ჩვენ უნდა შევაჩეროთ ეს ომი – შევჩენკომ რუსებს მიმართა
უკრაინული ფეხბურთის, კიევის „დინამოსა“ და „მილანის“ ლეგენდამ, უკრაინის ნაკრების ყოფილმა მთავარმა მწვრთნელმა ანდრეი შევჩენკომ რუსეთის აგრესიის შესახებ Sky Sports-თან ინტერვიუში ისაუბრა.
„მინდა მადლობა გადავუხადო ჩემს ხალხს, არმიას, პრეზიდენტ ვოლოდიმირ ზელენსკის, რომ ყველაფერი გააკეთა ჩემი ქვეყნის რუსული აგრესიისგან დასაცავად. ძალიან ვამაყობ, რომ უკრაინელი ვარ. ახლა ძალიან რთული დროა ჩემი ხალხისთვის, ჩემი ქვეყნისთვის, ჩემი ოჯახისთვის. დედა და და ახლა კიევში არიან და იქ საშინელი ამბები ხდება. ხალხი იღუპება, სახლებს ესვრიან. ჩვენ უნდა შევაჩეროთ ეს ომი. ჩვენ უნდა ვიპოვოთ გზა. ვცდილობ, დედას და დას ვესაუბრო ყოველ საათში, ყოველ 20 წუთში, რადგან სიტუაცია მუდმივად იცვლება. ხარკოვი თავდასხმის ქვეშაა, კიევი იბომბება. ბევრჯერ ვცადე მათი წამოყვანა. ველაპარაკე, დავარწმუნე, მაგრამ ისინი უარს ამბობენ. მათ უნდათ სახლში დარჩენა და თავისუფლებისთვის ბრძოლა. ეს არის უკრაინული სული“, – განაცხადა შევჩენკომ Sky Sports-თან ინტერვიუში.
ლეგენდარულმა უკრაინელმა თავდამსხმელმა რუსებს მიმართა.
„მე ველაპარაკე ჩემს მშობლებს და ვუთხარი, რომ მინდა უკრაინაში დაბრუნება. მაგრამ ახლა ჩემი ბრძოლის ველი ევროპაშია. მე უნდა ვისაუბრო იმაზე, რაც ხდება უკრაინაში, იმ ტრაგედიაზე, რომელიც უკრაინელ ხალხს შეექმნა. ათასობით ბავშვი უნდა დაიმალოს თავშესაფარში, რათა ბომბებს გადაურჩნენ. ეს არის ტრაგედია. რუსები უნდა გამოვიდნენ საპროტესტო აქციაზე ომის შესაჩერებლად. სხვა ქვეყნებიც უნდა დაგვეხმარონ. ახლა ევროპის ცენტრი უკრაინაა. დღეს ჩვენ გვბომბავენ და მერე ვის მიადგებიან? დაფიქრდით!“.
შეგახსენებთ, რომ უკრაინის ნაკრების ყოფილი მწვრთნელი ცდილობს გამოიყენოს მაქსიმალური შესაძლებლობები, რათა მსოფლიომ გაიგოს და გააპროტესტოს უკრაინაში რუსეთის აგრესია. კერძოდ, ის ლონდონში უკრაინის მხარდამჭერ აქციაზე წავიდა და იტალიელებისთვის ვიდეომესიჯიც ჩაწერა, რომელიც „მილანისა“ და „ინტერის“ დერბის წინ „სან სიროს“ სტადიონის ტაბლოზე აჩვენეს.
About Post Author
ქეთევან ნინუა
Comments
ილია სულამანიძე ევროპოს ვიცე-ჩემპიონია
ხორვატიის დედაქალაქ ზაგრებში მიმდინარე ევროპის ჩემპიონატზე ილია სულამანიძემ (100 კგ) ვერცხლის მედალი მოიპოვა. ქართველმა ფინალი ნეიტრალური დროშით მოასპარეზე მატვეი კანიკოვსკისთან...
ეთერ ლიპარტელიანმა ევროპის ჩემპიონატზე ბრინჯაოს მედალი მოიპოვა
ხორვატიის დედაქალაქ ზაგრებში მიმდინარე ევროპის ჩემპიონატზე ეთერ ლიპარტელიანი (57კგ) ბრინჯაოს მედლის მფლობელი გახდა. მესამე ადგილისთვის დაპირისპირებაში მან სერბი პერისიჩი დამატებით...
ვაჟა მარგველაშვილი ევროპის ჩემპიონია
ხორვატიის დედაქალაქ ზაგრებში მიმდინარე ევროპის ჩემპიონატზე ძიუდოში ვაჟა მარგველაშვილი (66კგ) ოქროს მედლის მფლობელია გახდა. ქართველმა ფინალში თურქ მუჰამედ დემირელს სძლია...
ევროპის ჩემპიონატზე ქართველების მეტოქეები ცნობილია – ფინალური ბლოკის პირდაპირი რეპორტაჟები პირველ არხზე
ხორვატიის დედაქალაქი ზაგრები 25-28 აპრილს ძიუდოში ევროპის ჩემპიონატს უმასპინძლებს. ტურნირის ოთხივე დღის ფინალური ბლოკის პირდაპირ ტელერეპორტაჟებს საქართველოს პირველი არხი 19:00 საათიდან შემოგთავაზებთ. გაიმართა პირველობის წილისყრა,...
„ლიგა 1-დან და პრემიერლიგიდან“ – ევროპული კლუბები კვარაცხელიათი ინტერესდებიან
„ნაპოლი“ შეიძლება ზაფხულის სატრანსფერო პერიოდში ხვიჩა კვარაცხელიამ დატოვოს. როგორც ცნობილი ჟურნალისტი ეკრემ კონური იტყობინება, 23 წლის ქართველით ლიგა 1-დან და...
მოულოდნელი ინციდენტი სტადიონზე-ვინ არის ფეხბურთელი რომელცავ მატჩის დროს გულის შეტევა დაემართა
სერია A-ს 32-ე ტურში "უდინეზესა" და "რომას" მატჩის 72-ე წუთზე "ჯალოროსის" მცველმა ევან ნდიკამ ხელი მკერდზე მოიკიდა და გაზონზე დაწვა....