ნუგზარ წიკლაური – „ნაციონალური მოძრაობა“ არის დიდი მეინსტრიმული პარტია და გასაგებია, რომ პარტიაში შესაძლოა, არსებობდეს სხვადასხვა მოსაზრება, ეს ნორმალური პოლიტიკური პროცესია
ნიკა მელიას წერილი მიმართულია იმ ადამიანებისადმი, რომლებიც გულწრფელად ღელავენ მიხეილ სააკაშვილის მდგომარეობის გამო, იმ ტოტალიტარული წნეხის გამო, რომელსაც ივანიშვილის ხელისუფლება აწარმოებს საქართველოს მესამე პრეზიდენტზე, – ამის შესახებ „ნაციონალური მოძრაობის“ წევრმა, ნუგზარ წიკლაურმა განაცხადა.
მისივე თქმით, „ნაციონალური მოძრაობა“ დიდი მეინსტრიმული პარტიაა და შეიძლება, პარტიაში სხვადასხვა მოსაზრებები არსებობდეს.
„ნაციონალური მოძრაობა“ არის დიდი მეინსტრიმული პარტია და სრულიად გასაგებია, რომ ამ პარტიაში სხვადასხვა მოსაზრება შეიძლება, არსებობდეს. ეს ნორმალური პოლიტიკური პროცესია. მიმაჩნია, რომ „ნაციონალური მოძრაობა“ ახლა ყველაფერს აკეთებს, რათა ამ რუსული მმართველობისგან იქნას დახსნილი მიხეილ სააკაავილი. ამასვე გააგრძელებს მომავალში. ნებისმიერი კრიტიკა, რომელიც იარსებებს ამ მიმართულებით, ნებისმიერი აზრთა გაცვლა-გამოცვლა არის სასარგებლო. ამ შემთხვევაში არ ვგულისხმობ ისეთ ადამიანებს, რომელთაც მდგომარეობის გაუმჯობესების სურვილი კი არ აქვთ, არამედ პროვოკაციული გარემოს შექმნა. ასეთი ადამიანები არიან ძალიან ცოტა რაოდენობით და ისინი ვერანაირ პოლიტიკურ სურათს ვერ ქმნიან. „ნაციონალურ მოძრაობაში“ ადრეც ყოფილა აზრთა სხვადასხვაობა, ეს არამც და არამც არ უქმნის საფრთხეს ერთიან კურსს, რომელზეც ფოკუსირებულია პარტია. ეს არის ქვეყნის დემოკრატიზაცია და პოლიტიკური დევნის დასრულება“, – განაცხადა ნუგზარ წიკლაურმა.
კითხვაზე: ახლა თუ არის პარტიაში საკითხი, რაზეც ვერ თანხმდებით, წიკლაურმა აღნიშნა, რომ ფუნდამენტურ საკითხებთან დაკავშირებით არანაირი აზრთა სხვადასხვაობა არ არის.
„არ მგონია, რომ ასეთი საკითხი იყოს. ფუნდამენტურ საკითხებთან დაკავშირებით არანაირი აზრთა სხვადასხვაობა არ არის, თუმცა გამოითქმება სხვადასხვა მოსაზრება, როგორ არის უმჯობესი, მოხდეს ქვეყანაში ტოტალიტარული მმართველობის დასრულება, ოლიგარქის ჩამოცილება მართვის სადავეებიდან, ანტიევროპული კურსის შეცვლა და იმ რეციდივების აღმოფხვრა, რაც გამოიხატება მედიამფლობელების, პოლიტიკოსების ციხეში გამწესებით“, – აღნიშნა ნუგზარ წიკლაურმა.
About Post Author
ქეთევან ნინუა
Comments
“თქვენი მიზანია პროვოკაცია” – ხმაური პარლამენტში
ხმაურით დაიწყო პარლამენტის იურიდიულ საკითხთა საპარლამენტო კომიტეტის სხდომა, სადაც „უცხოური გავლენის გამჭვირვალობის შესახებ“ კანონპროექტი მეორე მოსმენით, მუხლობრივად განიხილება. კამათი ოპოზიციონერი...
თამარ ჩიბურდანიძე: პროვოკაციების მაძიებლებს გუშინაც კოვზი ნაცარში ჩაუვარდათ, ქართულმა პოლიციამ აჩვენა, რომ ევროპულ სტანდარტებზეც კი მაღლა დგას
საქართველოს ყველა ნორმალურად მოაზროვნეს ამ დღეების პროცესების ყურებისას, ნამდვილად გაუჩნდებოდა იმის განცდა, რომ ცხოვრობს უსაფრთხო ქვეყანაში, - ამის შესახებ „ხალხის...
დიმიტრი ხუნდაძე: საქართველოში ღირსება არცერთი ფორმით არ იყიდება და თუ გლობალურ ომის პარტიაში ჩვენი არ ესმით, დღეს ამას თავად ქვეყნის მოქალაქეთა უმრავლესობა გააგონებს რუსთაველის გამზირიდან
ეს იქნება ერის ხმა, რომელიც წინააღმდეგია საკუთარი სარწმუნოების გაუფასურების, სუვერენიტეტის დათმობის, ლგბტ პროპაგანდის დაშვების და ზოგადად, საქართველოს მოქალაქეების ბიომასად ქცევის,...
რატომ გამოიყენა მერიამ ტერმინი “არასანქცირებული” ოპოზიციის აქციასთან მიმართებით – მამუკა მდინარაძის განმარტება
რაც არ უნდა იკადრონ, მთავარია, რომ არ არსებობს იმაზე წინ არაფერი, ვიდრე საკუთარი სამშობლო, მამული, ენა სარწმუნოება, - ამის შესახებ...
პაატა მანჯგალაძე: ჩვენ იმიტომ ვართ, რომ არ გართულდეს, სინამდვილეში. ჩვენ რომ არ ვიყოთ, შეიძლება, მართლა გართულდეს და რაზე ავიღო პასუხისმგებლობა. კობახიძემ აიღოს პასუხისმგებლობა
გგონიათ, რომელიმე პოლიტიკოსის გამო არიან მოსული ეს ბავშვები აქ? ჩვენ იმიტომ ვართ, რომ არ გართულდეს, ჩვენ რომ არ ვიყოთ, შეიძლება,...
მამუკა მდინარაძე: ქართველ კაცს რატომ უნდა მოუვიდეს აზრად, დროშა დააგდოს ძირს, რომ იქნებ სპეცრაზმელმა ფეხი დააბიჯოს? – პატრიოტიზმი არ არის, რომ უარგუმენტოდ რაღაცას რუსული ეძახო
ქართველ კაცს რატომ უნდა მოუვიდეს აზრად, დროშა დააგდოს ძირს, რომ იქნებ სპეცრაზმელმა ფეხი დააბიჯოს, იქნებ პოლიციელმა ფეხი დააბიჯოს, - ამის...