აშშ-ის ჯანდაცვის მდივანი – ახალი კორონავირუსის ვაქცინა სავარაუდოდ ერთ წელიწადში მზად იქნება
Read Time:38 Second
აშშ-ის ჯანდაცვის მდივან ალექს აზარის თქმით, ახალი კორონავირუსის საწინააღმდეგო ვაქცინა სავარაუდოდ ერთ წელიწადში იქნება მზად. მისივე თქმით, აშშ-ის ხელისუფლება ვაქცინის შესაქმნელად დამატებით ერთ მილიარდ დოლარს გამოყოფს. ეს განცხადება აზარმა აშშ-ის სენატში მოსმენის დროს გააკეთა.
აზარის განცხადებით, სულ კორონავირუსთან საბრძოლველად აშშ-ის ბიუჯეტიდან 2,5 მილიარდი დოლარი გამოიყოფა. ამ თანხის ნაწილი დაიხარჯება ასევე სკრინინგის აპარატურის განახლებასა და ადგილობრივი მთავრობების მხარდაჭერაზე. აზარის თქმით, აშშ-ს ასევე სჭირდება ვირუსისგან დამცავი აღჭურვილობა, მათ შორის პირბადეები და სადეზინფექციო საშუალებები.
სენატორების კითხვებს ასევე უპასუხა აშშ-ის დაავადებათა კონტროლისა და პრევენციის ცენტრის ხელმძღვანელმა, რომელმაც აშშ-ის მოქალაქეები გააფრთხილა, რომ კორონავირუსის გავრცელება აშშ-ის ტერიტორიაზე მხოლოდ დროის საკითხია.
„კითხვა მდგომარეობს არა იმაში, გავრცელდება თუ არა კორონავირუსი აშშ-ში, არამედ როდის მოხდება ეს“, – განაცხადა აშშ-ის დაავადებათა კონტროლისა და პრევენციის ცენტრის ხელმძღვანელმა.
Happy
0 %
Sad
0 %
Excited
0 %
Sleepy
0 %
Angry
0 %
Surprise
0 %
Comments
0
0
