იზიუმის დაბომბვის შედეგად რვა ადამიანი დაიღუპა, მათ შორის ბავშვები – უკრაინული მხარე
Read Time:33 Second
ხარკოვის ოლქის ქალაქ იზიუმში ჭურვის აფეთქების შედეგად 8 ადამიანი დაიღუპა, მათ შორის ბავშვები. ინფორმაციას იზიუმის მერის მოადგილემ ვლადიმერ მაცოკინი სოციალურ ქსელში ავრცელებს.
მისი თქმით, ჭურვი უკრაინსკის ქუჩაზე მდებარე სახლს მოხვდა. მაცოკინის ინფორმაციით, დაღუპულია 2 ბავშვი.
„ჭურვი პოლიციის შენობას მოხვდა. ქალაქის ცენტრი მნიშვნელოვად არის განადგურებული. არის მსხვერპლი და მათ შორის 2 ბავშვი“, – აცხადებს მაცოკინი.
შეგახსენებთ, რუსეთი უკრაინაში მიმდინარე წლის 24 თებერვალს შეიჭრა. დაახლოებით 06:00 მოსკოვის დროით (UTC+3) რუსეთის პრეზიდენტმა პრეზიდენტმა ვლადიმერ პუტინმა გამოაცხადა „სამხედრო ოპერაცია“, რამდენიმე წუთის შემდეგ, სარაკეტო დარტყმები დაიწყო ქვეყნის მასშტაბით, მათ შორის დედაქალაქ კიევთან ახლოს.
უკრაინის სასაზღვრო სამსახურმა განაცხადა, რომ მის საზღვრებს რუსეთთან და ბელარუსთან დაესხნენ თავს. უკვე მე-8 დღეა უკრაინაში საომარი მოქმედებები მიმდინარეობს.
Happy
0 %
Sad
0 %
Excited
0 %
Sleepy
0 %
Angry
0 %
Surprise
0 %
Comments
0
0
