შალვა პაპუაშვილი „ნაცმოძრაობაზე“: მათ აჯანჯღარეს ეს ქვეყანა და საბოლოოდ თავად მოიშალნენ
Read Time:42 Second
ეს არის ლოგიკური დასასრული იმ რადიკალური დღის წესრიგისა, რომელიც „ნაციონალურ მოძრაობას“ აქვს, მათ აჯანჯღარეს ეს ქვეყანა და საბოლოოდ თავად მოიშალნენ, – ასე აფასებს პარლამენტის თავმჯდომარე შალვა პაპუაშვილი „ნაციონალურ მოძრაობაში“ მიმდინარე პროცესებს.
მისივე თქმით, პრობლემაა არის არა „ნაცმოძრაობის“ ხელმძღვანელობაში, არამედ იმაში, რომ ისინი ყველანაირად ასცდნენ როგორც მოსახლეობის ინტერესებს, ისე დემოკრატიის, სამართლებრივი სახელმწიფოს ელემენტარულ პრინციპებს.
„ეს არის საერთო ჯამში ის, რაც უნდოდათ, რომ გაეკეთებინათ საკუთარი ქვეყნისთვის და დაემართათ საკუთარ პარტიაში. ეს არის ლოგიკური დასასრული იმ რადიკალური დღის წესრიგისა, რომელიც აქვთ. მათ აჯანჯღარეს ეს ქვეყანა და საბოლოოდ თავად მოიშალნენ. რაც შეეხება თავმჯდომარის არჩევნებს, ვის აირჩევენ, ამას დიდი მნიშვნელობა არ აქვს. პრობლემა არის არა „ნაციონალური მოძრაობის“ ხელმძღვანელობაში, არამედ არის იმაში, რომ ისინი ყველანაირად აცდენილი არიან როგორც მოსახლეობის ინტერესებს, ისე დემოკრატიის, სამართლებრივი სახელმწიფოს ელემენტარულ პრინციპებს. ასე რომ, საერთო ჯამში, ეს არის პრობლემა. ვიდრე ამ პრობლემას არ გადაწყვეტენ, მნიშვნელობა არ აქვს, ვინ იქნება თავმჯდომარე“, – განაცხადა შალვა პაპუაშვილმა.
Happy
0 %
Sad
0 %
Excited
0 %
Sleepy
0 %
Angry
0 %
Surprise
0 %
Comments
0
0
