ყაჩაღობისა და მონაზვნის გაუპატიურების ბრალდებით დაკავებულ პირებს პატიმრობა შეეფარდათ
Read Time:34 Second
მონასტერში მომხდარი ყაჩაღობისა და მონაზვნის გაუპატიურების ბრალდებით დაკავებულ პირებს აღკვეთის ღონისძიების სახით პატიმრობა შეეფარდათ. დაკავებულები წარდგენილ ბრალს არ აღიარებენ.
მოსამართლის გადაწყვეტილებით, სხდომა დახურულ რეჟიმში წარიმართა.
„სასამართლომ სრულად გაიზიარა ჩვენს მიერ წარდგენილი მტკიცებულებები. გაიზიარა ის, რომ ორივე ბრალდებულმა ჩაიდინა დანაშაული და იმსჯელა იმაზე, რომ არსებობს მიმალვის საფრთხეები, მოწმეებზე ზემოქმედებისა და ახალი დანაშაულის ჩადენის საფრთხეები, რის გამოც გამოიყენა ყველაზე მძიმე აღკვეთის ღონისძიება – პატიმრობა. ხაზგასასმელია ისიც, რომ თვითონ მუხლი, რისთვისაც ბრალი ედებათ გაუპატიურების ნაწილში, ითვალისწინებს უვადო თავისუფლების აღკვეთას, რაც ნიშნავს იმას, რომ განაჩენის დადგომის დღიდან ეს ადამიანები გამამტყუნებელი განაჩენის დადგომის შემთხვევაში, მთელს ცხოვრებას გაატარებენ ციხეში. პროკურატურა აკეთებს ყველაფერს იმისთვის, რომ ორივე ბრალდებულმა სრულად აგოს პასუხი კანონის წინაშე და მთელი სიმკაცრით დაისაჯონ“, – განაცხადა პროკურორმა დავით ყაზარაშვილმა „ქრონიკასთან“.
Happy
0 %
Sad
0 %
Excited
0 %
Sleepy
0 %
Angry
0 %
Surprise
0 %
Comments
0
0
