ყოფილმა ქმარმა ცოლი სამი მცირეწლოვანი შვილისა და დის თანდასწრებით მოკლა
Read Time:41 Second
23 წლის ხათირა ჰუსეინოვა ყოფილმა ქმარმა, თელმან მუსტაფაევმა, საკუთარ სახლში, სამი მცირეწლოვანი შვილისა და დის თანდასწრებით, 16 თებერვლის ღამეს მოკლა. ყოფილ ცოლს სასიკვდილო ჭრილობები მან ცივი იარაღით ყელის არეში მიაყენა. ხელში დაჭრა ყოფილი ცოლის დაც.
გარდაცვლილის ოჯახის წევრების თქმით, 33 წლის თელმან მუსტაფაევი ნასამართლევია. ის სასჯელს ყოფილი სიდედრისთვის ფიზიკური და სიტყვიერი შეურაცხყოფისთვის იხდიდა. გარდაცვლილის დედა ამბობს, რომ მისი შვილი ქმარს წელიწად-ნახევრის წინ გაშორდა. ამ ხნის განმავლობაში, კაცი რამდენჯერმე მივიდა მათ სახლში, რასაც კონფლიქტი მოჰყვა. დედის თქმით, მის შვილს ქმართან შერიგება არ უნდოდა.
შსს-ს ინფორმაციით, სოფელ ყარაჯალარში ახალგაზრდა ქალის მკვლელობის ფაქტი გახსნილია, დაკავებულია ერთი პირი.
უწყების ცნობით, შინაგან საქმეთა სამინისტროს ქვემო ქართლის პოლიციის დეპარტამენტის თანამშრომლებმა, ცხელ კვალზე ჩატარებული ოპერატიულ-სამძებრო და საგამოძიებო მოქმედებების შედეგად, 1986 წელს დაბადებული ტ.მ. დამამძიმებელ გარემოებაში ჩადენილი განზრახ მკვლელობის ბრალდებით დააკავეს.
დანაშაული 13-დან 17 წლამდე ვადით თავისუფლების აღკვეთას ითვალისწინებს.
Happy
0 %
Sad
0 %
Excited
0 %
Sleepy
0 %
Angry
0 %
Surprise
0 %
Comments
0
0