ნასა-ს ადმინისტრატორი – არამიწიერი სიცოცხლის არსებობა იმაზე მეტად შესაძლებელია, ვიდრე გვგონია
Read Time:1 Minute, 12 Second
NASA-ს სამეცნიერო მისიათა დირექტორატის ხელმძღვანელი, თომას ზურბუკენი აცხადებს, რომ დედამიწის მიღმა სავარაუდოდ სიცოცხლე არსებობს.
„არის თუ არა სიცოცხლე დედამიწის მიღმა? ვფიქრობ, დიახ, მაგრამ ზუსტად არ ვიცი. მარტივი მიზეზი, რის გამო ასე ვფიქრობ ისაა, რომ ბუნებას სათანადოდ ვერ ვაფასებთ, როცა ეჭვქვეშ ვაყენებთ წყლისა და კომპლექსური მოლეკულების არსებობას დედამიწის მიღმა. თითოეული მათგანის წარმოქმნა იმაზე გაცილებით მარტივია, ვიდრე გვგონია“, — განუცხადა ზურბუკენმა ინტერვიუში ბოსტონის უნივერსიტეტს.
ციფრების თამაში
მარტივი ლოგიკაა — კოსმოსი იმდენად დიდია, რომ სადღაც ჩვენ მიღმა, აუცილებლად უნდა არსებობდეს სიცოცხლისათვის ხელსაყრელი გარემო.
მსგავსი: NASA გონიერი არამიწიერი სიცოცხლის ძებნას ახალი…
თუმცა ფაქტად რჩება, რომ დედამიწის მსგავსი გარემო ღრმა კოსმოსში სიცოცხლის გარანტია არ არის. ლონდონის საუნივერსიტეტო კოლეჯის ბიოქიმიკოსი ნიკ ლეინი ირწმუნება, რომ ამ მოსაზრების სტატისტიკური საფუძველი არ გვაქვს, რადგან ზურბუკენის მსგავსი არგუმენტები წარმოადგენს დედამიწაზე არსებული სიცოცხლის მონაცემების ექსტრაპოლაციას.
მკრთალი ლურჯი წერტილი
მიუხედავად იმისა, არის თუ არა ზურბუკენის მოსაზრება ჭეშმარიტი, როგორც იგი აღნიშნავს, ამას დიდი მნიშვნელობა არ აქვს, თუკი პირველ რიგში არ ვუზრუნველყოფთ იმას, რომ დედამიწაზე სიცოცხლე გაგრძელდეს.
მსგავსი: ცნობილი ფიზიკოსის აზრით, არამიწიერ ცივილიზაციას…
„არ აქვს მნიშვნელობა, რა არის ამ კითხვის პასუხი. აუცილებლად უნდა შევინარჩუნოთ დედამიწა სიცოცხლისუნარიანი. სხვაგვარად მოქცევა ძალიან საშიშია. ვფიქრობ, რომ სხვა პლანეტათა ტერაფორმირება მოკლე დროში შეუძლებელია. უფრო მეტი დრო და ძალისხმევა უნდა დავხარჯოთ, რათა დედამიწა შევინარჩუნოთ ისეთი, როგორიც არის — სიცოცხლით სავსე და საოცარი. სხვა გზა უბრალოდ არ გვაქვს“, — აღნიშნა ზურბუკენმა, როცა მას სხვა პლანეტაზე გადასახლების შესახებ ჰკითხეს.
ზურბუკენი აღნიშნავს იმასაც, რომ თუკი კლიმატის ცვლილებას არ შევებრძოლეთ, ნებისმიერი არამიწიერი, კოსმოსის მკვლევარი ცივილიზაცია ჩვენს ნაცვლად დედამიწაზე ალბათ მხოლოდ ნაშთებსღა იპოვის.
მომზადებულია futurism.com-ის მიხედვით.
Happy
0 %
Sad
0 %
Excited
0 %
Sleepy
0 %
Angry
0 %
Surprise
0 %
Comments
0
0