ფრიდრიხ მერცი – ირანი უნდა დაჯდეს მოლაპარაკების მაგიდასთან, შეწყვიტოს დროის მოგება, არ უნდა ჰყავდეს მთელი რეგიონი და მსოფლიო მძევლად

შვიდი წლის შემდეგ პირველად, აშშ-სა ვენესუელას შორის კომერციული ფრენები განახლდა. ინფორმაციას ამის შესახებ „სიენენი“ ავრცელებს.„სიენენის“ ინფორმაციით, American Airlines-ის პირველი რეისი, რომელიც სამ საათამდე გაგრძელდა, მაიამიდან კარაკასში, სიმონ ბოლივარის საერთაშორისო აეროპორტში ჩაფრინდა.ამერიკული ავიახაზების რეისიები ვენესუელის მიმართულებით ყოველდღიურად შესრულდება. მედიის ცნობით, თვითმფრინავის ბორტზე მგზავრებს შორის უმეტესობას მედიის წარმომადგენლები და ოფიციალური პირები შეადგენდნენ.როგორც მედია წერს, ავიაკომპანიამ ფრენების განახლების სურვილი იანვარშივე გამოთქვა, იმავე დღეს, როდესაც დონალდ ტრამპმა ტრანსპორტის დეპარტამენტს ვენესუელაში საჰაერო მიმოსვლის აღდგენისთვის ნაბიჯების გადადგმა დაავალა.„სინენის“ ცნობით, ვენესუელაში გამგზავრების საფასური თარიღისა და ბილეთის ტიპის მიხედვით იცვლება, თუმცა ორმხრივი ბილეთის ფასი დაახლოებით 1 000 დოლარს შეადგენს.ამასთან, მარტის ბოლოს აშშ-ის ოფიციალურმა პირებმა განაცხადეს, რომ მალე აშშ-ის საელჩო კარაკასში ფუნქციონირებას განაახლებს.ცნობისთვის, სამი იანვრის ღამეს, დონალდ ტრამპის ბრძანებით, აშშ-ის „დელტა ფორსმა“ ვენესუელაში სპეციალური ოპერაცია ჩაატარა, რომლის დროსაც ნიკოლას მადურო და მისი მეუღლე დააკავეს. მას შემდეგ ვენესუელას პრეზიდენტის მოვალეობის შემსრულებელი დელსი როდრიგესი მართავს.

ვლადიმერ პუტინმა ირანის სამხედრო ძალისხმევას ხელი შეუწყო, – ამის შესახებ აშშ-ის არმიის გაერთიანებული შტაბების უფროსმა, გენერალმა დენ კეინმა სენატორებთან შეხვედრის დროს განაცხადა.კეინმა უარი თქვა დეტალების გასაჯაროებაზე მოსმენის საჯარო ხასიათის მოტივით, თუმცა აღნიშნა: „რა თქმა უნდა, გარკვეული ქმედებები მიმდინარეობს“.კომიტეტის თავმჯდომარე, რესპუბლიკელი სენატორი როჯერ ვიკერი დაეთანხმა ამ მოსაზრებას.„ეჭვგარეშეა, რომ ვლადიმერ პუტინის რუსეთი სერიოზულ ზომებს იღებს ირანში წარმატების მისაღწევად ჩვენი ძალისხმევის შესასუსტებლად“, – განაცხადა ვიკერმა.

უკრაინაში კიდევ ერთი ქართველი მებრძოლი დაიღუპა.39 წლის ნიკა მაჭარაშვილი ბოლოს ზაპოროჟიეს მიმართულებაზე იმყოფებოდა.ის მეორე ინტერნაციონალური ლეგიონის რიგებში იგი ირიცხებოდა.

,,სპორტული საზოგადოების სოციალური პასუხისმგებლობა ომის პერიოდში; როდესაც ჩემპიონებმ დახმარების კამპანია წამოიწყესსაინფორმაციო სააგენტო „ირნას“ ინფორმაციით, ეროვნული ნაკრების წევრებსა და ცნობილ სპორტსმენებს, თავიანთი მაღალი საზოგადოებრივი ავტორიტეტიდან გამომდინარე, შეუძლიათ დიდი გავლენა მოახდინონ ამა თუ იმ ტალღის ან კამპანიის წამოწყებაზე. ამერიკისა და სიონისტური რეჟიმის თავდასხმამ და მისგან გამოწვეულმა ნგრევამ კამპანიაში სპორტსმენების ჩართვა განაპირობა, რამაც დააჩქარა თავდასხმების შედეგად დაზარალებული ადამიანების ჰუმანიტარული დახმარებისა და მხარდაჭერის პროცესი. ცხადია, რომ ბოლო ომში ჩვენი ქვეყნის „წითელი ნახევარმთვარის“ ძალებმა მნიშვნელოვანი როლი ითამაშეს დაბომბვების შედეგად ნანგრევებში მოყოლილი თანამემამულეების დახმარებასა და გადარჩენაში. ეს არის ორგანიზაცია, რომლის მაშველთა მნიშვნელოვან ნაწილსაც ხალხისგან შემდგარი მოხალისეობრივი ძალები შეადგენენ. სწორედ ამიტომ, წითელი ნახევარმთვარის ორგანიზაციამ წამოიწყო კამპანია „ჩვენი ირანის სახალხო ფრონტი“. პოპულარობა და გავლენა, რომლითაც ეს ჩემპიონები საზოგადოებაში სარგებლობენ, წარმოადგენს უზარმაზარ რესურსს სოციალური პასუხისმგებლობის სფეროში, თუმცა აღსანიშნავია, რომ ფედერაციებს, სპორტის სამინისტროსა და ეროვნულ ოლიმპიურ კომიტეტს ჯერ კიდევ არ შეუძლია სრულად გამოიყენოს არსებული პოტენციალი, რის გამოც, ამ მიმართულებით უფრო სისტემატიური გეგმის შემუშავებაა საჭირო. ხსენებული რესურსი სხვა კრიზისების დროსაც უფრო ფართოდ უნდა იქნეს გამოყენებული - ეს არის უგულებელყოფილი პოტენციალი, რომელსაც ირანულ სპორტში აქამდე ნაკლები ყურადღება ექცეოდა''-ამის შესახებ ირანის ელჩი წერს.

საქართველოს საპატრიარქოს საზოგადოებასთან ურთიერთობის სამსახურის გვერდზე გამოქვეყნდა ჩანაწერი, რომელიც, მათივე ინფორმაციით, საპატრიარქოს საზოგადოებასთან ურთიერთობის სამსახურის ხელმძღვანელის, დეკანოზ ანდრია ჯაღმაიძის მიერ კათოლიკოს-პატრიარქის, ილია მეორის კარნახით საპატრიარქო ტახტის მოსაყდრედ სენაკისა და ჩხოროწყუს მიტროპოლიტ შიოს (მუჯირი) გამორჩევასთან არის დაკავშირებული.საპატრიარქოს ცნობით, ტექსტი ჩაწერილია საპატრიარქო ტახტის მოსაყდრის გამორჩევიდან მეორე დღეს (24.11.2017).„ურთულესი დროა, პრიორიტეტები იცვლება, მეცნიერება მიდის წინ, გარემოებები. ადამიანი მუდამ უნდა მიდიოდეს წინ, მან უნდა გაიკვალოს. რეალობაში სხვა ძალები, ბოროტი ძალები უსწრებენ, ამიტომ ცხოვრება აყენებს ახალ პრობლემებს, რასაც სჭირდება პასუხი.ეკლესიაშიც ახალი პრობლემებია, რთულდება ურთიერთობები ადამიანებს შორის. წამოიჭრა ახალი საკითხები, რომლებიც აქამდე არ ყოფილა. როცა ბუნებრივად ვითარდება, გასაგებია. როდესაც ხელოვნურად ხდება, ამით ცოდვას მიემატა ბოროტება. ცოდვას და ბოროტებას ვაკანონებთ, რატომ ვაკანონებთ? იმისთვის, რომ თითქოს პასუხი არ უნდა ვაგოთ. თუმცა ღვთის წინაშე მაინც ვაგებთ პასუხს, მნიშვნელობა არა აქვს კანონებს.პატრიარქი როდესაც დგება თანამდებობაზე, მაშინვე წერს ანდერძს მოსაყდრის შესახებ. ეს მერე იცვლება კიდეც. როდესაც დაფარულია, ქმნის გარკვეულ დაძაბულობას და მითქმა-მოთქმას. არის შემთხვევები, როცა იკარგება ანდერძი. მაგ., ჩემს შემთხვევაში დავითმა, პატრიარქმა, რამდენჯერმე მითხრა, რომ შენზეა დაწერილი ანდერძი, თუ გინდა გაჩვენებო. არა-მეთქი, არ მინდა. შემდეგ დაიკარგა. დავითი ტყუილს რატომ მეტყოდა? ამან შექმნა ნერვიული სიტუაცია და საჭირო გახდა სინოდს დავესახელებინე. ასეთი რამ წინათაც მომხდარა.ეს რომ არ მოხდეს, ვარჩიე, დამესახელებინა, ვინ იყო ჩაწერილი ანდერძში, რომ შეწყდეს: გასაღები ვისა აქვს და სარტყელზე აქვს შებმულიო. ახლა დაწყნარდნენ, ყველამ იცის, ვინ არის მოსაყდრე.მოსაყდრეც ფრთხილად უნდა იყოს, არ უნდა წარმოიდგინოს, რომ თვითონაა პატრიარქი. პატრიარქს აქვს უფლება, შეცვალოს. შედგება გეგმა, რა უნდა გააკეთოს მოსაყდრემ. მოსაყდრე დიდი დახმარებაა, თუ სათანადოდ გაუძღვა, პატრიარქის და სინოდის დამხმარე, პირველი ეპისკოპოსი პატრიარქის შემდეგ, პირველი კანდიდატი პატრიარქობის ტახტზე.პიმენი რომ გარდაიცვალა, იქაც ცნობილია მოსაყდრე, იქ კიევის მიტროპოლიტია მექანიკურად. პირველივე კენჭისყრით უარყოფილი იქნა მოსაყდრე ფილარეტი. რამდენიმე ეპისკოპოსმა უნდა წარმოადგინოს კანდიდატი.ურთიერთობა ხალხთან, მომლოცველებთან, რომ გაძლიერდეს ლოცვა“, – ნათქვამია ჩანაწერში, რომელიც საქართველოს საპატრიარქოს საზოგადოებასთან ურთიერთობის სამსახურმა გაავრცელა.