ევროპაში ფერმერთა საპროტესტო გამოსვლების საპასუხოდ, ევროკომისიამ კლიმატურ და გარემოსდაცვით ზომებთან დაკავშირებული შეღავათები წარადგინა
ევროპაში ფერმერთა საპროტესტო გამოსვლების საპასუხოდ, ევროკომისიამ კლიმატურ და გარემოსდაცვით ზომებთან დაკავშირებული შეღავათები წარადგინა.
ფერმერები, რომლებიც უკვე რამდენიმე თვეა, საპროტესტო აქციებს მართავენ, აცხადებენ, რომ ევროკომისიის მიერ ინიცირებული საწვავის სუბსიდიების შემცირება, ასევე გარემოსდაცვითი რეგულაციები, რომლებიც მიმართულია კლიმატურ ცვლილებებთან საბრძოლველად, მათ საქმიანობას მძიმე ტვირთად აწვება და ფინანსურად აზარალებს.
„ამ საკანონმდებლო ინიციატივების მთავარი მიზანია, კიდევ უფრო შეამსუბუქოს ადმინისტრაციული ტვირთი ევროკავშირის ფერმერებისთვის და უზრუნველყოს ისინი და წევრი სახელმწიფოები უფრო მეტი მოქნილობით გარკვეული ეკოლოგიური პირობების დაკმაყოფილებაში“, – ნათქვამია ევროკომისიის პრეზიდენტის, ურსულა ფონ დერ ლაიენის განცხადებაში.
ამავე განცხადებაში აღნიშნულია, რომ სასოფლო-სამეურნეო პოლიტიკა ადაპტირდება ცვალებად რეალობასთან.
ფერმერები, რომელთა დემონსტრაციები განსაკუთრებით მასშტაბურია საფრანგეთში, გერმანიასა და პოლონეთში, ამბობენ, რომ ევროკავშირის მიერ სხვა ქვეყნებთან გაფორმებული თავისუფალი სავაჭრო შეთანხმებები ქმნის არასამართლიან კონკურენციას საზღვარგარეთიდან შესულ პროდუქციასთან.
ევროკომისიის მიერ წარდგენილი შეთავაზების მიხედვით, შემსუბუქდება გარემოსდაცვითი რეგულაციები თესლბრუნვასთან, მიწის ნიადაგის დაცვასთან და ნიადაგის დამუშავების მეთოდებთან დაკავშირებით. მცირე ფერმერები, რომლებიც განსაკუთრებით აქტიური არიან საპროტესტო მოძრაობაში, გათავისუფლდებიან გარკვეული კონტროლის ზომებისა და ჯარიმებისგან.
როგორც მედია წერს, ევროკომისია ცდილობს, ფერმერთა მღელვარება ევროპარლამენტში არჩევნებამდე ჩააცხროს.
ევროკომისიის შეთავაზება ევროკავშირის წევრმა ქვეყნებმა უნდა დაამტკიცონ. ევროკავშირის სოფლის მეურნეობის მინისტრები წარდგენილ წინადადებას 26 მარტს, ბრიუსელში დაგეგმილ შეხვედრაზე განიხილავენ.
About Post Author
ქეთევან ნინუა
Comments
ცნობილი ტიკტოკ ვარსკვლავი მოკლეს
ბაღდადში ერაყელი TikTok-ვარსკვლავი ომ ფაჰადი მოკლეს. ამის შესახებ ადგილობრივ მედიაზე დაყრდნობით BBC იტყობინება. ერაყის შსს-ს ინფორმაციით, „სოციალურ მედიაში ცნობილი ადამიანი...
ლეკვი სასეირნოდ წაიყვანა და გაუჩინარდა… – 4 წლის წინ გაუჩინარებული ბიჭის ცხედარი სხვენში იპოვეს
2020 წლის აგვისტოდან დაკარგული ბიჭი იპოვეს იმ ბინის სხვენში, სადაც ის ბოლოს ნახეს. ამის შესახებ უცხოური მედია წერს. ორშაბათს ბუფალოს პოლიციის...
6.5 მაგნიტუდის სიძლიერის მიწისძვრა მოხდა
ახალი გვინეაში ძლიერი მიწისძვრა მოხდა. ბიძგების სიმძლავრემ 6.5 მაგნიტუდა შეადგინა. ინფორმაციას, ამერიკის შეერთებული შტატების გეოლოგიური სამსახური ავრცელებს.
G7-ის ლიდერები განცხადებას ავრცელებენ
დიდი შვიდეულის ლიდერები ირანის მიერ ისრაელზე განხორციელებულ თავდასხმასთან დაკავშირებით განცხადებას ავრცელებენ. "ისრაელისა და მისი ხალხის მიმართ სრულ მხარდაჭერას გამოვხატავთ. კიდევ...
ძალიან მძიმე ვითარება-ირანული მედია: ირანმა ისრაელის მიმართულებით ბალისტიკური რაკეტების პირველი ტალღა გაუშვა
ირანმა ისრაელის მიმართულებით ბალისტიკური რაკეტების პირველი ტალღა გაუშვა. ინფორმაციას ამის შესახებ ირანული მედია ავრცელებს. მანამდე ისრაელის თავდაცვით ძალებში დაადასტურეს, რომ ირანმა...
ბოლო ცნობები ისრაელიდან – რა ინფორმაციას ავრცელებს IDF-ი
IDF-ის განცხადებაში ნათქვამია, რომ სამხედროები თვალყურს ადევნებენ ყველა უპილოტო თვითმფრინავს, რომელიც ირანიდან ისრაელში გაუშვეს. ინფორმაციას ადგილობრივი მედია ავრცელებს. „ცოტა ხნის წინ...