უკრაინის საგარეო საქმეთა სამინისტრო მიხეილ სააკაშვილთან დაკავშირებით განცხადებას ავრცელებს
Read Time:36 Second
უკრაინის საგარეო საქმეთა სამინისტრო მიხეილ სააკაშვილთან დაკავშირებით განცხადებას ავრცელებს.
როგორც უკრაინის საგარეო საქმეთა სამინისტროს ვებგვერდზე გამოქვეყნებულ განცხადებაშია ნათქვამი, სამინისტრო შეშფოთებულია უკრაინის მოქალაქე, მიხეილ სააკაშვილის ჯანმრთელობის მდგომარების გაუარესების გამო.
„უკრაინის საგარეო საქმეთა სამინისტრო ღრმადაა შეშფოთებული უკრაინის მოქალაქე, მიხეილ სააკაშვილის ჯანმრთელობის მდგომარების მნიშვნელოვნად გაუარესების გამო. უკრაინის მოქალაქის კრიტიკული ჯანმრთელობის მდგომარეობის გათვალისწინებით, მოვუწოდებთ ქართულ მხარეს, უზრუნველყოს სააკაშვილის სათანადო სამედიცინო დახმარება, ასევე, დააკმაყოფილოს შუამდგომლობა მიხეილ სააკაშვილისთვის სასჯელის გადავადების შესახებ, რათა ის გადაყვანილი იყოს ევროპის ან აშშ-ის კლინიკაში შემდგომი მკურნალობისთვის.
ჩვენ ასევე მოვუწოდებთ საქართველოს ხელისუფლებას, უზრუნველყოს მიხეილ სააკაშვილთან ადამიანის უფლებების დაცვის საკითხში უკრაინის უმაღლესი რადის წარმომადგენელ, დმიტრო ლუბინეცის დაშვება. უკრაინა მომავალშიც განსაკუთრებულ ყურადღებას დაუთმობს საქართველოს ტერიტორიაზე მყოფი უკრაინის მოქალაქეთა კანონიერი უფლებებისა და ინტერესების დაცვას, მათ შორის მიხეილ სააკშვილის, რომელიც უნდა გათავისუფლდეს“, -ნათქვამია უკრაინის საგარეო უწყების განცხადებაში.
Happy
0 %
Sad
0 %
Excited
0 %
Sleepy
0 %
Angry
0 %
Surprise
0 %
Comments
0
0
