ამერიკელი ქალი 2 წელი უვლიდა ყვავილს, რომელიც ხელოვნური აღმოჩნდა
Read Time:35 Second
ამერიკელი ქალი ხელოვნურ მცენარეს 2 წლის განმავლობაში რწყავდა. ამის შესახებ Vice-ი წერს.
გამოცემის ინფორმაციით, კალიფორნიის მკვიდრ კეილი უილკს მცენარე ეხევერია – იგივე ქვის ვარდი, ქოთნით აჩუქეს. ის მას გულმოდგინედ უვლიდა: ფანჯრის რაფაზე ედგა და განრიგის მიხედვით რწყავდა. ქალი მცენარეზე ზრუნვის უფლებას არავის აძლევდა და მისი სილამაზით ამაყობდა.
2 წლის შემდეგ კი უილკსმა ეხევერიის გადარგვა გადაწყვიტა და აღმოაჩინა, რომ მიწის თხელი ფენის ქოთანში პენოპლასტი იდო, მცენარე კი ხელოვნური იყო. უილკსმა ამის შესახებ Facebook-ზე დაწერა, ისტორია კი ამერიკულმა გამოცემებმა აიტაცეს.
„თავს ისე ვგრძნობ, თითქოს ორი წელი სიცრუეში ვცხოვრობდი“, – განაცხადა ქალმა.
პუბლიკაციების შემდეგ მას ათობით ცოცხალი მცენარე აჩუქეს, მაგრამ ამის მიუხედავად უილკისი ეხევერიას მორწყვის შეწყვეტას არ აპირებს. „ამ მცენარეს 2 წელი ვუვლიდი, ახლა რატომ უნდა გავჩერდე?“, – ამბობს ქალი.
Happy
0 %
Sad
0 %
Excited
0 %
Sleepy
0 %
Angry
0 %
Surprise
0 %
Comments
0
0
