უნიკალური ქართული სარიტუალო გვირგვინი ხელოვნების სასახლეში
ხელოვნების სასახლეში უნიკალური ქართული სარიტუალო გვირგვინი გამოიფინება.
11 დეკემბერს, 19 საათზე, ხელოვნების სასახლში, საქართველოს განათლების, მეცნიერების, კულტურისა და სპორტის სამინისტროს მხარდაჭერით წიგნის პრეზენტაცია „ქართველთა თავსაბურავი“ გაიმართება.
600-გვერდიანი, ორენოვანი კატალოგი ფართომასშტაბიანი სამეცნიერო პროექტის ნაწილია და „ქსოვილი საქართველოდან“ გამოცემის მეორე ტომს წარმოადგენს. ენციკლოპედიური ნაშრომში შესულია როგორც ხელოვნების სასახლის, ასევე ამავე სასახლის ხალხური და გამოყენებითი ხელოვნების მუზეუმის კოლექციები, იგი 500-ზე მეტ მაღალი ხარისხის ილუსტრაციას მოიცავს და ადრეული შუა საუკუნეებიდან მე-19 საუკუნუმდე ქართველთა ჩაცმულობის ისტორიაზე გვიყვება. წიგნს ერთვის ქართული გვირგვინების, ქუდების და ქსოვლის გრაფიკული ფორმების სამი ატლასი.
პროექტის ფარგლებში წიგნის პრეზენტაციასთან ერთად გაიხსნება ქართული ისტორიული ქსოვილისა და თავსაბურავის გამოფენაც. ექსპოზიცია თინათინ კლდიაშვილისა და ეკატერინე გეგუჩაძის მიერ, ისტორიული ფრესკების მიხედვით აღდგენილ ქსოვილებსა და იმ უნიკალურ ქართულ სარიტუალო გვირგვინს გააერთიანებს, რომელსაც საქართველოს ბანკის მხარდაჭერით თავდაპირველი იერსახე დაუბრუნდა. რესტავრატორებისა და იუველირების მიერ 6 თვის მანძილზე განხორციელებული სარესტავრაციო სამუშაოების შედეგად გვირგვინს უწინდებურად ამშვენებს 48 ბრილიანტი, 1 დიდი ოქროსფერი სამეფო ტოპაზი, 7 ზურმუხტი, 48 ძოწი, 19 ჟადეიტი, 12 ფირუზი, 8 ციტრინი და 12 მთის ბროლი.
მხოლოდ ერთი დღით, ღონისძიებაზე კატალოგი „ქართველთა თავსაბურავი“ სპეციალურ ფასად გაიყიდება.
About Post Author
ქეთევან ნინუა
Comments
„ოსკარის“ 2024 წლის გამარჯვებულები დასახელდნენ
2024 წლის ამერიკის კინოაკადემიის დაჯილდოების გამარჯვებულები ცნობილია. ღონისძიების ტრიუმფატორი კრისტოფერ ნოლანის „ოპენჰაიმერი“ გახდა, რომელმაც 7 ჯილდო, მათ შორის საუკეთესო ფილმის,...
ანსამბლი „ერისიონი” სამწუხარო ინფორმაციას ავრცელებს
„გარდაიცვალა „ერისიონის“ ყოფილი მსახიობ-მომღერალი ჯემალ მუსერიძე. სამწუხარო ინფორმაცია ანსამბლის ოფიციალურ გვერდზე გამოქვეყნდა. „გარდაიცვალა „ერისიონის“ ყოფილი მსახიობ-მომღერალი ბატონი ჯემალ მუსერიძე, რომელიც...
„დღეგრძელობა ლეგენდას“ – ელდარ შენგელაია იუბილარია: ლეგენდარულ რეჟისორს დაბადების დღეს შვილიშვილი ულოცავს
ელდარ შენგელაია იუბილარია. ცნობილ რეჟისორს იუბილეს შვილიშვილი, ნატალია ჯუღელი, სოციალურ ქსელში ულოცავს და ბაბუის ბავშვობის ფოტოს გვიზიარებს. ელდარ შენგელაია 1933...
დათო მაღრაძე: ნიკა წულუკიძის სპექტაკლი – „ქართული თეატრის ამბავი“ არის ჩვენი გადარჩენის ამბავი. ამ სპექტაკლით მკაფიოდ გამოჩნდა, რომ ქართული საზოგადოება გადარჩა
ერთსაათიანი ტელევერსიით მოწოდებული ნიკა წულუკიძის სპექტაკლი - „ქართული თეატრის ამბავი“ არის ჩვენი გადარჩენის ამბავი, - აცხადებს დათო მაღრაძე. „თქვენს წინაშეა...
გოგა პიპინაშვილი საქართველოს თეატრალურმა საზოგადოებამ ნომინაციაში „მამაკაცის საუკეთესო როლი“ დააჯილდოვა
2024 წლის 14 იანვარს, საქართველოს თეატრალურმა საზოგადოებამ ქართული თეატრის დღე მწერალთა სახლში აღნიშნა. შეკრებილი საზოგადოების მსჯელობის მთავარ საგანს წარმოადგენდა ჟურნალი...
ელისო ბოლქვაძის მხარდაჭერით, ქართველი პიანისტები ბუდაპეშტის საკონცერტო სეზონებში მიიღებენ მონაწილეობას
კულტურის კომიტეტის თავმჯდომარე ელისო ბოლქვაძე, 2023 წლის მარტში, ბუდაპეშტში ვიზიტის ფარგლებში უნგრეთის ცნობილი საკონცერტო ორგანიზაციის-უნგრეთის ფილარმონიის დირექტორატს შეხვდა. მხარეებს შორის...