ლევან დავითაშვილი: ახმეტის მუნიციპალიტეტს მევენახეობის, მეხილეობის და მეცხოველეობის განვითარების მიმართულებით დიდი პოტენციალი გააჩნია
Read Time:38 Second
გარემოს დაცვისა და სოფლის მეურნეობის მინისტრის განცხადებით, ახმეტის მუნიციპალიტეტს დიდი პოტენციალი აქვს მევენახეობის, მეხილეობის, ასევე, მეცხოველეობის განვითარების მიმართულებებით. აღნიშნულის შესახებ მინისტრმა „ქართული ოცნების“ ახმეტის მერობის კანდიდატის, ალექსი ფიცხელაურის წარდგენაზე განაცხადა.
„ჩვენ პრემიერ-მინისტრთან ვიმსჯელეთ, რომ კონკრეტული დაპირებები გავცეთ და კონკრეტულ დაპირებებზე ვიყოთ პასუხისმგებლები. ჩვენ გვაქვს ძალიან მკაფიო განვითარების გეგმა სოფლის მეურნეობის და გარემოს დაცვის, ბუნების დაცვის მიმართულებით. ეს არის 10 წლიანი გეგმა, იმისთვის, რომ ჩვენი ქვეყნის მოსახლეობამ, თითოეულმა მოქალაქემ იცოდეს, რა არის ხელისუფლების პასუხისმგებლობა, დროის რომელ მონაკვეთში რა უნდა იყოს შესასრულებელი და რა მიზანს უნდა ვაღწევდეთ და, შესაბამისად, ჩვენ ვიყოთ ანგარიშვალდებული თითოეულ თქვენგანთან. ამისთვის ჩვენ ვართ ღია, გახსნილები. ეს გეგმები იყო წარდგენილი მოსახლეობისთვის. ჩვენ გვექნება მეტი კომუნიკაცია არჩევნების პროცესშიც. ეს არის პროცესი, რომელიც გაგრძელდება არჩევნების მერეც და ვისაუბრებთ კონკრეტულ დეტალებზე, კონკრეტულ დარგებზე, კონკრეტულ მიმართულებებზე”, – აღნიშნა ლევან დავითაშვილმა.
Happy
0 %
Sad
0 %
Excited
0 %
Sleepy
0 %
Angry
0 %
Surprise
0 %
Comments
0
0
