ნათია თურნავა ხუდონჰესზე: ვიზრუნებთ იმაზე, რომ აქტივები და პროექტი სახელმწიფოს დაუბრუნდეს
„ბოლოდროინდელმა მოვლენებმა დაგვანახა, რომ მსგავსი ტიპის პროექტების განხორციელებაში, სახელმწიფომ მეტი მონაწილეობა უნდა მიიღოს და თუ არა ერთადერთი მფლობელი, პარტნიორი მაინც უნდა გახდეს“, – აღნიშნა ეკონომიკისა და მდგრადი განვითარების მინისტრმა, ნათია თურნავამ მთავრობის ადმინისტრაციაში გამართულ ბრიფინგზე, ხუდონჰესის პროექტის შესახებ დასმული კითხვის პასუხად.
უწყების ხელმძღვანელის თქმით, საერთაშორისო კონსულტანტის დახმარებით, მთავრობა იზრუნებს იმაზე, რომ აქტივები და პროექტი სახელმწიფოს დაუბრუნდეს.
„2011 წელს, შეთანხმება დაიდო ინდურ კომპანია „ტრანს-ელექტრიკასთან“, ხუდონჰესის განვითარებასთან დაკავშირებით. ვხედავთ, რომ 10 წელი გავიდა და ობიექტური თუ სუბიექტური მიზეზების გამო, ეს პროექტი ვერ განხორციელდა. რა თქმა უნდა, აქ არაა მხოლოდ ერთი მიზეზი – კომპანიის მხრიდან. აქაა სხვადასხვა მიზეზის ნაკრები. მათ შორისაა პროექტის სირთულე. აქედან გამომდინარე, ერთი წლის წინ, გადავწყვიტეთ, რომ საერთაშორისო კონსულტანტის დახმარებით, მოველაპარაკოთ, შევუთანხმდეთ ინდოელ ინვესტორს, რომ თანდათან, მოვშალოთ ჩვენ შორის დადებული შეთანხმება. აქ რომ მხოლოდ მათი ბრალეულობა იყოს, ალბათ, ხისტად წავიდოდით ამ კონტრაქტის მოსაშლელად. ობიექტური და სუბიექტური მიზეზები ორივე მხარესაა. მათ შორისაა მოსახლეობის თემა, პროექტის სწორი სტრუქტურირება და ა.შ. ამიტომ, ორივე მხარემ მივიღეთ გადაწყვეტილება, რომ ურთიერთშეთანხმებით მოხდეს პროექტისა და მათთვის გადაცემული აქტივების სახელმწიფოსთვის დაბრუნება. ინვესტორს ინტერესი აღარ აქვს, რადგან, 10 წლის განმავლობაში, მან პროექტი ვერ განახორციელა. აქ სხვა მიდგომა იქნება საჭირო. პირველ ეტაპზე, კონსულტანტების დახმარებით, ვიზრუნებთ იმაზე, რომ აქტივები და პროექტი სახელმწიფოს დაუბრუნდეს. შემდეგ, ვიმსჯელებთ იმაზე, თუ რა სტრუქტურითაა უკეთესი ამ ძალიან დიდი, სტრატეგიული პროექტის განხორციელება. ბოლოდროინდელმა მოვლენებმა დაგვანახა, რომ მსგავსი ტიპის პროექტების განხორციელებაში, სახელმწიფომ მეტი მონაწილეობა უნდა მიიღოს და თუ არა ერთადერთი მფლობელი, პარტნიორი მაინც უნდა გახდეს“, – აღნიშნა ნათია თურნავამ.
About Post Author
ქეთევან ნინუა
Comments
მთელი ცხოვრება უარყოფდნენ, მაგ ადგილზე 100 ათასი კაცი როგორ დაეტეოდაო, გუშინ კი იგივე ადამიანები ამბობდნენ, იმ პატარა მონაკვეთში 300 ათასი კაცი ეტევაო – მამა შალვა კეკელია
"ჩემთვის ვფიქრობდი, რამდენი თეორია მოგვისმენია 100 ათას მოწამესთან დაკავშირებით რომ თურმე იმ ადგილზე 100 ათასი კაცი ვერ დაეტევა, ასე ამბობდნენ...
მე-8 მოწვევის პარლამენტის წევრი ნოდარ ებანოიძე გარდაიცვალა
66 წლის ასაკში ნოდარ ებანოიძე გარდაიცვალა. ნოდარ ებანოიძე 2012-2016 წლებში იყო საქართველოს მე-8 მოწვევის პარლამენტის წევრი (ხარაგაულის მაჟორიტარი), საარჩევნო ბლოკიდან...
აქციის მონაწილეებმა ქაშუეთის ეკლესიაში გადაინაცვლეს
აქციის მონაწილეების ნაწილმა ქაშუეთის ეკლესიაში გადაინაცვლა, სადაც სანთლები დაანთო. აქციის მონაწილეების ნაწილი კი პარლამენტის მიმდებარე ტერიტორიაზე რჩება. აქციის მონაწილეებმა შეკრება...
მეუფე შიო: დღეს ვფიქრობთ, რა შეიძლება ჩვენ, ცოდვილებმა, მივაგოთ ამ უსაზღვრო სიყვარულისა და საშინელი მსხვერპლისთვის – პასუხს გვცემს უფალი იესო ქრისტე “თუ მე გიყვარვართ, დაიცავით ჩემი მცნებები”
"მიზეზი იესო ქრისტეს საშინელი სიკვდილისა იყო მამაზეციერის უსაზღვრო სიყვარული კაცთა მოდგმისადმი, რათა დაღუპული კაცობრიობა გადარჩენილიყო ძე ღმერთის რწმენით და მიეღო...
GEN Z ირჩევს ევროპულ მომავალს – გმირთა მოედნის მიმდებარე ტერიტორიაზე მოძრაობა პარალიზებული
უკვე 4 საათზე მეტია საპროტესტო აქციის მონაწილეებმა გმირთა მოედნისა და მიმდებარე ტერიტორიის საავტომობილო მოძრაობის პარალიზება მოახდინეს. რამდენიმე საათის წინ, აქციის...
შოთა ხაბარელი ბუდუ ზივზივაძეს: “სანამ რამეს დაწერ, ან ცოტა დაფიქრდი, ან შენ წინამორბედებს ჰკითხე ბოლო – ბოლო და აგიხსნიან სინამდვილეში რა ბრძოლა მიდის ახლა”
მოგმართავ როგორც ფეხბურთელს, სპორტსმენს და ადამიანს, რომელმაც ამით გაითქვი სახელი და სულ არ იცის არავინ, რა დონეზე ერკვევი პოლიტიკაში და...