რატი ბრეგაძე: „ჩვენი მკაცრი რეკომენდაცია იქნება, რომ სასამართლო პროცესი ჩატარდეს მე-12 დაწესებულებაში. თუკი სასამართლოსთან იქნება გარკვეული პროვოკაცია, მერე ვინ აგებს ამაზე პასუხს?!“
Read Time:36 Second
“ჩვენ მაქსიმალურად შევუწყობთ ხელს მართლმსაჯულებას. ჩვენი მკაცრი რეკომენდაცია იქნება ის, რომ პატიმარი არ იქნეს გაყვანილი მე-12 დაწესებულებიდან, იმიტომ, რომ, როგორც მოგახსენეთ, აქ შეიძლება საფრთხე წარმოეშვას უშუალოდ მას და, სწორედ მისი უსაფრთხოების ინტერესებიდან გამომდინარე, ჩვენ ვალდებული ვართ, დავიცვათ იგი და, ბუნებრივია, ასევე, დავიცვათ მართლწესრიგი.
ჩვენ ისედაც ძალიან დავღალეთ უკვე საზოგადოება ამდენი საუბრისგან და თუკი სასამართლოსთან იქნება გარკვეული პროვოკაცია, მერე ვინ აგებს ამაზე პასუხს?! ან რა რაოდენობის ძალა უნდა გამოიყენოს სახელმწიფომ, ხომ? არ შეიძლება, რომ მთელი რესურსი მიმართული იყოს ერთი ადამიანის დაცვაზე და ამ მუდმივი პროვოკაციების თავიდან არიდებაზე. შესაბამისად, როგორც მოგახსენეთ, ჩვენი რეკომენდაცია იქნება, რომ პროცესი ჩატარდეს №12 დაწესებულებაში და, ბუნებრივია, ყველა სამართლებრივ პროცედურას ჩვენ გავყვებით ნაბიჯ-ნაბიჯ, რაც ამ მიზნის მისაღწევად არის საჭირო“, – განაცხადა რატი ბრეგაძე “ღამის კურიერში”
Happy
0 %
Sad
0 %
Excited
0 %
Sleepy
0 %
Angry
0 %
Surprise
0 %
Comments
0
0
