სტოლტენბერგი-ნატო უკრაინაში ჯარებსა და თვითმფრინავებს არ გაგზავნის, რუსეთთან ომი თავიდან უნდა ავიცილოთ
Read Time:30 Second
ნატოს გენერალური მდივანი იენს სტოლტენბერგი აცხადებს, რომ ალიანსი უკრაინაში ჯარისკაცებისა და თვითმფრინავების გაგზავნის წინააღმდეგია.
მისივე თქმით, ნატო ყველა ღონეს ხმარობს, რათა უკრაინის დასახმარებლად სხვა გზა გამოძებნოს.
„ხვალ და ზეგ ნატოს საგარეო საქმეთა მინისტრების შეხვედრაზე განვიხილავთ კიდევ რა შეგვიძლია გავაკეთოთ და მოუთმენლად ველი დისკუსიას იმის შესახებ, თუ როგორ გავუწიოთ შემდგომი სამხედრო მხარდაჭერა უკრაინას, რათა რუსებს წინააღმდეგობა გაუწიონ.
ჩვენ განვიხილავთ კიდევ რა შეგვიძლია გავაკეთოთ, მაგრამ ამავდროულად, მოკავშირეები თანხმდებიან, რომ არ უნდა გავაგზავნოთ ნატოს ჯარები უკრაინაში და არ უნდა გავაგზავნოთ ნატოს თვითმფრინავები უკრაინის საჰაერო სივრცეში. ჩვენც გვაქვს პასუხისმგებლობა, რომ თავიდან ავიცილოთ რუსეთთან ომი, რადგან ეს კიდევ უფრო მეტ ნგრევასა და სიკვდილს გამოიწვევს“, – განაცხადა სტოლტენბერგმა.
Happy
0 %
Sad
0 %
Excited
0 %
Sleepy
0 %
Angry
0 %
Surprise
0 %
Comments
0
0
