მიხეილ სააკაშვილი: სტუდენტები მასობრივად ყიდულობენ ლობიანებს, რადგან ხაჭაპური 50 თეთრით უფრო ძვირი ღირს – ასეთი ისტორიებისგან შედგება დღეს ჩვენი ცხოვრება
Read Time:40 Second
„დააკვირდით, სტუდენტები ყიდულობენ მასობრივად ლობიანებს და არ ყიდულობენ ხაჭაპურებს, მარტივი მიზეზის გამო, ხაჭაპური ღირს 50 თეთრით უფრო ძვირი, ვიდრე ლობიანი. ასეთი ისტორიებისგან შედგება დღეს ჩვენი ცხოვრება“ – ამის შესახებ მსჯავრდადებულმა საქართველოს ყოფილმა პრეზიდენტმა მიხეილ სააკაშვილმა დღევანდელ სასამართლო პროცესზე დისტანციურად ჩართვისას განაცხადა.
მისივე თქმით, საქართველოში 350 000 ადამიანი 800 ლარის ოდენობის ხელფასს იღებს.
„წარმოიდგინეთ, საქართველო არის ისეთი მანქანა, რომელსაც საჭედ უზის ადამიანი, რომელიც მიაქანებს უფსკრულისკენ და გადაჩეხავს, ქართველი ხალხი ჩაკეტილი ჰყავს სადღაც საბარგულში. ესენი მანქანიდან უნდა გადავყაროთ და გავუშვათ. ამიტომ ყველანი უნდა ვიყოთ ძალიან აქტიურები, ქმედითები.
თუ ამ არჩევნებში არ მოხდა ხელისუფლების შეცვლა, ჩვენ ავტომატურად მივიღებთ იმას, რომ იმ თაობისთვის, რომელიც პირველად აძლევს ხმას, შეიძლება იყოს ბოლო არჩევნები და არასდროს აღარ იყოს არც საქართველო, აღარც თავისუფალი არჩევნები. ყოფნა-არყოფნის საკითხი დგას. ჩვენ აუცილებლად გავიმარჯვებთ, აუცილებლად ვიქნებით აქტიურები, ბედის ბორბალს აუცილებლად დავატრიალებთ წაღმა“, – განაცხადა მიხეილ სააკაშვილმა.
Happy
0 %
Sad
0 %
Excited
0 %
Sleepy
0 %
Angry
0 %
Surprise
0 %
Comments
0
0
