ჯანმო: პანდემიასთან პირდაპირ ან ირიბად დაკავშირებული სიკვდილიანობის ოფიციალური მაჩვენებელი, სავარაუდოდ, მნიშვნელოვნად შემცირებულია
Read Time:33 Second
ჯანდაცვის მსოფლიო ორგანიზაციაში აცხადებენ, რომ პანდემიასთან პირდაპირ ან ირიბად დაკავშირებული სიკვდილიანობის ოფიციალური მაჩვენებელი, სავარაუდოდ, მნიშვნელოვნად შემცირებულია.
ორგანიზაციის მონაცემებით, 2020 წელს პანდემიის შედეგად სიკვდილიანობის საერთო მაჩვენებელმა, სულ მცირე, 3 მილიონი ადამიანი შეადგინა, რაც 1.2 მილიონით მეტია ოფიციალურ მონაცემებზე.
ჯანდაცვის მსოფლიო ორგანიზაციის სტატისტიკის მიხედვით, პანდემიის დაწყებიდან დღემდე, მსოფლიოში კორონავირუსის 164 523 894 შემთხვევა გამოვლინდა, ხოლო 3 412 032 ადამიანი გარდაიცვალა.
„ეს რიცხვი ორჯერ ან სამჯერ მეტია. ვფიქრობ, რომ სიკვდილიანობის მაჩვენებელი
სადღაც 6–8 მილიონი ადამიანია“, – განაცხადა სამირა ასმამ, ჯანმოს გენერალური დირექტორის თანაშემწემ.
ჯანმოს მონაცემთა ანალიტიკოსმა, უილიამ მესმბურიმ აღნიშნა, რომ ეს შეფასება მოიცავს როგორც არარეგისტრირებულ COVID-19-ით სიკვდილიანობას, ასევე ირიბი მიზეზებით გამოწვეულ სიკვდილიანობას, როგორიცაა საავადმყოფოებში ადგილების არარსებობა და გადაადგილებაზე დაწესებული შეზღუდვები.
Happy
0 %
Sad
0 %
Excited
0 %
Sleepy
0 %
Angry
0 %
Surprise
0 %
Comments
0
0
