საქართველოს რკინიგზის 100%-იანი წილის მფლობელი მთავრობა გახდა
Read Time:35 Second
საქართველოს რკინიგზის (GR) 100%-იანი წილი მთავრობას გადაეცა. ამის შესახებ აღნიშნულია ლონდონის საფონდო ბირჟაზე განთავსებულ განცხადებაში.
„2012 წლამდე საქართველოს რკინიგზას მთლიანად საპარტნიორო ფონდი ფლობდა. უნდა ხაზგასმით აღინიშნოს, მიუხედევად იმისა, რომ კომპანია არაპირდაპირ სახელმწიფო საწარმოდ განიხილებოდა, GR-ს არასდროს გამოუყენებია ბიუჯეტის დაფინანსება“, – წერია განცხადებაში საქართველოს რკინიგზის გუნდის ავტორობით.
განცხადება 2022 წლის 23 დეკემბრით თარიღდება. უნდა ითქვას, რომ საპარტნიორო ფონდი, თავის მხრივ, სახელმწიფო საინვესტიციო ფონდია, შესაბამისად, რკინიგზა ისევ სახელმწიფოს მფლობელობაში რჩება და ცვლილება მხოლოდ ფორმალური ხასიათისაა. ამჟამად, საპარტნიორო ფონდის საკუთრებაში მხოლოდ ერთი აქტივი – „ნავთობისა და გაზის კორპორაციაა”.
ცნობისთვის, საპარტნიორო ფონდი 2011 წელს შეიქმნა სატრანსპორტო, ენერგეტიკისა და ინფრასტრუქტურის სფეროში არსებული მსხვილი სახელმწიფო საწარმოების კონსოლიდაციის ბაზაზე. ფონდის მთავარი დანიშნულება საქართველოში საინვესტიციო პროექტების განვითარების საწყის ეტაპზე თანამონაწილეობის გზით ინვესტიციების წახალისება უნდა ყოფილიყო.
Happy
0 %
Sad
0 %
Excited
0 %
Sleepy
0 %
Angry
0 %
Surprise
0 %
Comments
0
0
