ბოდიბილდერი მღვდელი, რომელიც კონკურსებშიც მონაწილეობს
Read Time:1 Minute, 17 Second
მღვდლების ნაწილის ცხოვრება ჩვეულებრივი ერისკაცის ცხოვრებისგან ბევრი არაფრით განსხვავდება. მათ შორის არის ბელგოროდის ოლქში მოღვაწე რუსი მღვდელი მაქსიმ პასტუხოვიც, რომელიც სოფელი ივანოვკის ეკლესიის წინამძღვარია.
მამა მაქსიმი ბოდიბილდერია. სოფელში მან მართლმადიდებლური სპორტული კლუბი შექმნა, რომელიც წმინდა იოსებ ბელგოროდელის სახელობის არის. კლუბში ყველა ასაკის ადამიანს შეუძლია ვარჯიში.
„ჩვენს კლუბში არა მხოლოდ ფიზიკურად, არამედ – სულიერადაც ვითარდებიან. ვცდილობთ, ცხოვრების ჯანსაღ წესს მივყვეთ,“ – ამბობს მღვდელი.
მაქსიმი კვირაში სამჯერ ვარჯიშობს, თუმცა მოსწავლეებთან რელიგიაზე სასაუბროდ დროსაც ხშირად პოულობს. მის კლუბში ახლა 20 ადამიანია. ყველაზე უმცროსი 12 წლისაა, უფროსი – 23-ის.
მაქსიმი შეჯიბრებებშიც მონაწილეობს, ბოდიბილდერების ადგილობრივ კონკურსში მან მესამე ადგილი დაიკავა.
Happy
0 %
Sad
0 %
Excited
0 %
Sleepy
0 %
Angry
0 %
Surprise
0 %
Comments
0
0