ნათია თურნავა: თუ ჩვენ ვეხმარებით ბიზნესს, მათი მხრიდანაც ველოდებით ადეკვატურ, პასუხისმგებლიან მიდგომას
Read Time:47 Second
სრულიად სამართლიანია, რომ სახელმწიფომ გადახედოს ყველა იმ ობიექტისა და ბიზნესის სახელმწიფო პროგრამებში მონაწილეობას, რომელიც მიზანმიმართულად დაარღვევს დაწესებულ აუცილებელ მოთხოვნებს, – ამის შესახებ ეკონომიკის მინისტრმა, ნათია თურნავამ მთავრობის ადმინისტრაციაში გამართულ ბრინფინგზე განაცხადა.
მისივე თქმით, ეს გადაწყვეტილება კონკრეტულად რესტორნების წინააღმდეგ არაა მიმართული.
„სრულიად სამართლიანი არის ის, რომ ჩვენ გავამკაცროთ მოთხოვნა ყველა იმ ობიექტის და ბიზნესის მიმართ ვინც მიზანმიმართულად დაარღვევს ეპიდემიოლოგების მიერ დაწესებულ აუცილებელ მოთხოვნებს, კანონმდებლობით დაწესებულ აუცილებელ მოთხოვნებს. ამ შემთხვევაში ვიტოვებთ დაჯარიმების უფლებასაც და სრულიად სამართლიანია, რომ სახელმწიფომ გადახედოს ამ ობიექტების სახელმწიფო პროგრამებში მონაწილეობასაც, ვინაიდან ყველა ეს პროგრამა ფინანსდება ბიუჯეტიდან, ეს არის მოსახლეობის თანხა. შესბამისად, თუ ჩვენ ვეხმარებით ბიზნესს ამ რთულ ვითარებაში, რათა შევუმსუბუქოთ მათ ყოფა, მათი მხრიდანაც ველოდებით ადეკვატურ, პასუხისმგებლიან მიდგომას, ძალიან პასუხისმგებლიან მიდგომას, ვინაიდან ერთად ვქმნით იმ დადებით ფონს, რაც გვეხმარება პანდემიასთან ბრძოლაში. აქედან გამომდინარე, ეს სრულიად სამართლიანი გადაწყვეტილებაა. არ მინდა ვიღაცამ იფიქროს, რომ რესტორნების წინააღმდეგაა ეს მიმართული. ეს შეეხება ყველა ბიზნესს, ვისაც დაწესებული აქვს მოთხოვნები და ვინც სარგებლობს სხვადასხვა პროგრამით, აი ამაზე არის საუბარი – გამგები გაიგებს”, – განაცხადა თურნავამ.
Happy
0 %
Sad
0 %
Excited
0 %
Sleepy
0 %
Angry
0 %
Surprise
0 %
Comments
0
0
