იუსტიციის მინისტრმა რატი ბრეგაძემ კურატორ მოადგილეებთან ერთად, იუსტიციის სახლის თანამშრომლებს ახალი წლის დადგომა მიულოცა
Read Time:45 Second
საქართველოს იუსტიციის მინისტრმა, რატი ბრეგაძემ, კურატორ მოადგილეებთან ერთად, იუსტიციის სახლის თანამშრომლებს ახალი წლის დადგომა მიულოცა. ინფორმაციას იუსტიციის სამინისტროს პრესსამსახური ავრცელებს.
უწყებაში აღნიშნავენ, რომ იუსტიციის სახლი 3-6 იანვრის უქმეებზე ჩვეულ რეჟიმში იმუშავებს. გარდა ამისა, 3 იანვრიდან 88 საზოგადოებრივი ცენტრი ფუნქციონირებას იუსტიციის სახლის ბრენდის ქვეშ გააგრძელებს.
იუსტიციის სამინისტროს ინფორმაციით, ცვლილების ფარგლებში, მოქალაქეებისთვის განკუთვნილი სერვისები ყველა ლოკაციაზე გათანაბრდა. კერძოდ, ყოფილ საზოგადოებრივ ცენტრებში იუსტიციის სახლში არსებული ყველა სერვისი დაინერგა და განახლდა ინფრასტრუქტურა.
„იმ სოფლებისა და ქალაქების მოსახლეობას თუ სტუმრებს, სადაც საზოგადოებრივი ცენტრები ფუნქციონირებდა, უკვე აქვთ შესაძლებლობა, თითქმის გაორმაგებული რაოდენობის სახელმწიფო სერვისები იუსტიციის სახლის ჩვეული მაღალი სტანდარტით მიიღონ.
2023 წლიდან იუსტიციის სახლის ფილიალების რიცხვი საქართველოს მასშტაბით 117 შეადგენს, ხოლო სერვისების რაოდენობა – 470-ზე მეტს.
3-6 იანვარს მომხმარებლისათვის ხელმისაწვდომი იქნება იუსტიციის სახლის ყველა სერვისი.
გამონაკლისს წარმოადგენს შინაგან საქმეთა სამინისტროს – სსიპ მომსახურების სააგენტოს სერვისები. კერძოდ, 3 -6 იანვარს გასაცემი დოკუმენტები მომხმარებლისთვის 9 იანვრიდან იქნება ხელმისაწვდომი.
იუსტიციის სამინისტრო გილოცავთ ახალ წელს“, – ნათქვამია იუსტიციის სამინისტროს ინფორმაციაში.
Happy
0 %
Sad
0 %
Excited
0 %
Sleepy
0 %
Angry
0 %
Surprise
0 %
Comments
0
0
