6 წლის ამერიკელის დაბადების დღეზე კლასელები არ მივიდნენ
Read Time:33 Second
არიზონის შტატის ქალაქ ტუსონში მცხოვრებმა 6 წლის თედიმ დაბადების დღეზე თავისი კლასელები მიიწვია, თუმცა წვეულებაზე არავინ მივიდა. ამის შესახებ Washington Post-ი წერს.
ბიჭის დედის სილ მაძინის თქმით, მისი შვილის დაბადების დღე 3 ოქტომბერსაა, მაგრამ იმის გამო, რომ მამა ალასკაზე მუშაობს, წვეულება 21 ოქტომბერს გადაიტანეს.
თედიმ კლასელებისთვის 32 სასაჩუქრე პაკეტი დაამზადა, რომლებშიც მოსაწვევები იყო. ქალის თქმით, მშობლების ნაწილი მას შეჰპირდა, რომ წვეულებაზე მივიდოდნენ, თუმცა 21 ოქტომბერს არც ერთი მიწვეული სტუმარი არ მივიდა.
თედის ფოტო, რომელშიც ის პიცერიაში ცარიელ მაგიდასთან ზის, დედამ გამოაქვეყნა და მალე ვირუსული გახდა.
ფოტო იმდენად რეზონანსული გახდა, რომ კალათბურთის ადგილობრივმა გუნდმა „ფინიკს სანსმა“ და საფეხბურთო კლუბმა „ფინიკს რაიზინგმა“ ბიჭს და მის ოჯახს თავიანთ მატჩებზე ბილეთები აჩუქეს.
Happy
0 %
Sad
0 %
Excited
0 %
Sleepy
0 %
Angry
0 %
Surprise
0 %
Comments
0
0