ჟინვალის წყალსაცავში წყლის შემცირების გამო მოსახლეობას გრაფიკი დაუწესდა
Read Time:31 Second
ჟინვალის წყალსაცავში წყლის დონის მკვეთრი ვარდნის გამო, დუშეთის მოსახლეობას სასმელი წყალი ორ დღეში ერთხელ მიეწოდება, საღამოს 18:00-დან 24:00 საათამდე. სასმელი წყალი გრაფიკით მიეწოდება ჟინვალის მოსახლეობასაც, ყოველდღე 18:00-დან 24:00 საათამდე. ამის შესახებ Reginfo წერს.
დუშეთის მუნიციპალიტეტის მერიის ინფორმაციით, დანარჩენ დღეებში დუშეთის უბნებში, სკოლამდელი აღზრდის ცენტრებსა და სკოლებში, მოსახლეობას სასმელ წყალს წყალმზიდი მანქანები მიაწვდიან.
საქართველოს გაერთიანებული წყალმომარაგების კომპანიის განმარტებით, ჟინვალის წყალსაცავში წყლის დონის მკვეთრი ვარდნის გამო, იმდენად შემცირდა ჟინვალის სატუმბ სადგურში ფილტრატი წყლის შემოდინება, რომ შეუძლებელი გახდა სატუმბ სადგურში არსებული ტუმბო – აგრეგატების მუშაობა ჩვეულ რეჟიმში.
მოსახლეობის 2014 წლის აღწერის მონაცემებით, ქალაქ დუშეთში 6000-ზე მეტი ადამიანი ცხოვრობს, დაბა ჟინვალში კი 1800.
Happy
0 %
Sad
0 %
Excited
0 %
Sleepy
0 %
Angry
0 %
Surprise
0 %
Comments
0
0