის საცხოვრებელი პირობების გაუმჯობესებას ვახერხებთ
Read Time:1 Minute, 23 Second
გვეძლევა საშუალება, მოგილოცოთ ახალმოსახლეობა და გავახაროთ 140 დევნილი ოჯახი, გადავცეთ ახალი საცხოვრებელი სახლი, – ამის შესახებ ჯანდაცვის მინისტრმა ეკატერინე ტიკარაძემ წყალტუბოში განაცხადა, სადაც ახალაშენებულ კორპუსებში დევნილებს ბინები გადაეცათ.
ამასთან, როგორც ტიკარაძემ აღნიშნა, მიუხედავად პანდემიისა, დევნილი ოჯახებისთვის საცხოვრებელი პირობების გასაუმჯობესებლად ტემპი არ ნელდება.
„ძალიან მიხარია, გვაქვს საოცრად პოზიტიური და დადებითი დღე იმერეთში. შეგვიძლია, კიდევ ერთხელ ვიამაყოთ დევნილების სააგენტოსა და სხვა კოლეგა სამინისტროების მხრიდან და ქალბატონი მაია ცქიტიშვილის დიდი ძალისხმევით გვეძლევა საშუალება, მოგილოცოთ ახალმოსახლეობა და გავახაროთ 140 დევნილი ოჯახი, გადავცეთ ახალი საცხოვრებელი სახლი. არაერთხელ გვითქვამს, რომ დევნილი მოსახლეობა, ერთი მხრივ, არის ჩვენი დიდი ტკივილი. რა თქმა უნდა, ყველას ძალიან გული გვწყდება იმ ტერიტორიებზე, რომლებიც დღესდღეობით არის ოკუპირებული და ჩვენთვის ძალიან მნიშნელოვანია მშვიდობიანი მოლაპარაკებების, საქართველოს ეკონომიკური წინსვლის გზით, მოვახერხოთ და დავიბრუნოთ ყველა ეს ტერიტორია, ასევე მოვახერხოთ და დავიბრუნოთ თქვენი სახლ-კარი, მშობლიური ადგილ-მამული. მაგრამ ჩვენთვის ასევე მნიშვნელოვანია, რომ ამ მდგომარეობაში შეგიქმნათ მაქსიმალურად კომფორტული საცხოვრებელი პირობები, ისეთი საცხოვრებელი პირობები, რომელიც საქართველოს ყველა მოსახლეს და მოქალაქეს ეკუთვნის. გვერწმუნეთ, ყველაფერს გავაკეთებთ, რომ ყველა დევნილი ოჯახისთვის ხელმისაწვდომი იყოს ადეკვატური, კეთილმოწყობილი საცხოვრებელი პირობები. ნამდვილად, ჩვენი საკმაოდ დიდი მიღწევაა, რომ უკვე წელს, მიუხედავად პანდემიისა, რომელიც მსოფლიო მასშტაბით არსებობს, მაინც არ ვანელებთ ტემპს და ვახერხებთ დევნილი მოსახლოებისთვის გავაუმჯობესოთ საცხოვრებელი პირობები“, – განაცხადა ტიკარაძემ.
ეკატერინე ტიკარაძე ასევე აღნიშნავს, რომ წლის ბოლომდე იმერეთში ბინებს კიდევ 420 ოჯახს გადასცემენ.
„წლის ბოლომდე გვექნება არაერთი ღონისძიება, ასევე კიდევ დავბრუნდებით იმერეთში, როდესაც 420 ოჯახს ისევ და ისევ ამ ტერიტორიაზე, შემდეგ ექვს კორპუსში გადავცემთ ბინებს. ასევე გავაგრძელებთ საქართველოს სხვა რეგიონების მონახულებას, სადაც გავახარებთ სხვა დევნილ მოსახლოებას და დევნილ ოჯახებს. მინდა, მოგილოცოთ და გისურვოთ წარმატებები თქვენს ცხოვრებაში. იცით, დევნილების სააგენტოს მხრიდან საკმაოდ კარგად ფუნქციონირებს პროექტი, რომელიც კონკრეტულად დევნილი მოსახლეობის დასაქმების ხელშეწყობაზე ზრუნავს და მოგიწოდებთ, ჩაერთოთ ამ პროგრამებში. მიმაჩნია, ის მნიშვნელოვნად აისახება თქვენს კეთილდღეობაზე“, – აღნიშნა ეკატერინე ტიკარაძემ.
Happy
0 %
Sad
0 %
Excited
0 %
Sleepy
0 %
Angry
0 %
Surprise
0 %
Comments
0
0
