ნათია თურნავა – ჩვენმა გუნდმა ქვეყანას მოუტანა მშვიდობიანი განვითარების შესაძლებლობა, კერძო საკუთრების ხელშეუხებლობა და ახალი ასპარეზი ნიჭიერ ადამიანებს, რომ მათ თავიანთი სამეწარმეო უნარები განავითარონ
სახელმწიფოს მხარდაჭერით, მათ შორის ჩვენი პროგრამებით, შიდა ქართლში 20-მდე სხვადასხვა მცირე და საშუალო საწარმო ამოქმედდა, 10-მდე მცირე სასტუმრო გაიხსნა, რომელიც მიუხედავად პანდემიისა, კვლავაც მასპინძლობს ადგილობრივ და უცხოელ სტუმრებს, ასევე ჩვენი ერთობლივი ძალისხმევით შეიქმნა 300-ზე მეტი სამუშაო ადგილი, – ამის შესახებ ეკონომიკისა და მდგრადი განვითარების მინისტრმა „ქართული ოცნების“ კასპის მერობის კანდიდატის ვახტანგ მაისურაძის წარდგენაზე განაცხადა.
„ჩვენმა გუნდმა, ჩვენმა პოლიტიკურმა ძალამ მთელ საქართველოს, მათ შორის კასპის მუნიციპალიტეტს მოუტანა მშვიდობიანი განვითარების შესაძლებლობა, ახალი ასპარეზი ნიჭიერ ადამიანებს, რომ მათ თავიანთი სამეწარმეო უნარები განავითარონ, კერძო საკუთრების პატივისცემა და ხელშეუხებლობა. ეს არის მთავარი ღირებულება და დანარჩენი, რა თქმა უნდა, ერთობლივი ძალისხმევით ყველაფერი განხორციელდება ისე, როგორც სჭირდება ჩვენს ხალხს და თქვენს რეგიონს“, – აღნიშნა ნათია თურნავამ.
მისი თქმით, კასპის მუნიციპალიტეტი, მთლიანად შიდა ქართლი მდიდარია თავისი სამეწარმეო ინდუსტრიული ტრადიციებით. მისივე განცხადებით, გარდა ამისა, რეგიონში განვითარდა სხვა ტიპის წარმოება, მათ შორის ქაღალდის, ავეჯის, სხვადასხვა საშენი მასალის, პლასტმასის და ბევრი სხვა პროდუქციის წარმოება, რაც საბოლოო ჯამში მოგვიტანს სიღარიბის დაძლევას, დამოუკიდებელ სტაბილურ შემოსავალს ოჯახებს და ახალ სამუშაო ადგილებს.
„რა თქმა უნდა, ეს არ არის საკმარისი, ეს იყო მხოლოდ დასაწყისი, რადგან ჩვენ მემკვიდრეობით გადმოცემულ ძალიან ბევრ პრობლემას ვებრძოდით და თან განვითარებას ვეხმარებოდით“, – განაცხადა ეკონომიკის მინისტრმა.
ამასთან, მინისტრის თქმით, პრემიერ-მინისტრის გადაწყვეტილებით, მასშტაბური დაფინანსება გამოიყოფა ყველა რეგიონში მცირე წარმოებებისთვის.
„2,5 მლრდ ლარის დახმარება, თანადაფინანსება იქნება გამოყოფილი სხვადასხვა რეგიონისა და დარგისთვის, რომელიც აძლიერებს ქართულ წარმოებას, ექსპორტზე ორიენტირებული და იმპორტის ჩანაცვლებაზე ორიენტირებული დარგებისთვის“, – აღნიშნა ნათია თურნავამ.
About Post Author
ქეთევან ნინუა
Comments
მარიამ ქვრივიშვილი: საქართველოს მთავრობის ერთ-ერთი პრიორიტეტია, ჰქონდეს მეტი პირდაპირი მიმოსვლა, რათა ქვეყანაში მეტი ტურისტი ჩამოვიდეს, აეროპორტები კი მეტ მგზავრს მოემსახუროს
საქართველოს ავიაბაზარზე ორი საერთაშორისო ავიაკომპანია დაიწყებს რეგულარული რეისების შესრულებას. სამოქალაქო ავიაციის სააგენტომ საჰაერო მიმოსვლის ფრენის ნებართვა ნიდერლანდების ავიაკომპანია Transavia -...
ლარში აღებულ 180 ათასზე მეტ სესხზე პროცენტი მცირდება
მომავალი თვიდან ლარში აღებულ სესხებზე ყოველთვიური შენატანი მცირდება. სესხის პროცენტის შემცირების გადაწყვეტილება ეროვნულმა ბანკმა მიიღო მონეტარული პოლიტიკის კომიტეტის დღევანდელ, 13...
ლევან დავითაშვილი – გატარდა კომპლექსური ღონისძიებები, რათა ინფლაციური წნეხი მაქსიმალურად მსუბუქი ყოფილიყო
ჩვენ მოვახდინეთ ინფლაციის კონტროლში მოქცევა. ეს იყო ძალიან მნიშვნელოვანი გამოწვევა ყველა ქვეყნის ეკონომიკისთვის, მათ შორის, ჩვენი ეკონომიკისთვის, – ამის შესახებ...
მსოფლიოს ყველაზე ძვირი ქვეყნები საცხოვრებლად – რომელ ადგილზეა საქართველო?
numbeo ცხოვრების ღირებულების 2024 წლის ინდექსს აქვეყნებს, სადაც საცხოვრებლად ყველაზე ძვირი ქვეყნებია წარმოდგენილი. ქვეყნები, რომლებსაც 100-ზე ნაკლები ქულა აქვთ, შედარებით...
“ეკონომიკის სამინისტრო ყველა ინსტრუმენტს იყენებს რათა დავაინტერესოთ ამერიკული ავიაკომპანიები რომ საქართველოში იფრინონ”
ეკონომიკის სამინისტრო ყველა ინსტრუმენტს იყენებს, რათა დავაინტერესოთ ამერიკული ავიაკომპანიები, რომ საქართველოში იფრინონ, – ამის შესახებ ეკონომიკისა და მდგრადი განვითარების მინისტრის...
როგორ უნდა მოიქცეთ, რომ თაღლითებმა არ აიღონ სესხი თქვენი სახელით
აკონტროლეთ ვის აქვს წვდომა თქვენს პირად ინფორმაციაზე და შეამოწმეთ თქვენი საკრედიტო ისტორია. თაღლითებს ნამდვილად შეუძლიათ უცხოსგან სესხის აღება. მომხმარებელი კი...