აშშ-ის NCDC მოქალაქეებს ქათმების კოცნისგან თავის შეკავებას ურჩევს
Read Time:33 Second
ამერიკის შეერთებული შტატების დაავადებათა კონტროლისა და პრევენციის ცენტრი მოქალაქეებს მოუწოდებს, არ აკოცონ ქათმებს. მიზეზი სალმონელას ინფექციის ფართო გავრცელება, – ამის შესახებ BBC წერს.
ცენტრი ინფექციის გავრცელებას ამ დრომდე, მას შემდეგ იკვლევს, რაც აშშ-ის 43 შტატში 163 ადამიანის ორგანიზმში აღმოჩნდა სალმონელა. ყველა შემთხვევა ფრინველთან კონტაქტს უკავშირდება.
სპეციალისტები მოსახლეობას აფრთხილებენ, რომ იმ შემთხვევაშიც კი, როცა ქათამი ან იხვი ჯანმრთელად გამოიყურება, შესაძლოა, ბაქტერიის მატარებელი იყოს და დაავადება ადამიანს გადასცეს.
ინფექციამ შეიძლება გამოიწვიოს ცხელება, დიარეა, კუჭის ტკივილი და ღებინება. ადამიანების უმეტესობა მარტივად ამარცხებს მას, მაგრამ მძიმე შემთხვევებმა, შეიძლება, სიკვდილი გამოიწვიოს. სალმონელას ბაქტერია ნორმალურ პირობებში, ძირითადად, ცხოვრობს ცხოველებისა და ადამიანების ნაწლავებში, საიდანაც იგი ფეკალიებთან ერთად გამოდის. უმეტეს შემთხვევაში, ადამიანები ინფიცირდებიან, ძირითადად, დაბინძურებული წყლის ან საკვების მიღებით.
Happy
0 %
Sad
0 %
Excited
0 %
Sleepy
0 %
Angry
0 %
Surprise
0 %
Comments
0
0
