კახა კალაძე: ჩემი დაპირებაა, არც ერთი უსახლ-კარო თბილისელი არ გვეყოლება ქალაქში
Read Time:52 Second
ძალიან მაგარი პროგრამა გვაქვს უსახლ-კარო თბილისელებისთვის, 400 ოჯახი გვყავს ამ სტატუსის მქონე თბილისელი. ვპირდები ამ ოჯახებს, რომ მომდევნო წლიდან დავიწყებთ ბინების გადაცემას და მათ ექნებათ თავიანთი საცხოვრებელი, – ამის შესახებ პარტია „ქართული ოცნების“ თბილისის მერობის კანდიდატმა, კახა კალაძემ გადაცემაში „იმედი LIVE“ განაცხადა.
მისი თქმით, არც ერთი უსახლ-კარო თბილისელი არ ეყოლება დედაქალაქს.
„სრული პასუხისმგებლობით ვაცხადებ, ბოლო 4 წლის განმავლობაში 2 მილიონამდე მოთხოვნა დავაკმაყოფილეთ თბილისელებისა სხვადასხვა დახმარებაზე. 8 ახალი ჯანდაცვის პროგრამა დავამატეთ. მათ შორის, სოციალურად შეჭირვებული ოჯახებისთვის ყველაზე ძვირიანი გამოკვლევების უფასოდ ჩატარება, არაფრის გადახდა არ მოუწევთ ამ ადამიანებს, ყველა ხარჯს საკუთარ თავზე მუნიციპალიტეტი იღებს. ძალიან მაგარი პროგრამა გვაქვს ასევე უსახლ-კარო თბილისელებისთვის, 400 ოჯახი გვყავს ამ სტატუსის მქონე თბილისელი. ვპირდები ამ ოჯახებს, რომ მომდევნო წლიდან დავიწყებთ ბინების გადაცემას და ამ ოჯახებს ექნებათ თავიანთი საცხოვრებელი. ჩემი დაპირებაა, არც ერთი უსახლ-კარო თბილისელი არ გვეყოლება ქალაქში. გარდა ამისა ჩვენ გვაქვს ძალიან ბევრი მნიშვნელოვანი პროექტი ჯანდაცვის მიმართულებით. ჯანდაცვა ერთადერთი მიმართულება იყო პანდემიის პერიოდში, რასაც ბიუჯეტიდან ერთი თეთრი არ მოაკლდა. მაშინ როდესაც ბევრი მასშტაბური პროექტის განხორციელება გვქონდა დაანონსებული, თანხებიც გამოყოფილი იყო, თუმცა მოგვიწია მათი დროებით შეჩერება“, – განაცხადა კახა კალაძემ.
Happy
0 %
Sad
0 %
Excited
0 %
Sleepy
0 %
Angry
0 %
Surprise
0 %
Comments
0
0
