ტრამპმა და მერკელმა პუტინის გზავნილთან დაკავშირებით შეშფოთება გამოთქვეს
Read Time:42 Second
აშშ-ის პრეზიდენტმა დონალდ ტრამპმა და გერმანიის კანცლერმა ანგელა მერკელმა 1 მარტს საღამოს რუსეთის პრეზიდენტის ვლადიმერ პუტინის სიტყვით გამოსვლაზე ისაუბრეს.
როგორც მერკელის პრესამსახურის განცხადებაშია ნათქვამი, ორივე მხარესთვის პუტინის გზავნილმა ახალი სარაკეტო დანადგარების შესახებ შეშფოთება გამოიწვია, რადგან ეს კითხვის ქვეშ აყენებს იარაღზე საერთაშორისო კონტროლის გაძლიერებას.
გარდა ამისა, მერკელმა და ტრამპმა სირიაზე იმსჯელეს, კერდოდ აღმოსავლეთ ღუტაში მომხდარ ავიაიერიშზე.
1 მარტს, ვლადიმერ პუტინმა ფედერალური კრების წინაშე სიტყვით გამოსვლისას განაცხადა, რომ რუსეთში ბირთვული ენერგეტიკული მოწყობილობის მქონე ახალი სარაკეტო რაკეტა შეიქმნა. რუსეთის ლიდერმა ეკრანებზე რაკეტის გამოცდის ვიდეო აჩვენა. პუტინის თქმით, ახალ რაკეტას მოქმედების შეუზღუდავი რადიუსი ექნება და “არაპროგნოზირებადი ფრენის ტრაექტორია”, – “ასეთი ჯერ არავის აქვს”, – დასძინა პუტინმა.
პუტინმა აღნიშნა, რომ ახალი იარაღი აშშ-ის ქმედებების საპასუხოდ შეიქმნა, რომელიც რაკეტსაწინააღმდეგო თავდაცვას აფართოებს. მისი თქმით, ახალი რუსული იარაღი ნატოს გაფართოებას აზრს უკარგავს.
ვლადიმერ პუტინი მეოთხედ მონაწილეობს რუსეთის საპრეზიდენტო არჩევნებში, რომელიც რამდენიმე დღეში, 2018 წლის 18 მარტს ჩატარდება.
Happy
0 %
Sad
0 %
Excited
0 %
Sleepy
0 %
Angry
0 %
Surprise
0 %
Comments
0
0