თენგიზ ცერცვაძე: კლინიკებში სამედიცინო დახმარების გაწევაზე მონიტორინგი მიმდინარეობს, პაციენტების მართვა მაღალ დონეზეა
Read Time:35 Second
ინფექციური საავადმყოფოს გენერალური დირექტორი თენგიზ ცერცვაძე აცხადებს, რომ კლინიკებში პაციენტების სამედიცინო მომსახურებასთან დაკავშირებით მონიტორინგი მიმდინარეობს. მისივე თქმით, კლინიკებში პაციენტების მართვა მაღალ დონეზეა.
„ამისთვის არსებობს ანალიტიკური სამსახური და მონიტორინგის სამსახური, რომელიც ახორციელებს მონიტორინგს, თუ როგორ მიეწოდებათ სამედიცინო დახმარება კლინიკებში, ასევე ბინაზე მყოფებსაც. კოვიდკლინიკებში ექიმები მუშაობენ, რომლებიც წელიწადზე მეტია, მოწინავე პოზიციებზე დგანან და მაქსიმუმს აკეთებენ. ბინაზე დარჩენილი პაციენტების მართვა კი, მე თუ მკითხავთ, ძალიან რთულია, დიდი დატვირთვა აწევთ ოჯახის ექიმებს. საქართველოში ბოლო დრომდე ოჯახის ექიმის ინსტიტუტი არ იყო ძალიან ძლიერი, ამიტომ ყველა ძალისხმევა გავატარეთ, რომ ბინაზე დარჩენილების მართვა გაუმჯობესებულიყო. კლინიკებში პაციენტების მართვა მაღალ დონეზე მიმდინარეობს. ჩვენთან კითხვის ნიშნები არ დგას, თუ როგორი ხარისხით მკურნალობენ პაციენტებს. კლინიკებში მკურნალობა საერთაშორისო სტანდარტების დონეზეა. გარდაცვლილების რიცხვი მაღალია, რადგან ინფიცირებულების რიცხვი იზრდება“, – განაცხადა თენგიზ ცერცვაძემ.
Happy
0 %
Sad
0 %
Excited
0 %
Sleepy
0 %
Angry
0 %
Surprise
0 %
Comments
0
0
