ლევან კობიაშვილი ვილი სანიოლზე: მოხარულები ვართ, რომ მასთან შეთანხმება მოვახერხეთ
Read Time:36 Second
საქართველოს ფეხბურთის ფედერაციის პრეზიდენტი, ლევან კობიაშვილი საქართველოს ნაკრების მწვრთნელად ვილი სანიოლის დანიშვნას დადებითად აფასებს და მის წარმატებულ კარიერაზე ამახვილებს ყურადღებას.
„მოხარულები ვართ, რომ მასთან შეთანხმება მოვახერხეთ. როგორც ფეხბურთელი, ერთ-ერთი წარმატებული იყო. ფეხბურთის თამაშის შემდეგ, მის კარიერასაც თუ გადავხედავთ, საკმაოდ წარმატებულად მუშაობდა: თავის დროზე, საფრანგეთის 21 წლამდე ფეხბურთელების მწვრთნელი იყო, „ბორდოს“ მთავრი მწვრთნელი, ასევე – მიუნხენის ბაიერნში კარლო ანჩელოტის თანაშემწე… მას საკმაო გამოცდილება გააჩნია. მიხარია, რომ თავადაც ფიქრობს, რომ ეს მისთვის წინგადადგმული, წარმატებული ნაბიჯია. ჩვენც და მასაც ეს გადაწყვეტილება ძალიან გვიხარია“ – აღნიშნა ლევან კობიაშვილმა.
საქართველოს ეროვნულ საფეხბურთო ნაკრებს, ფრანგი სპეციალისტი – ვილი სანიოლი უხელმძღვანელებს. 43 წლის ვილი სანიოლი საქართველოს ფეხბურთის ფედერაციის აღმასრულებელმა კომიტეტმა ეროვნული ნაკრების მთავარი მწვრთნელის პოსტზე 15 თებერვალს დაამტკიცა. ვილი სანიოლის დებიუტი საქართველოს ეროვნულ ნაკრებში 2021 წლის 25 მარტს შედგება.
Happy
0 %
Sad
0 %
Excited
0 %
Sleepy
0 %
Angry
0 %
Surprise
0 %
Comments
0
0
