ექსპერტიზის დასკვნის მიღების შემდეგ, ბათუმში, 26 მაისის ქუჩაზე ჩამონგრეული კორპუსის მომიჯნავე სახლიდან მცხოვრებლები სასტუმროებში გადაჰყავთ
ბათუმში, 26 მაისის ქუჩაზე ჩამონგრეული კორპუსის მომიჯნავე საცხოვრებელი სახლიდან, რომელიც მემედ აბაშიძის #56-ში მდებარეობს, მოსახლეობის ევაკუაცია დაიწყეს.
სახლის მცხოვრებლები, სასტუმროებში გადაჰყავთ იმის გამო, რომ ექსპერტების დასკვნით, სახლი საცხოვრებლად უსაფრთხო არ არის. ექსპერტიზის დასკვნის შესახებ მცხოვრებლებმა დღეს საღამოს გაიგეს, რის შემდეგაც ისინი ტერიტორიას ტოვებენ.
სახლი ხუთი სადარბაზოსგან შედგება, მეხუთე სადარბაზო, რომელიც უშუალოდ ესაზღვრებოდა დანგრეულ სახლს, რამდენიმე დღეა თავისუფალია, დანარჩენი სადარბაზოებიდან კი მოსახლეობამ გასვლა დღეს საღამოს დაიწყო.
სახლის ამხანაგობის ხელმძღვანელი ქეთევან პაპავას ამბობს, რომ ხილული დაზიანებები მათ კორპუსში არ შეუნიშნავთ.
„სახლის ხილული დაზიანება ჩვენ არ შეგვიმჩნევია, თუმცა მერიის წარმომადგენლებმა გვაცნობეს ექსპერტიზის დასკვნის შესახებ, ამიტომ, ყველა მოსახლე გავაფრთხილეთ, რომ დატოვონ შენობა. თითოეულ სადარბაზოში დაახლოებით 10-14 ოჯახი ცხოვრობს და ისინი გადადიან სასტუმროებში, საკმაოდ კარგ პირობებში“, – განაცხადა ქეთევან პაპავამ.
როგორც ამხანაგობის ხელმღვანელი ამბობს, საუბარია სახლის გამაგრებაზე და ორშაბათს გადაწყდება, რა ფორმით მოხდება მისი გამაგრება.
ამასთან, ბათუმის მერის მოვალეობის შემსრულებელი ლელა სურმანიძე, რომელიც ამავე კორპუსში ცხოვრობს, აცხადებს, რომ ჩამონგრეული სახლის მომიჯნავე კორპუსიდან ოჯახების ევაკუაცია პრევენციის მიზნით განხორციელდა.
„ექსპერტიზის სრულ დასკვნას ჯერ არ ვიცნობთ, მხოლოდ იყო სპეციალისტებისგან მოთხოვნა, რომ მომხდარიყო პრევენციის მიზნით აქ მცხოვრებლების ევაკუაცია, მოგეხსენებათ, დღეს ჩაუტარდა ექსპერტიზა დანგრეული კორპუსის მომიჯნავე ორივე სახლს. ერთს არ აქვს პრობლემა, მეორედან ევაკუაცია კი, პირველ სართულზე მიმდინარე სარემონტო სამუშაოების გამო განხორციელდა. მუნიციპალურმა ინსპექციამ აღმოაჩინა ნებადართული პროექტის დარღვევის ფაქტი. ამ კორპუსში 50-მდე ოჯახი ცხოვრობს. მათი ნაწილისთვის ეს არ არის მუდმივი საცხოვრებელი და არ იმყოფებიან აქ, დანარჩენი ყველა ოჯახი გადავა სასტუმროში. მე პირადად გადავდივარ ძმასთან“, – განაცხადა ლელა სურმანიძემ.
ექსპერტიზის დასკვნის დეტალები უცნობია, თუმცა სავარაუდოდ, მოხდება ხარვეზის გამოსწორება და კორპუსის გამაგრება.
About Post Author
ქეთევან ნინუა
Comments
საპატრიარქო განცხადებას ავრცელებს
საქართველოს საპატრიარქო რუსთაველის გამზირზე მიმდინარე აქციებთან დაკავშირებით, სადაც „უცხოური გავლენის გამჭვირვალობის შესახებ“ კანონს აპროტესტებენ, განცხადებას ავრცელებს. „გულისტკივილით ვადევნებთ თვალს იესო...
საქართველოს ტექნიკურ უნივერსიტეტში „საგანმანათლებლო STEM პროექტების კონკურსში“ გამარჯვებული სასკოლო გუნდები გამოავლინეს
საქართველოს ტექნიკურ უნივერსიტეტში STEM ინოვატორთა ასოციაციის და საქართველოს ტექნიკური უნივერსიტეტის ინფორმატიკისა და მართვის სისტემების ფაკულტეტის ერთობლივი პროექტის - „საგანმანათლებლო STEM პროექტების...
საქართველოს ტექნიკური უნივერსიტეტის სახალხო თეატრ-სტუდიამ სტუდენტური და ახალგაზრდული თეატრების მსოფლიო ფესტივალზე ორი გრანპრი მოიპოვა
საქართველოს ტექნიკური უნივერსიტეტის სახალხო თეატრ-სტუდიამ- „მოდინახე“, სტუდენტური და ახალგაზრდული თეატრების მსოფლიო ფესტივალზე მთავარი ჯილდო და ასევე, ტურისტული სააგენტოების დაწესებული გრანპრი მოიპოვა....
საქართველოს ტექნიკური უნივერსიტეტის მკვლევარი DAAD-ს საგრანტო კონკურსის გამარჯვებულია
საქართველოს ტექნიკური უნივერსიტეტის ინფორმატიკისა და მართვის სიტემების ფაკულტეტის დეკანის მოადგილე, პროფესორი ლილი პეტრიაშვილი გერმანიის საერთაშორისო აკადემიური გაცვლის სამსახურის (DAAD) საგრანტო...
ფილარმონიიდან პარლამენტის მიმართულებით „ქართული ოცნების“ ახალგაზრდული ორგანიზაციის მსვლელობა დაიწყო [ფოტო]
ფილარმონიიდან პარლამენტის მიმართულებით „ქართული ოცნების“ ახალგაზრდული ორგანიზაციის მსვლელობა დაიწყო. მსვლელობის მონაწილეებს გამოტანილი აქვთ პლაკატი წარწერით: „ღირსებით ევროპისკენ“. ახალგაზრდული ორგანიზაციის წარმომადგენლებთან...
საქართველოს ტექნიკური უნივერსიტეტი, პროფესორ იოსებ სარჯველაძის გარდაცვალების გამო, მწუხარებას გამოთქვამს
საქართველოს ტექნიკური უნივერსიტეტის რექტორი, აკადემიკოსი დავით გურგენიძე, საუნივერსიტეტო საზოგადოების სახელით, მწუხარებას გამოთქვამს აკადემიური საბჭოს წევრის, აგრარული მეცნიერებებისა და ბიოსისტემების ინჟინერინგის...