კახა კალაძე: ბოლო ერთი წლის განმავლობაში დედაქალაქის მასშტაბით სხვადასხვა სახეობის 51 871 მწვანე ნარგავი დაირგო

საქართველოს ნაკრებმა ივნისის სანაკრებო შეკრებაზე პირველი შეხვედრა ფარერის კუნძულების ეროვნულ ნაკრებთან გამართა და მეტოქე 1:0 დაამარცხა.ფაქტებისაქართველოს ნაკრებისთვის ეს ფარერებთან გამართული მესამე მატჩი იყო – ჩვენმა გუნდმა სამივე მოიგო. ფარერების კარში მეათე გოლი ლუკა ლოჩოშვილის ანგარიშზეა. საქართველოს ნაკრებში 79-ე მატჩი გამართა მეკარე გიორგი ლორიამ. მან ამ შეხვედრით სანაკრებო კარიერა დაასრულა. ფარერებთან მატჩში საქართველოს ნაკრებში დებიუტი ჰქონდათ ახალგაზრდებს: ნიკა გაგნიძეს, საბა ხარებაშვილსა და დავით კერესელიძეს. ეს „დინამო არენაზე“ საქართველოს ნაკრების მე-80 მატჩი იყო.მატჩის დასაწყისში სფფ-ის ვიცე-პრეზიდენტმა, ალექსანდრე იაშვილმა  გუნდის მეკარეს, გიორგი ლორიას, რომელმაც სანაკრებო კარიერა დაასრულა, საგანგებო ჯილდო გადასცა.შეხვედრა „ჯვაროსნების“ უპირატესობით დაიწყო. პირველი მომენტი საბა ლობჟანიძეს ჰქონდა, მაგრამ მეკარეს ვერ აჯობა. მე-9 წუთზე გიორგი გულიაშვილის მოწოდებული კუთხურის შემდეგ, ლუკა ლოჩოშვილმა მცველს დაასწრო და თავური დარტყმით ანგარიში გახსნა – 1:0.საქართველოს ნაკრებს კიდევ რამდენიმე შანსი ჰქონდა, მაგრამ ჩვენმა შემტევმა ფეხბურთელებმა მომენტებით ვერ ისარგებლეს.36-ე წუთზე დასარტყმელ პოზიციაზე პოულ კალსბერგი აღმოჩნდა, მაგრამ გიორგი ლორიამ საიმედოდ ითამაშა.სტუმრებმა კიდევ ერთი მომენტი 50-ე წუთზე შექმნეს, მაგრამ დანიელ იოჰანსენის დარტყმული ბურთი გიორგი ლორიამ მოიგერია.მე-80 წუთზე ვილი სანიოლმა მოედანზე საბა ხარებაშვილი შეუშვა, რომელიც ყველაზე ახალგაზრდა ფეხბურთელი გახდა, ვისაც საქართველოს ნაკრებში უთამაშია – 16 წლის, 9 თვისა და 2 დღის.მატჩის ბოლო წუთები უფრო აქტიურად ფარერის კუნძულების ნაკრებმა ჩაატარა, მაგრამ მეტი გოლი აღარ გასულა და საბოლოოდ საქართველოს ნაკრებმა 1:0 მოიგო.საქართველოს ნაკრები შემდეგ შეხვედრას 8 ივნისს გამართავს – ვილი სანიოლის გუნდი ქუთაისში, რამაზ შენგელიას სახელობის სტადიონზე კაბო ვერდეს დაუპირისპირდება.

აშშ-ის პრეზიდენტი დონალდ ტრამპი აცხადებს, რომ ძალიან გაკვირვებული და იმედგაცრუებულია საბიუჯეტო კანონპროექტის შესახებ ილონ მასკის კომენტარებით. ამის შესახებ დონალდ ტრამპმა თეთრ სახლში გერმანიის კანცლერ ფრიდრიხ მერცთან ერთად რეპორტიორებთან საუბრისას განაცხადა.„ილონს და მე გვქონდა შესანიშნავი ურთიერთობა. არ ვიცი, გვექნება თუ არა კიდევ“, – აღნიშნა აშშ-ის პრეზიდენტმა.ტრამპის განმარტებით, ილონ მასკს კანონპროექტთან დაკავშირებით პრობლემა მაშინ გაუჩნდა, როდესაც გაიგო, რომ ხელისუფლება ელექტრომობილების მანდატის შემცირებას გეგმავდა.„მე ძალიან იმედგაცრუებული ვარ, რადგან ილონმა ამ კანონპროექტის შიდა სამუშაო აქ მყოფთაგან უკეთესად იცოდა. თქვენზე უკეთ. მან მის შესახებ ყველაფერი იცოდა. მასთან დაკავშირებით არანაირი პრობლემა არ ჰქონია. მას მოულოდნელად პრობლემა გაუჩნდა, როდესაც აღმოაჩინა, რომ ჩვენ ვაპირებთ ელექტრომობილების მანდატის შემცირებას, რადგან ეს მილიარდობით დოლარია და ეს ნამდვილად უსამართლოა. ჩვენ გვინდა, რომ გვქონდეს ყველა სახის მანქანა, ელეტრომანქანები, თუმცა გვინდა, რომ გვქონდეს ბენზინის ძრავებიც და სხვაც. გვინდა, რომ გვქონდეს ჰიბრიდული მანქანები. ჩვენ გვსურს, რომ ყველაფრის გაყიდვა შეგვეძლოს. და როდესაც კონგრესმა ამის შეკვეცა მოისურვა, ის ცოტა განსხვავებული გახდა და მე შემიძლია, გავიგო ეს, თუმცა მან იცოდა ამ კანონპროექტის ყველა ასპექტი. მან ის თითქმის ყველაზე უკეთ უცოდა და ამასთან არასდროს ჰქონია პრობლემა, ვიდრე არ წავიდა და თუ ნახეთ, განცხადებები, რომლებიც მან ჩემზე გააკეთა, რომლებსაც დარწმუნებული ვარ, ძალიან ადვილად მოიპოვებთ, ისინი სულ ახალია. მან თქვა კარგი რაღაცები ჩემზე. პირადად ჩემზე მას ცუდი არაფერი უთქვამს, მაგრამ დარწმუნებული ვარ, რომ ეს შემდეგ იქნება. თუმცა, მე ძალიან იმედგაცრუებული ვარ ილონით. მე ილონს ბევრით დავეხმარე“, – თქვა ტრამპმა.საპასუხოდ, ილონ მასკმა ამ განცხადებას სიცრუე უწოდა და აღნიშნა, რომ მისთვის კანონპროექტი არასდროს უჩვენებიათ. მასკის შეფასებით, კანონპროექტი ხარჯების ფლანგვას გულისმხობს.„ცივილიზაციის მთელი ისტორიის განმავლობაში არასდროს ყოფილა კანონმდებლობა, რომელიც დიდიცაა და მშვენიერიც. ყველამ იცის ეს! შენ იღებ ან დიდ და უშნო კანონპროექტს ან თხელს და მშვენიერს“, – დაწერა მასკმა სოციალურ ქსელ X-ში კანონპროექტზე, რომელსაც ტრამპმა „დიდი და მშვენიერი“ უწოდა.ილონ მასკმა აშშ-ის მთავრობის ეფექტიანობის დეპარტამენტის ხელმძღვანელის პოზიცია გასულ კვირას დატოვა. აღნიშნულ დეპარტამენტს, რომელიც ხარჯების შესამცირებლად შეიქმნა, მასკი 129 დღის განმავლობაში ხელმძღვანელობდა.ცნობისთვის, კანონპროექტი ითვალისწინებს დონალდ ტრამპის პირველი ადმინისტრაციის დროს, 2017 წელს მიღებული საგადასახადო შეღავათების გაგრძელებას, ასევე თავდაცვის სფეროსა და უსაბუთო მიგრანტების მასობრივი დეპორტაციის დამატებით დაფინანსებას. ის ასევე ითვალისწინებს სახელმწიფო ვალის ლიმიტის ოთხ ტრილიონ დოლარამდე გაზრდას.ამჟამად კანონპროექტი სენატშია წარდგენილი.

ქალმა დედის ფერფლი ზღვის ტალღებში გაატანა ბოთლით, რათა აესრულებინა მისი აუხდენელი ოცნება – მსოფლიოს გარშემო მოგზაურობა- ამის შესახები BBC- სი წერს. კარა მელიამ, ოლდემიდან, თქვა, რომ დედამისმა, 51 წლის ვენდი ჩადვიკმა, როგორც ხუთი შვილის მარტოხელა მშობელმა, ვერ მოახერხა მოგზაურობა მანამ, სანამ 2024 წლის თებერვალში გარდაიცვლებოდა. ქალიშვილმა ფერფლი ბოთლში ჩაასხა და თან მოაყოლა წერილი:„ეს ჩემი დედაა. თუ იპოვე – ისევ გადაუშვი ზღვაში, ის მოგზაურობს. მადლობა, კარა, ოლდემი.“ ბოთლი 12 საათში იმავე პლაჟზე იპოვეს და ამ ამბის შესახებ ფეისბუქ პოსტი მალევე ვირუსულად გავრცელდა.შემდეგ ბოთლი კვლავ ზღვაში დააბრუნეს. ბიბისი რადიო მანჩესტერთან საუბარში კარა მელიამ თქვა, რომ იმედი აქვს, ამჯერად ბოთლი უფრო შორს გაცურავს. 24 წლის მელიამ აღნიშნა:„დედაჩემს ცხოვრება ისე აეწყო, რომ ვერასდროს შეძლო მოგზაურობა.არავის უნდა ეპოვა ბოთლი მაშინვე – იდეა იყო, რომ სულ სხვაგან, უცხო ქვეყანაში აღმოჩენილიყო.ძალიან მინდა, რომ ბოლოს ეს ბოთლი ბარბადოსის ან ესპანეთის პლაჟზე აღმოჩნდეს – და ამას, ცხადია, დრო სჭირდება.“ მან ასევე თქვა, რომ თავდაპირველად აპირებდა ფერფლის პლაჟზე დაყრას, მაგრამ შემდეგ მისმა ბიძაშვილმა და საუკეთესო მეგობარმა შესთავაზეს ბოთლის იდეა.ბოთლი ზღვაში გაუშვეს სკეგნესში, სადაც მეგობრებთან ერთად ისვენებდნენ. კარას თქმით, დედამისი, რომელიც გულის დაავადებით გარდაიცვალა, „ძალიან უცნაური და არაორდინარული ადამიანი იყო, რომელსაც უყვარდა მზე და ზღვა“ – და დარწმუნებულია, რომ ახლა ამ ყველაფერზე სიცილით იხალისებდა. ბოთლი ზღვაში გაუშვეს იმ იმედით, რომ ნახონ, სადამდე მიაღწევს.

„იმედისმომცემია იმ ენთუზიაზმისა და ინტელექტუალური ცნობისმოყვარეობის ხილვა, რასაც ჩვენი ახალგაზრდები სტუდენტთა ღია საერთაშორისო სამეცნიერო კონფერენციაში ჩართულობით ავლენენ. სტუდენტური კონფერენცია არა მხოლოდ სამეცნიერო-აკადემიური პლატფორმაა, არამედ ერთგვარი ლაკმუსის ქაღალდია, რომელიც ჩვენს ქვეყანაში მომავლის მეცნიერების, ინოვაციებისა და ტექნოლოგიების განვითარების ტენდენციებს ამჟღავნებს. წარმოდგენილი სტუდენტური კვლევების მრავალფეროვნება და სიღრმე კიდევ ერთხელ გვარწმუნებს, რომ საქართველოს მომავალი თაობის მეცნიერები უდავოდ შეიტანენ მნიშვნელოვან კონტრიბუციას გლობალურ სამეცნიერო სივრცეში. საორგანიზაციო კომიტეტის სახელით, მადლობას ვუხდი საქართველოს ტექნიკური უნივერსიტეტის რექტორს, აკადემიკოს დავით გურგენიძეს და უნივერსიტეტის ადმინისტრაციას იმ უდიდესი მხარდაჭერისთვის, რასაც ისინი მუდმივად უწევენ ახალგაზრდებს აკადემიური სრულყოფილების მიღწევისა და სამეცნიერო ძიების პროცესში“, - ამის შესახებ საქართველოს ტექნიკური უნივერსიტეტის ვიცე-რექტორმა, პროფესორმა თამარ ლომინაძემ სტუდენტთა 89-ე ღია საერთაშორისო სამეცნიერო კონფერენციის გახსნაზე განაცხადა.სტუ-ის ცნობით, სტუდენტთა 89-ე ღია საერთაშორისო სამეცნიერო კონფერენციაში მონაწილეობს უნივერსიტეტის ცამეტი ფაკულტეტის ბაკალავრიატის, მაგისტრატურისა და დოქტორანტურის 679 სტუდენტი, ასევე, უცხოელი სტუდენტები ევროპის პარტნიორი უნივერსიტეტებიდან.საქართველოს ტექნიკურ უნივერსიტეტში სამეცნიერო ღონისძიების გახსნას კონფერენციის მონაწილე სტუდენტები და მათი სამეცნიერო ხელმძღვანელები ესწრებოდნენ. როგორც ვიცე-რექტორმა გახსნის ღონისძიებაზე განაცხადა, კონფერენციაში მონაწილეობის მსურველ სტუდენტთა აქტივობამ წელს მოლოდინს გადააჭარბა.„მოხარული ვართ, რომ სტუდენტთა ღია საერთაშორისო სამეცნიერო კონფერენციაში მონაწილეობის მიზნით, სტუდენტების მხრიდან განსაკუთრებული ინტერესი და მაღალი აქტივობა დაფიქსირდა. მათი აქტიური ჩართულობა კიდევ ერთხელ ადასტურებს, რომ ჩვენი სტუდენტები მზად არიან წარადგინონ თავიანთი კვლევები, ერთმანეთს გაუზიარონ იდეები და გახდნენ სამეცნიერო და აკადემიური დიალოგის ნაწილი. სწორედ მათი მოტივაცია და მეცნიერებაში წვდომის დიდი სურვილი წარმოადგენს ქვეყნის მდგრადი განვითარების ერთ-ერთ მნიშვნელოვან მდგენელს. აღსანიშნავია, რომ საქართველოს ტექნიკურ უნივერსიტეტში ახალგაზრდების წარმატება და მათი მომავალი კეთილდღეობა ყველა საუნივერსიტეტო ინიციატივის ამოსავალი წერტილია. ამ და სხვა ღონისძიებების ორგანიზებაში უნივერსიტეტის რექტორისა და ადმინისტრაციის აქტიური ჩართულობა სწორედ ამ პრინციპის ურყევ დაცვასა და მხარდაჭერაზე მეტყველებს და მიმართულია ახალგაზრდების მრავალმხრივი და სრულფასოვანი განვითარებისკენ. ჩვენი მიზანია, თითოეულმა სტუდენტმა არა მხოლოდ მაღალი ხარისხის განათლება მიიღოს, ჩაერთოს კვლევებში, არამედ იცხოვროს საინტერესო და მრავალფეროვანი სტუდენტური ცხოვრებით, რაც ჩვენს ახალგაზრდებს მუდმივად დაეხმარება კარიერულ განვითარებასა და დასახული მიზნების მიღწევაში“, - აღნიშნა თამარ ლომინაძემ.სტუდენტთა 89-ე ღია საერთაშორისო სამეცნიერო კონფერენციის ახალგაზრდა მონაწილეებს მიესალმნენ და წარმატება უსურვეს სტუ-ის სტუდენტური თვითმმართველობის პრეზიდენტმა დავით ლეშკაშელმა და სტუდენტური სერვისების, კულტურისა და სპორტის დეპარტამენტის ხელმძღვანელმა ლევან ფიფიამ.როგორც ლევან ფიფიამ აღნიშნა, სტუდენტთა საერთაშორისო კონფერენცია 57 დარგობრივ სექციად წარიმართება, მათ შორის: სამშენებლო ფაკულტეტზე იმუშავებს 4 სექცია და ნაშრომს წარადგენს 25 სტუდენტი; ენერგეტიკის ფაკულტეტზე - 5 სექცია, 50 სტუდენტი; სამთო-გეოლოგიურ ფაკულტეტზე - 2 სექცია, 39 სტუდენტი; ქიმიური ტექნოლოგიისა და მეტალურგიის ფაკულტეტზე - 5 სექცია, 43 სტუდენტი; არქიტექტურის, ურბანისტიკისა და დიზაინის ფაკულტეტზე - 2 სექცია, 45 სტუდენტი; სამართლისა და საერთაშორისო ურთიერთობის ფაკულტეტზე - 2 სექცია, 65 სტუდენტი; ინფორმატიკისა და მართვის სისტემების ფაკულტეტზე - 9 სექცია, 149 სტუდენტი; დიზაინის საერთაშორისო სკოლა - 1 სექცია, 26 სტუდენტი; აგრარული მეცნიერებებისა და ბიოსისტემების ინჟინერინგის ფაკულტეტზე - 6 სექცია, 62 სტუდენტი; ბიზნესტექნოლოგიების ფაკულტეტზე - 4 სექცია, 27 სტუდენტი; საინჟინრო ეკონომიკის, მედიატექნოლოგიებისა და სოციალურ მეცნიერებათა ფაკულტეტზე - 6 სექცია, 56 სტუდენტი; მთის მდგრადი განვითარების ფაკულტეტზე - 1 სექცია, 22 სტუდენტი.სტუ-ის ინფორმაციით, სტუდენტთა 89-ე ღია საერთაშორისო სამეცნიერო კონფერენცია სასესიო მუშაობას 5 ივნისიდან შეუდგება და 21 ივნისს დაასრულებს. კონფერენციის დახურვისა და გამარჯვებულთა დაჯილდოების ღონისძიება კი მიმდინარე წლის 8 ივლისს გაიმართება.

„კოალიცია ცვლილებისთვის“ ერთ-ერთ ლიდერი ზურაბ გირჩი ჯაფარიძე რუსთავის სასჯელაღსრულების დაწესებულებიდან წერილს ავრცელებს.ჯაფარიძის წერილი მის სოციალურ ქსელშია გამოქვეყნებული.„აქედან ტვინს ბევრს არ მოვ*@%ავ რამდენიმე მიზეზის გამო: პრაქტიკულად, გონზე არ ვარ გარეთ რა ხდება. კი, ადვოკატები მაწვდიან ინფორმაციას ყველაზე მნიშვნელოვან ამბებზე. კი, თუ TV-ს ქონის უფლება მომცეს, ნიუსებს მივადევნებ თვალს ყოველდღიურად, მაგრამ ეს ის საკმარისი ინფორმაცია არ არის, რაც მე მჭირდება დასკვნების გასაკეთებლად და მით უმეტეს, რჩევების მოსაცემად.ბევრი სხვა სახის ინფო მჭირდება, რომელიც გარეთ „პოლიტიკოსისთვის“ ხელმისაწვდომია, აქ კი არა.ინფორმაციის იმ მოცულობას, რომელსაც თავისუფლებაზე იღებ ყოველდღიურად, აქ ვერც ადვოკატი შემოგიტანს და ვერც TV მოგაწვდის (რომელსაც გარეთ დიდი ხანია აღარც ვუყურებ).ყველაფერს რომ თავი დავანებოთ, ინტერნეტთან არ გაქვს წვდომა, რაც ამ დროში განცდას გიჩენს, რომ დიდი მოცულობის external drive გამოგაძრეს ან საყოველთაო გონს მოგწყვიტეს.მინახავს ადამიანს რომ დაიჭერენ ხოლმე, საკნიდან იწყებენ ხოლმე ჭკუის დარიგებას, თითქოს აქედან უკეთ ჩანდეს რა ხდება ქვეყანაში და რა არის გასაკეთებელი. არ ჩანს. პირიქით. ერთადერთი, ერთადერთი!!! უპირატესობა რაც აქ გაქვს, ფიქრის დროა. იფიქრე რამდენიც გინდა, არ არსებობს distraction. მაგრამ ეს ვერ აკომპენსირებს, რაც ზემოთ დავწერე იმას.ხელით წერას გადავეჩვიე. დიდი ხნის წინ ვამბობდი, ხელით წერა გაქრებათქო და აჰა, carma is a bitch. თუმცა, მეგონა უფრო გამიჭირდებოდა, ბევრი გადასასწორებელი მექნებოდა და მოკლედ დავწერდი. ყველაფერში ვცდებოდი. ახლა მთავარია ეთომ გაარჩიოს რას ვწერ.ყოველივე ზემოთქმულიდან გამომდინარე (რადგან ხელით ვწერ, ბარემ ასეთებსაც გამოვიყენებ) მარტო იმას დავწერ, რაც გარეთაც სწორი მეგონა და ახლაც 100%-ით დარწმუნებული ვარ რომ სწორია:1. რუსთაველის პროტესტიპირველი ამას ვწერ იმიტომ, რომ მაინც ყველაზე მნიშვნელოვანი მგონია დღეს. ჩვენ სასიცოცხლოდ გვჭირდება საჯარო გამოხატვის ფორმები იმისა, რომ არ დავნებდით და ვიბრძვით. არსად სხვაგან ეს არ ჩანს, ისე, როგორც საღამოობით რუსთაველზე.პოლიტიკოსის ჩატარებული ბრიფინგი, ან თუნდაც დაჭერილი პოლიტიკოსი მხოლოდ იმას აჩვენებს, რომ ვიღაც „პოლიტიკოსი“ იბრძვის.რუსთაველი აჩვენებს, რომ ხალხი იბრძვის თავისუფლებისთვის, თუნდაც პოლიტიკოსების გარეშე.ყველა, ვინც ამის საწინააღმდეგოს წერს, ყველა, ვისაც ეს არ ესმის, რუსთაველზე არ ყოფილა დიდი ხანია.ვისაც რა უნდა ის გააკეთოს, როგორც უნდა ისე იბრძოლოს, სხვანაირად დაორგანიზდეს, მაგრამ რუსთაველი უნდა შენარჩუნდეს როგორც გამოხატულება იმისა, რომ მიუხედავად მოწყობილი ჯოჯოხეთისა, არ გავტყდით და ვაგრძელებთ ბრძოლას.2. სალომე ზურაბიშვილიტყუილად არ ვწერ მეორედ ამ პუნქტს, ამდენად მნიშვნელოვანი მგონია. ცოტა ვინმე ყოფილა უფრო კრიტიკული სალომე ზურაბიშვილის მიმართ, ვიდრე მე ვიყავი წლების განმავლობაში, მაგრამ:ა) ჩვენ გვჭირდება რაიმე ლეგიტიმაციის მქონე ინსტიტუტი. გარეთ სამუშაოდ გვჭირდება. ასეთი მხოლოდ ერთი გვაქვს ამ წუთას.keep institutions alive – არის ფრაზა, რომელიც ხშირად მომისმენია ჩვენი მეგობრებისგან. სალომე ვერ იქნება ისეთი ქარიზმატული, რომ მასები დაძრას, ვერც საუკეთესო მოდებატე გახდება ქართულად და ვერც ქვეყნისთვის საჭირო რეფორმებს მოჰყვება სხაპა-სხუპით. ასეთი არც არავინაა, მაგრამ მას შეუძლია დასავლეთს ელაპარაკოს, როგორც ერთადერთმა ლეგიტიმაციის მქონე პირმა და ელაპარაკოს მათთვის გასაგებ ენაზე. ესაა მისი როლი და ნუ მოსთხოვთ დიმიტრი გელოვანობას. ყველას საკუთარი ფრონტის ხაზი აქვს.ბ) მე არ მჯერა გამარჯვების არცერთი სცენარის, თუ არ მოხდა ძალების გაერთიანება.მე მჯერა, რომ ჩვენ ახლა რუსეთს ვებრძვით. ბომბები არ ცვივა, მაგრამ ბევრი ტყუილი ცვივა და თუ არ დაიჯერებ და წინააღმდეგობას გაუწევ, მინივენში გაწამებენ ნიღბიანი ტროგლოდიტები. ამის დამარცხება შეიძლება მხოლოდ ძალით. ძალა ერთობაშია. ძაღლს ჯაჭვით აბამენ.თუ სადმე არსებობს ძალების გაერთიანების პოტენციალი, ეს ისევ სალომე ზურაბიშვილის „წინააღმდეგობის პლატფორმაა“.ვისაც რა უნდა ის აკეთოს, ვისაც როგორ წარმოუდგენია ისე იბრძოლოს, ამ რეალობაში, ყველაფერი მოსულა, ჩემი აზრით. მაგრამ პოლიტიკურმა პროცესმა და პოლიტიკურმა გადაწყვეტილებებმა საბოლოო ჯამში თავი უნდა მოიყაროს ერთ ადგილას, და სხვა უკეთესი ადგილი, ვიდრე „წინააღმდეგობის პლატფორმაა” ვერ შევქმენით ამ წუთის მდგომარეობით.გ) თავს ვერ დავდებ, რომ ადამიანებში საოცრად ვერკვევი და ჩემი პოლიტიკური ცხოვრება უფრო ალბათ საპირისპიროს ამტკიცებს, მაგრამ სალომე ზურაბიშვილთან ჩემი არც თუ ისე ინტენსიური ურთიერთობის შედეგად გამიჩნდა განცდა, რომ ის ვერ იტანს რუსეთს. დარწმუნდა, რომ ქოცები რუსები არიან. ძალიან გაბრაზებულია, რომ რუსეთს მისცა საშუალება ის გამოეყენებინათ მანამ, სანამ ძალაუფლების კონსოლიდაციას ახდენდნენ. ეს ბრაზი მგონია, რომ გამოსაყენებელია. გარეთ ალბათ ამ მესამე პუნქტს არ დავწერდი საჯაროდ, მაგრამ აქედან მოსულა მგონი.3. სასამართლოსასამართლო დღეს არის ადგილი, სადაც ბოროტებას შეგიძლია ჩახედო თვალებში. აქ იყრის თავს რეჟიმის ტყუილები და აქ აღსრულდება ყველაზე დიდი ბოროტება – უდანაშაულო ადამიანები კარგავენ სიცოცხლეს. სიცოცხლის დაკარგვა მხოლოდ სიკვდილი არაა. ნებისმიერი ჯარიმა, რომელშიც ათასებს ახდევინებენ ადამიანებს – დაკარგული სიცოცხლეა, რადგან იმ ფულის გამოსამუშავებლად ვიღაცებმა საკუთარი სიცოცხლის დრო დახარჯეს.ნებისმიერი წუთი, დღე, კვირა, თვე, წელი თავისუფლების გარეშე – დაკარგული სიცოცხლეა, ან სიცოცხლის ნაწილი მაინც. ეს ხდება დღეს, ყოველდღე სასამართლოში – ტყუილების გამო ადამიანებს აკარგინებენ სიცოცხლეს.მე არ მჯერა, რომ თავისუფლებისთვის ბრძოლაში გაიმარჯვებს საზოგადოება, რომელიც არ აფასებს ადამიანებს, რომლებმაც საკუთარი სიცოცხლე დადეს ამ ბრძოლაში. ამიტომ მგონია პოლიტიკური ტყვეების სასამართლოებზე სიარული მნიშვნელოვანი.4. ყოველკვირეული მარშებივიქენდზე მარშები გახდა წინააღმდეგობის საჯარო დემონსტრირების მეორე რეგულარული ფორმა, რუსთაველის ყოველდღიური პროტესტის შემდეგ. აქ მთავარი სიტყვა „რეგულარულია“. თუ მოხერხდა ამ მარშების შენარჩუნება და ყოველ ვიქენდზე ორგანიზება, იქნება ძალიან კარგი. მაგრამ 2 პრობლემას ვხედავდი, სანამ გარეთ ვიყავი:ა) ეს მარშები არ პიარდებოდა წესიერად, არც TV-ებში და არც სოც.ქსელებში. არ ვიცი, ამის მიზეზი რა იყო, მაგრამ ეჭვი მაქვს, ისევ სტანდარტული „გრუზინული“ ეჭვიანობა, კონკურენცია, უნდობლობა და ა.შ. ყ*%@ბა მოკლედ.ბ) ჩემპიონები ვართ ერთმანეთის ენთუზიაზმში ჩა%მაში. საკმარისია, ვინმემ რამე ინიციატივა გამოიჩინოს და ეგრევე იწყება: რატომ მარში? რატომ იქიდან აქეთ და არა აქედან იქეთ? რატომ შუადღისას? რატომ კვირას? მე რატომ არ მითხრეს, რომ გეგმავდნენ? რატომ არ შეიძლება ჩემი გრიზლი წამოვიყვანო? არ იკბინება…ლენონივით კი გამომივა, მაგრამ წარმოიდგინეთ, ნაცვლად ყველაფერში ჩაჯმისა, ყველა ყველას ყველაფერში ვეხმარებოდეთ, რითიც შეგვიძლია, მათ შორის, მარშზე მისვლითაც. ეგრე უფრო მალე მოვიგებთ, თუ ასე? („ბალანდა“ მოვიდა:))5. პოლიტიკოსებიდაჭერამდე სადღაც სტატუსი დავწერე, სადაც ვამბობდი, რომ პოლიტიკოსებიც ჩვეულებრივი ადამიანები არიან თავიანთი პრობლემებით და პასუხისმგებლობებით. ვიღაცამ დამიკომენტარა არაო, პოლიტიკოსებს პრივილეგიები გაქვთ და მეტი მოგეთხოვებათო.მერე ვფიქრობდი, რა პრივილეგიები მაქვს ან მქონიათქო და ვერაფერი გავიხსენე, გარდა იარაღის ტარების უფლებისა (რომელიც ორჯერ შემიჩერეს 3-3 წლით)ეს ტრენინგებზე ნასწავლი წარმოდგენები პოლიტიკოსებზე პრობლემა მგონია. სადღაც ნორმალურ, დემოკრატიულ ქვეყანაში ეს ფორმულა ალბათ სწორი იქნებოდა: პრივილეგიები = მეტი პასუხისმგებლობა. მაგრამ აქ, ამ მოცემულობაში, რომელშიც ვცხოვრობთ, რა პრივილეგიებზეა ლაპარაკი?ყველა პოლიტიკოსი, ვინც ბრძოლის წინა ხაზზეა, ვისაც აშინებენ, ემუქრებიან, აჯარიმებენ, ცემენ, სამსახურიდან აგდებენ, კვერცხებს ესვრიან, „ზელიონკას“ ასხამენ, იჭერენ და ა.შ ეს არის დღეს ნებისმიერის გარდაუვალი ხვედრი, ვინც რეჟიმს წინააღმდეგობას უწევს.სადაა აქ პრივილეგია? რომელ ავტორიტარულ რეჟიმში არსებობს პრივილეგიები ოპოზიციური პოლიტიკოსებისათვის?მოგწონთ პოლიტიკოსები თუ არ მოგწონთ, ამ ბრძოლაში წინა ხაზი მაინც მათზე გადის. ეგ ხაზი თუ ჩამოიშალა, უკანა ხაზების გადათელვა რეჟიმისთვის გაცილებით იოლი იქნება. აი, ჩუმად ვინც არიან და ჰგონიათ, რომ ასე გადარჩებიან, შემდეგი ეგენი იქნებიან გარანტირებულად. ჟანრის კანონია.თუ არ გავჩერდი, ვხვდები, რომ დაუსრულებლად შემიძლია. აქ სულ დადიხარ, ფიქრობ, აზრები მოგდის და მოწეულზე რო გგონია, ყველა აზრი გენიალურია, ეგრე ხარ:) არ ვიცი რატომ. ტვინს არ მოვტ*%@ავთქო ამით დავიწყე და მაინც ვქენი:)მადლობის თქმა ვერ მოვასწარი იმ ხალხისთვის, ვინც ჩემს პროცესზე მოვიდა, ამიტომ აქედან გეტყვით: უღრმესი მადლობა!ჯამში ნორმალურად ვარ, როგორც შეიძლება აქ იყო. ბევრს ვკითხულობ. გავიხსენე, რა მაგარი გრძნობაა წიგნს დილით რომ დაიწყებ და საღამოს დაამთავრებ, რომ არ გამოხვალ იმ სამყაროდან. შევ#&ი playstation-ს. ბოლოს ალბათ 30 წლის წინ თუ მოვახერხე ასე.ეს „დრო გექნება“, „დაისვენებ“ სირობაა, არ დაიჯეროთ. დროს მაშინ აქვს ფასი, როცა შენს ნებაზე განკარგავ. დასვენებაც მაშინაა დასვენება, როცა შენ გადაწყვეტ რომ დაისვენო. ძალით დასვენების დდშვც და შევე%ი ასეთ დროს BigBang-დან მოყოლებული. თუ თავისუფლება არ გაქვს – არაფერი არ გაქვს. ბაგაზე დაბმული საქონელი ხარ.P.S სასამართლოს დადგენილება ჩამბარდა აქ, 5,000 ლ 4 თებერვალს გზა გადაკეტეო. გამიშვით! ვიხდი!:)”,- აღნიშნულია ჯაფარიძის წერილში.