დღეს ათენიდან საქართველოს მოქალაქეები სამშობლოში დაბრუნდებიან
Read Time:33 Second
უწყებათაშორისი საკოორდინაციო საბჭოს მიერ განსაზღვრული ავიარეისების ფარგლებში, დღეს ჩარტერული რეისი ათენიდან თბილისის მიმართულებით შესრულდება.
COVID-19-ის გავრცელების პირობებში დაწესებული შეზღუდვების ფონზე, ეს მესამე ჩარტერული რეისია საბერძნეთიდან. მგზავრთა შორის არიან განსაკუთრებული საჭიროებების და მძიმე ქრონიკული დაავადებების მქონე მოქალაქეები, ონკოპაციენტები, ფეხმძიმეები და მათი თანმხლები პირები, არასრულწლოვანი და ხანდაზმული ადამიანები. საელჩოს ორგანიზებით , უზრუნველყოფილი იქნება ჯანმრთელობის მძიმე მდგომარეობის მქონე პირთა სპეციალური რეანომობილით ტრანსპორტირება აეროპორტამდე.
4 მაისის მონაცემებით, საქართველოს დიპლომატიურმა წარმომადგენლობებმა ადგილზე დახმარება აღმოუჩინეს 18,646 მოქალაქეს, ხოლო სამშობლოში – მთავრობის ხელშეწყობით – ორგანიზებულად დაბრუნდა 9,486 მოქალაქე.
ახლო მომავალში, საკოორდინაციო საბჭოს მიერ განსაზღვრული ავიარეისების ფარგლებში, დაგეგმილია შემდეგი ავიარეისები: 7 მაისი – ამსტერდამი-თბილისი, 9 მაისი ბერლინი-თბილისი. ასევე, 6 მაისს საქართველოს მოქალაქეები დაბრუნდებიან იორდანიიდან და საუდის არაბეთიდან.
Happy
0 %
Sad
0 %
Excited
0 %
Sleepy
0 %
Angry
0 %
Surprise
0 %
Comments
0
0
